بتخاف تنزل بالعربية؟

[Injection]

طبعا أكثرية الأعضاء فى المنتدى عندهم عربيات( ولا ده منتدى طبيخ) وأكيد أكيد طالما عندهم عربيات يبقوا بيسوقوها وأكيد بيمشوا بيها فى الشارع مع باقى خلق الله.

السؤال دلوقتى هو هل بتخاف تنزل تاخد العربية ولو خايف بتبقى خايف أو مضطرب من أيه؟

أنا عن نفسى بطنى بتتقلب لما أبقى هنزل بالعربية فى الزحمة وببقى بموت فى جلدى, مش عارف هركن فين, هسوق حلو ولا لأ هخبط حد مالوش ذنب غير أن حظه الأسود خلاه معايا فى نفس الشارع وأضطراب فظيع, والغريبة أنى ماببقاش خايف على نفسى ببقى خايف على العربية والناس.
اللى يضحك بقى فى الموضوع أنى أول ما أمشى 5 متر بالعربية أتحول لسواق فى الفورملا وان والأدرينالين يعلى والعداد ماينزلش عن 80 ألا لما بزهق وأخد جنب و أمشى براحة.
صور توضيحية:-
قبل النزول:-


بعد النزول:-


عايزين نجمع الخوافين اللى فى المنتدى والناس أصحاب القلوب الميتة, بتحس بأيه لما تبقى عارف أنك هتعمل مشوار بالعربية؟

[Abu_mazen]

بالنسبة لي الشىء الوحيد المزعج جداً عند الخروج بالسيارة هو السؤال الرخم ياترى هلاقي مكان علشان اركن فيه ؟ وادعي ربنا علشان اعرف اركن فى مكان قريب شوية وخاصة فى شوارع مصر المحروسة ، ويا سلام لو انت فى اسكندرية بتصيف الواحد بيكره نفسه من الزحمة وأمكان الانتظار الله يكون في عون أهل اسكندرية حبايبنا حاجة تخنق بجد موضوع الركن فى الشوارع 0

[Ahmed.gunners]

الحاجة الوحيدة الي بتحليني مش طايق حالي هو الركنة بتاعت السيارة والناس المستفذة الي بتسوق ببرود انا ما بصدق اطلع علي الدائري او المنيب علشان اطير بالعربية افك حبة

[SHERIF MARLBORO]

اكتر شىء بيخلينى اجيب الوان لما ابقى عارف انى هدخل سوق او منطقة شعبية و زحمة جدا بخاف اوقف السكه ده غير الاعصاب

[Injection]

السواقة فى مصر عايزة حد مايعرفش الخوف, عايزة واحد يدوس بنزين وفرامل بس.
أنا متهيألى أننا بنهتم أكثر من اللازم بمشاعر الناس اللى حوالينا, ما التاكسى والميكروباص بيزنق على كله ومابيحصلوش حاجة ولا حتى بييجى فى باله أنه غلطان والركنة أرمى العربية فى أى حتة زى مالناس بتعمل.
أحنا لازم يجرى فى عروقنا مية ساقعة وننفض للناس اللى فى الشارع كلهم.
محدش يقدر يتطوع يعمل كده وييجى يحكى لنا خد كام خبطة واتشتم كام مرة؟