كل مايخص صاج العربيات

[thesward_6000]

بسم الله

طبعاا كله بيبقى شايل هم اى خبطه او اى حاجه فى العربيه لا قدر الله لو حصلت


مبدايا الحوار ده انا هقوله للشباب الى مزنوق مثلا او الى عايز يصلح عربيته وخلاص او الى هايصلح ويحطها ف جراج او الى عايز يشيل الحاجات الاصليه ف عربيته ويعمل افتكاسات فى العربيه زى حالاتى

المهم
الحوار بدء عندى لما اتخبط الباب الامامى يمين راح ف داهيه
وكان الحل انى اجيب باب وطبعاا كانت اكبر صدمه ف حياتى باب نيسان ب4000 جنيه
ده وكيل طبعااا وبمناسبه الوكيل هى الناس ديه مالهم حاسين انهم اصحاب السيارات ف الشرق الاوسط واثيوبيا والقاراات وبولاق الدكرور اى وكيل تسئله يقولك مش هاتلاقى بره ابدا


المهم قولنا الوكيل 4000 جنيه
استيراد 1500
اى كلام 1300
صاج بس 800
وف كل الاحوال ديه برضه بالنسبالى كان غالى لانى لما بصيت للخبطه محستش انها تستحق اننا اصرف 1000 جنيه على بعض وطبعا اول سمكرى قابلته كان عايز حاولى 6 مليار جنيه تمن تصليح

المهم ربنا هدانى على ناس ف الدقى بيجيبو القطع من عربيا ت تانيه او زى مابيقوولو سمكريه تامين
الناس ديه بتجيب القطع من عربيات عامله حوادث ومتقطعه والعجيب ان قطعهم كلها سليمه
وطبعاا الاسعار وهميه الباب الى كان ب800 بقى بكام صاج بس ب 300 جنيه

طبعااا انا جبت الباب وركبته واشطه بس فضلت ادور عالناس ديه ف كل العربيات

الى لقيته بقى

مستشفى ام المصرين جمبها ورش شغالين هيونداى بس من اول 2008 لغايه 2012 قطع غيار كل حاجه هيونداى ودايو اسم المحل عبده حمام
اى قطع غيار يابانى عند سوسو من اول الدلايات لغايه الشنطه والكبوت والكلام ده سوسو ده ف الجيزه برضه او قريب من صفط اللبن مشهور يعنى

اى عربيات المانى لسه ملقتش حاجه بس هجيب
ف واحد اسمه الشافعى ف الدقى ادام اسد ابن الفرات فيه الحاجات ديه بس مكان عامل زى الوكاله لازم تقلب فيه لغايه ماتلاقى

الفكره فى الحوار ده انى لما جبت الباب اعتبرته انه باب مجانى فنويت اقصه واخليه كابورليه واخليه يرفع لفوق بس الفكره انى هاجيب مكنه ضغط كهربا مش شد يعنى الباب هايفتح لفوق بس بزرار ويقفل بالزرار برضه

المهم غير الباب والحاجات ديه الكبوت طبعاا الشنطه الرفارف المرايات كمان كل حاجه تقريبا

وفى واحد تانى ف ش العشرين بيجيب حاجات موديلات قديمه يابانى والمانى بس من اول 88 لغايه 2000
بس

اسمه اايهاب السيسى
المهم لما تفكرو ف قطع الغيار ديه كلمونى بس وانا هاتصرفلكو ف حاجه على ادكو

بس الفكره انه احسن مجيب جديد تايوانى او صينى
واحسن 100 مره من انى اجيبه من الوكيل ب65 مليار جنيه لان تقريبا بيبيعو قطع الغيار فى الوكيل اغلى من العربيه نفسها

[aboradwan3]

طبعا اي وكيل حراااااااااااااامي

[goudai]

:CH UBBY~36:

المشاركة الأصلية كتبت بواسطة aboradwan3 طبعا اي وكيل حراااااااااااااامي

[mohamed elshahat]

[eng.mena]

باشا بعد اذنك اليابانى القديم الاقى قطع غيار فين(صاج و فرش)
و لو تعرف سمكرى ايده نضيفة ياريت تقوللى عليه
اكون شاكر جدا