افضل و انسب سيارة فان 7 راكب في السوق المصري لعام 2013

[احمد بيكو]

السلام عليكم جميعا
توصلت في النهاية للسيارة الدايهاتسو موتورها قوي و معقول في البنزين و مكيفها ممتاز مع الحمولة و ثبات على الطريق عالي و لكن ما يعيبها ليس بالسيارة و لكن
1- كل من بالطريق يعاملك على انك سائق نقل يعني انا اتصورت رادار على سرعة 78 عند المنوفية وكل شوية في الطفاية و شنطة الاسعاف و الرخصة و سلئق العربية هو مالكها و لا لا يعني المرور هيطلع عينك مع اني كنت بجري بالسوزوكي قبل ما ابيعها على 90 و لم اتصور رادار ( حاجة تجنن بلدنا دي )
قطع غيارها غير متوفرة غير في التوكيل على سبيل المثال قلتر بنزبن ب 1800 ج تيل 600 ج و هكذا
طبعا السيارة بنزين 90 او 92 و مقارنة بالسوزوكي 80 او النقل جاز يبقى تكلفة
المــــــــــــــــرور و هو الاسواء و لم اتصور يوما ان الرخصة سنة بالتامين و الضرائب في حدود 1300 جنية و تدفع رشاوي في حدود 500 جنية علشان تخلص و هقولكو اية الي حصل معايا في مرور الحوامدية الظابط اصر على اني اركب في العاربية الدايهاتسو حاجز حديدي خلف كرسي السائق و لا تدفع 300 جنية وهعديها طبعا زرجنت و مرضتش و بعد ما مشيت وروحت ركبتها و خرمو في القائم من جوا السيارة و ركبوها ندمت اني ما دفعتش و خلصت ورجعت تاني وقفت طابور 3 ىساعات علشان اطلع الرخصة
و خلصت الحمد لله و شايل هم موعد التجديد الي جاي
في النهاية لو عاوز عربية شغل و طحن ( سوزوكي لو شغل جوا البلد مش سفر ) و دايهاتسو لو شغل سفر و مسافات
و تبعدو عن الصيني نهائي حتى لو اعجبك نصيحة لانها مش بتاعة شغل

[حسام ابو كرمة]

تسلم على الاهتمام و الرد
و كمان ربنا يكرمك و يبعد عنك شرها و شر المرور و الرشاوى و العطلة
انا استخدامى للعربية هيبقى شغل نقل بنى ادمين الصبح و بعد الظهر خاصة لمشاويرى و داخل البلد
بس انا بصراحة تعبت على قسط حلال دون شبهات و مالقتش غير فى شيفروليه و ابوغالى عشان دول بيقسطوا مباشر و عبداللطيف جميل بطلوا ينتجوا الجران ماكس الدايهاتسو ركاب بقت نقل بس يعنى مافيش قدامى عشان ظروف القسط غير السوبر باندا ابوغالى وقطع غيارها سوزوكى او فى شارع زكى و صيانتها ابوغالى و انا مايل ليها او شيفروليه و هى صينى بردوا بس غالية بفرق 14 الف جنيه و طبعا منصور
يا ريت تشاركنى و تنصحنى جزاك الله خير

[الزعيم2]

المشاركة الأصلية كتبت بواسطة حسام ابو كرمة تسلم على الاهتمام و الرد و كمان ربنا يكرمك و يبعد عنك شرها و شر المرور و الرشاوى و العطلة انا استخدامى للعربية هيبقى شغل نقل بنى ادمين الصبح و بعد الظهر خاصة لمشاويرى و داخل البلد بس انا بصراحة تعبت على قسط حلال دون شبهات و مالقتش غير فى شيفروليه و ابوغالى عشان دول بيقسطوا مباشر و عبداللطيف جميل بطلوا ينتجوا الجران ماكس الدايهاتسو ركاب بقت نقل بس يعنى مافيش قدامى عشان ظروف القسط غير السوبر باندا ابوغالى وقطع غيارها سوزوكى او فى شارع زكى و صيانتها ابوغالى و انا مايل ليها او شيفروليه و هى صينى بردوا بس غالية بفرق 14 الف جنيه و طبعا منصور يا ريت تشاركنى و تنصحنى جزاك الله خير

اضم صوتي لصوت حضرتك ياريت حد يفدنا



!!!!!!!!!!!!!!!!!!!!!!!!! !!!!!!!!!!!
اعذروني لعدم تواجدي لاني مش عندي جهاز الوقت أنا متصل عن طريق الموبيل!!!