مشروع رأس تريلا MERCEDES ACTROSS

[mercedes]

السلام عليكم و رحمة الله و بركاته

ألف شكر لكل الأعضاء اللى كلفوا نفسهم و ردوا عليا .

أنا زى ماقولتلكم , أنى لا أفقه شئ خاااااااااااااااالص فى الشغلانة دى , بس اللى كان مشجعنى عليها أن معايا تمن الرأس و ده اللى خلانى أفكر فيها .

بس اللى أنا كنت متخوف منه هو فعلا , المعاملة مع طايفة السواقين و التباعين و بتوع المرور و التراخيص سواء داخل ادارات المرور و لا براها .

بس اللى ان مخلينى متشجع , أن فيه ناس مؤهلات عليا و نظرا لعدم توافر فرص عمل فى البلد , فأخدوا رخص درجة تالتة و بيشتغلوا سواقين على العربيات دى و دول طبعا , المعاملة معاهم هتبقى غير السواقين الصيع التانيين , لكن اللى أنا مش عامل حسابه , كانت فعلا المعاملة مع بتوع المرور و التراخيص .

من ضمن الحاجات اللى كانت مخليانى أفكر فى الموضوع ده , أنى كنت عرفت أن السواقين النقل فى كندا, الTruck drivers بيحققوا أرباح عالية فعلا فى السنة بتتراوح بين ال60000 - 70000 دولار فى السنة, لو سواق على الرأس , مش بتاعته , بس طبعا هناك حاجة و هنا حاجة تانية لأن ببساطة مفيش هناك عساكر ولا ظباط مرور يترازلوا عليهم و يستقطعوهم زى عندنا .

المشاركة الأصلية كتبت بواسطة NicEgypt بالنسبة لموضوع راس اكتروس .. فعموما انواعهم كتيرة جدا سواء مرسيدس اكتروس .. او اسكانيا .. او رينو وهى ارخصهم على فكرة او المان .. لو عملنا قائمة بالارخص سعراَ سواء جديد او مستعمل والاعلى سعراَ هتلاقى الارخص سعراَ خالص ف القائمة من تحت الريـنو .. علماَ ان فية منها فتيس اتوماتيك وارخص تخيل ؟ والاعلى سعراَ مرسيدس اكتروس .. بالنسبة للرأي طالما ناوى تجيب راس بس .. الراس مشاكلها قليلة طالما هتجيب راس حالتها كويسة سواء مستعملة او جديدة .. ثانيا : علشان ارد على حضرتك بأستفاضة اكبر ومعلومات اكتر .. لازم حضرتك تحدد باقى معلومات زى مثلا الراس حضرتك عايز موديلها قريب ولا بعيد ؟ جديد ولا مستعمل .. هوضح سبب سؤالى لان ببساطة الجديد من اول موديلات 2000 وما بعدها كلة شغال كمبيوتر وخصوصا الاكتروس فية شاشة اعطال LCD وفيها ABS حتى الازاز الكهربا بالكمبيوتر .. فيها اوبشنز مش موجودة فى ملاكى موديل 2000 اي عطل ف الحاجات دى الكمبيوتر بيظهر علامة وبيكتب السبب وفى بعض الاعطال الكمبيوتر بيوقف عمل العربية بالكامل لوجود عيب ف حساس مثلا .. او اي شيئ اخر يعنى شيئ تافه يتطلب من حضرنك الاتصال بالوكيل . وطبعا الوكيل بيكشف بكمبيوتر مشابة لكمبيوتر السيارات الملاكى وعلى اساسة هتدفع ياما كتييير ياما بسيط فلازم حضرتك تقرر لو عايز تكنولوجيا جديدة وسيارة مريحة وكمبيوتر اعطال .. يبقى موديلات اول 2000 وتتوقع اي حركة منها ... انما عايز حاجة مفهاش الكلام دة يبقى عليك وعلى الاقدام وتشوف حالة نضيفة النقطة الثالثة : الديل .. حضرتك عايز الديل يكون اية ؟ بمعنى .. لو هتشغلها ف نقل المعدات الثقيلة يبقى كـساحة يبقى هتحتاج ديل كساحة .. لو هتشغلها فى نقل المأكولات والاطعمة وخلافة .. يبقى ديل تـلاجة ودى فيها منها انواع كتير ومشاكلها كتيرة جدا .. لانها ببساطة فيها تكييف تلاجة بماركات كتيرة منها كاريير .. وماتور التلاجة بيعطل فى حالة عدم الاعتناء بية .. وكذلك بيكون لها 2 بطارية غير بطاريات الراس خالص وليها دينمو خاص بيها ولها عيوب ومميزات ... بعد كدة فية ديل مقطورة اللى هو حاليا قطعة واحدة بس لان المرور منع المقطورة ودى بتشيل طوب وحاجات مختلفة . بعد محضرتك تحدد وتختار من الحاجات دى .. هقول لحضرتك هل المهنة دى شغالة فعلا وتوكل على الله ام لا مثال اخير .. لو حضرتك اخترت ان العربية هتشتغل فى نقل المعدات الثقيلة .. يبقى كدة ديل كساحة وهنا مشاكل بالجملة .. اولاَ هتحتاج كاوتش كتير لان الديل بياكل الكاوتش خصوصا لو العفشة مش مظبوطة بالاضافة ان مهنة نقل المعدات الثقيلة شغال فيها الالافات .. والشغل اساسا فيها مــريح .. لان ببساطة الاستثمار قليل جداَ والعرض اكبر من الطلب ( العرض من سيارات النقل .. اعلى من طالبى النقل ) . فكر كويس واحسبها وهساعدك بأذن الله وبفضل من الله بأخذ القرار المناسب

بالنسبة للموديلات اللى أنا كنت بفكر فيها , كانت موديلات جديدة , حتى انا كنت بفكر أجيبها مباشرة من ألمانيا .

أما حكاية الديل دى بأه , انا مافكرتش فيها خالص , لأنى كنت فاكر أن الديل بيبقى غالبا على صاحب شركة النقل اللى أنا متعاقد معاها , معلش اعدرونى فى الكلام ده , بس اللى أنا شوفته بره كان كده , كان السواق عليه الرأس و الشركة بتاع النقل عليها الديل , كل اللى مطلوب من السواق أنه يروح شركة النقل اللى هو متعاقد معاها اللى هى بدورها متعاقدة مع العملاء اللى عندهم بضايع عشان تتنقل و بيلاقى الديل جاهز و متحمل و تمام التمام , كل اللى عليه أنه يعشق الديل فى الراس و يوصل فيش الفرامل و يشد على بلد المحبوب و خلاص , لكن أن أنا اللى أجيب الديل , ده على كده أنا عشان أعمل المشروع صح , محتاج عالأقل راسين و 3 انواع من الديول , معدات تقيلة و تلاجة و ديل مسطح زى اللى بيتشال عليه الأسمنت و الحديد و الكلام ده و كمان محتاج عقد مع شركة عشان أضمن الشغل , الكلام ده كله غير رزالة بتوع المرور و دى يتفاتلها بلاد .

الشغلانة دى شكلها مش نافع , أفكر فى حاجة تانية أحسن .

ألف شكر على الردود المفيدة دى كلها و ربنا يجعله فى ميزان حسناتكم .

MERCEDES E230

[MOUSTAFA_SAAD]

يا اخى حرام عليك
انت مش عارف الفرق بين سواق الرخص الدرجه التالته اللى بيسوق تاكسى او مكروباص وبين سواق الدرجه الاولى اللى بيسوق التريلا والاوتوبيس الكبير الخمسين راكب وعايزتدخل فى مشروع مقرف زى ده

لو فلوسك محيراك ارميها فى البحر السمك ياكلها اولا بيها
ياما تدهالى اتجوز بيها وينوبك ثواب احسن
لكن تدخل الكار ده ابدا
ده عاوز سواق ابن سواق ومعلم ابن معلم علشان يعرف يزبطه لكن انت باين عليك افندى زى حالاتى وزى الاغلبيه وغاوى توقع نفسك فى مشاكل وخساره وخلاص
انا اؤلتلك اللى عندى ونصحتك من واقع تجربه وخبره وانت حر فى مالك

[aymanay32]

المشاركة الأصلية كتبت بواسطة moustafa_saad يا اخى حرام عليك انت مش عارف الفرق بين سواق الرخص الدرجه التالته اللى بيسوق تاكسى او مكروباص وبين سواق الدرجه الاولى اللى بيسوق التريلا والاوتوبيس الكبير الخمسين راكب وعايزتدخل فى مشروع مقرف زى ده لو فلوسك محيراك ارميها فى البحر السمك ياكلها اولا بيها ياما تدهالى اتجوز بيها وينوبك ثواب احسن لكن تدخل الكار ده ابدا ده عاوز سواق ابن سواق ومعلم ابن معلم علشان يعرف يزبطه لكن انت باين عليك افندى زى حالاتى وزى الاغلبيه وغاوى توقع نفسك فى مشاكل وخساره وخلاص انا اؤلتلك اللى عندى ونصحتك من واقع تجربه وخبره وانت حر فى مالك

عذرا للمداخلة مع انى لا افقة شىء فى هذا الموضوع بس كنت عاوز اقول ان زى ما فيه نسبة كبيرة من السواقين وحشين فيه نسبة برضوا من السواقين المحترمين اولاد البلد اللى يحافظوا على العربية و صاحبها و ما بيضربوش مخدرات و ماشيين صح الصح و بيجروا على اكل عيشهم و بس و فاتحين بيوت عائلات و اسر

[mercedes]

المشاركة الأصلية كتبت بواسطة moustafa_saad يا اخى حرام عليك انت مش عارف الفرق بين سواق الرخص الدرجه التالته اللى بيسوق تاكسى او مكروباص وبين سواق الدرجه الاولى اللى بيسوق التريلا والاوتوبيس الكبير الخمسين راكب وعايزتدخل فى مشروع مقرف زى ده

السلام عليكم و رحمة الله و بركاته

Ooooooooooooops

أنا شكلى كده عجنت الدنيا و لا ايه .

خلاص يا باشا , آخر مرة و الله العظيم

أنا كان قصدى الدرجة الأولى , بس التعبير خاننى .

MERCEDES E230

[NicEgypt]

المشاركة الأصلية كتبت بواسطة mercedes السلام عليكم و رحمة الله و بركاته ألف شكر لكل الأعضاء اللى كلفوا نفسهم و ردوا عليا . أنا زى ماقولتلكم , أنى لا أفقه شئ خاااااااااااااااالص فى الشغلانة دى , بس اللى كان مشجعنى عليها أن معايا تمن الرأس و ده اللى خلانى أفكر فيها . بس اللى أنا كنت متخوف منه هو فعلا , المعاملة مع طايفة السواقين و التباعين و بتوع المرور و التراخيص سواء داخل ادارات المرور و لا براها . بس اللى ان مخلينى متشجع , أن فيه ناس مؤهلات عليا و نظرا لعدم توافر فرص عمل فى البلد , فأخدوا رخص درجة تالتة و بيشتغلوا سواقين على العربيات دى و دول طبعا , المعاملة معاهم هتبقى غير السواقين الصيع التانيين , لكن اللى أنا مش عامل حسابه , كانت فعلا المعاملة مع بتوع المرور و التراخيص . من ضمن الحاجات اللى كانت مخليانى أفكر فى الموضوع ده , أنى كنت عرفت أن السواقين النقل فى كندا, الTruck drivers بيحققوا أرباح عالية فعلا فى السنة بتتراوح بين ال60000 - 70000 دولار فى السنة, لو سواق على الرأس , مش بتاعته , بس طبعا هناك حاجة و هنا حاجة تانية لأن ببساطة مفيش هناك عساكر ولا ظباط مرور يترازلوا عليهم و يستقطعوهم زى عندنا . بالنسبة للموديلات اللى أنا كنت بفكر فيها , كانت موديلات جديدة , حتى انا كنت بفكر أجيبها مباشرة من ألمانيا . أما حكاية الديل دى بأه , انا مافكرتش فيها خالص , لأنى كنت فاكر أن الديل بيبقى غالبا على صاحب شركة النقل اللى أنا متعاقد معاها , معلش اعدرونى فى الكلام ده , بس اللى أنا شوفته بره كان كده , كان السواق عليه الرأس و الشركة بتاع النقل عليها الديل , كل اللى مطلوب من السواق أنه يروح شركة النقل اللى هو متعاقد معاها اللى هى بدورها متعاقدة مع العملاء اللى عندهم بضايع عشان تتنقل و بيلاقى الديل جاهز و متحمل و تمام التمام , كل اللى عليه أنه يعشق الديل فى الراس و يوصل فيش الفرامل و يشد على بلد المحبوب و خلاص , لكن أن أنا اللى أجيب الديل , ده على كده أنا عشان أعمل المشروع صح , محتاج عالأقل راسين و 3 انواع من الديول , معدات تقيلة و تلاجة و ديل مسطح زى اللى بيتشال عليه الأسمنت و الحديد و الكلام ده و كمان محتاج عقد مع شركة عشان أضمن الشغل , الكلام ده كله غير رزالة بتوع المرور و دى يتفاتلها بلاد . الشغلانة دى شكلها مش نافع , أفكر فى حاجة تانية أحسن . ألف شكر على الردود المفيدة دى كلها و ربنا يجعله فى ميزان حسناتكم . MERCEDES E230

بالنسبة لموضوع الديل .. فعلا برة فية موضوع ان الديل خاص بالشركة وعلية "اللوجو بتاع الشركة واسمها"
بس دة ينطبق على شركات الاغذية والمنتجات الغذائية فقط لا غير .. وشركات البترول كمان بس
غير كدة باقى السيارات والانشطة زى مصر تمام ..
بالنسبة لمصر .. فية شركات " قـلـيلة " منها شركات بترول معروفة " بدون ذكر اسماء "
علشان ميبقاش اعلان لهم .. عندهم ديول فقط وحضرتك عليك الراس بس .. وهنا بقى ميزة
حضرتك طبعا سألت نفسك اكيد لية هما بيشترو ديل بس ومش بيشترو راس
يعنى اللى يخليهم يشترو ديل ترلة .. يقدرو ببساطة يشترو راس ويبقى عندهم سيارة كاملة وسواق
كمان ومش هيتحتاجو لحد وهينقلو حاجتهم بنفسهم .. الرد على السؤال وهو الميزة وهى :
ان الراس بتحتاج صــيــانة اكتر من الديل .. لان الراس فيها ماتور وزيوت وصيانة وخلافة
غير كدة محتاجة سواق كمان لة مرتب ومصروفات .. وجاز وغسيل ... وكل ما يخص بالصيانة
انما الديل صيانتة خفيفة جدا وغالبا بيكون كاوتش فقط .. حتى الترخيص بتاعة سهل جداَ
وبالتالى الشركة بتوفر مصاريف عمالة وهى السواق .. بالاضافة لمصروفات الصيانة ومشاكل الراس
المختلفة .. اللى ممكن توصل لعمرة كاملة .. والعمرة في العربيات دى مش زي الملاكى خالص
انسى 2000 ج دى وخمسة لعمرة ملاكى .. بالاضافة ان لو قدر الله حصل حادث الديل امرة سهل وغالبا بيكون سليم فى اغلب الحوادث .. انما الراس دى لها فيلم تانى خالص .

ودى الاسباب الرئيسية للامتلاك الشركات ديول فقط وليس لعدم خبرتهم او لبخلهم بشراء راس مع الديل
ادعوا الله ان اكون وفقت فى الرد على استفسارتك وتكون فادتك . ولو عايز فعلا تدخل ف الموضوع دة
يبقى تخليك فى شغل شركات البترول والتلاجات .. غير كدة انسى تماماَ .. سواء كساحات او مقطورة
او غيرة دول سوقهم مريح جدا .. ويوم ميشتغل بيضربو بعض ف الاسعار بطريقة غريبة لدرجة ان مشوار قريب العميل يقولك 500 ج كأنة مأجر ملاكى بالظبط . ورايي طالما خبرتك بسيطة ف الموضوع دة يبقى بلاش منة احسن .