مصر تصنع سياره نانو ايجيبت بسعر25000

[مصطفى الرايق]

"نانو إيجيبت" أرخص سيارة في العالم مصرية

فجر ملحق السيارات التابع لصحيفة "الجمهورية" مفاجأة مثيرة بالإعلان عن أن السيارة "نايل تك نانو" التي ذكر المحلق ذاته الأسبوع الماضي أنها صينية ، مصرية 100% اسمها "نانو إيجيبت" ومن إنتاج شركة حلوان ومحركات الديزل".

وقال المهندس رضا غازي رئيس مجلس إدارة المصرية للاستيراد الوكيل الوحيد للسيارة التي تم صنعها في شركة "حلوان ومحركات الديزل" إن "نايل تك نانو" هي الهدية التي تقدمها الشركة لمحدودي الدخل بسعر لم يسبق له مثيل في العالم لا يتجاوز 24.999 جنيه".

وأضاف غازي أن شركته تقدم السيارة بأقل مقدم وأقل قسط ، مشيرا إلى أنها مصممة لتفادي أضرار المطبات العشوائية ، كما أنها مصنعة من الصاج لتحمل أقصى ظروف التشغيل الممكنة.

وتوفر "نايل تك نانو" في استهلال البنزين ، إذ أنها تستهلك 3 لترات لكل 100 كيلو متر، كما تتحمل درجة حرارة عالية تصل إلى 50 درجة ، ومساحة السيارة الداخلية واسعة وبها إطارات معالجة ضد الثقوب وتلحم نفسها بنفسها ، فضلا عن فتحة سقف ، وفوانيس شبورة وجهاز كاست حديث ، كما أن قطع الغيار متوافر بأسعار رخيصة.

سيارة على الطريقة المصرية

والسيارة "عفشتها" تتمتع بنفس مواصفات سيارات "سوزوكي" اليابانية ، وبها فتحة سقف و"سبويلر" خلفي.

وكشف غازي عن أن قيمة "عمرة" الموتور كاملة لا تتعدى 250 جنيها ، مشيرا إلى أن جميع العملاء يمكنهم مشاهدة السيارة من خلال الوكيل الحصري أو أحد موزعي الشركة.

معلومات عن نانو ايجيبت

اولا - السيارة بتصميم وافكار مصرية لكن مصنعة في الصين لعدم تعاون المصانع المصرية للانتاج المصري
ثانيا - سعر السيارة 25 الف جنية مصري وممكن تقسيطها عن طريق بنك ناصر بمقدم 5000 وقسط شهري 350 جنية وكل ده بصورة البطاقة ووصل النور فقط
ثالثا - السيارة مصممة بطريقة فعلا انها تلائم الطرق المصرية والمستهلك المصري
ومن اهم المميزات الموجودة في السيارة
1 – السيارة بتقدر تستحمل اعلي درجات الحرارة بدون ما الماتور يسخن لان ماتور السيارة من ورا وليها ردياتير بمروحة من قدام يعني دورة المياة اللي داخلة للماتور باردة لذلك العربية مبتسخنش
2 – السيارة كلها مصنعة من الحديد وللتوضيح ان مثيلتها الهندية مصنوعة من البلاستيك والفيبر لكن نانو ايجبت مصنوعة كلها من الصاج حتي الاكصدامات من الصاج وعلي فكرة صاج تقيل مش زي اللي موجود دلوقتي في السيارات الحديثة
3 –السيارة عالية عن الارض علشان متتأثرش بالمطبات
4 _فيها كاوتش بيلحم نفسو بنفسو
5 –السيارة منظرها جميل وصغيرة وواسعة من جوا
6-الماتور 650 سي سي واحد سلندر والسرعة القصوي 80 او 90 كم/ س بعكس مثيلتها نانو الهندية 625 سي سي اتنين سلندر وسرعتها القصوي 70 كم/ س
7-السيارة بدون اسبراتير لانها واحد سلندر يعني مفيهاش اعطال الكهربا وكمان بدون سيور يعني مفيهاش اعطال قطع سيور الماتور
8 –السيارة بتستهلك 1 لتر بنزين لكل 30 كلم

اهم مميزات الكماليات .........

1 - فتحة سقف
2 - باور
3 - تكيف سخن
4 - فوانيس شبورة
5 - سبويلر خلفي مضئ
6 - كاسيت حديث

ملحوظة
سعر السيارة الحقيقى 17000 جنية مصرى لاغير
نظـام تقسيـط نـانو ايجيبت

وهذا السعر المرفق عندما دخلت مصر
25000

[zoomaa&mizaa]

يا كسوفى عملنا زى الصائم أللى فطر على بصلة

[mesho90]

انا مش فاهم منين هي صنعت في الصين ومنين
تم صنعها في شركة حلوان ومحركات الديزل
وشكرا علي الموضوع الجميل

[msio]

المفروض يكون سعرها 17 الف مش 25 الف ماهو كدة ممكن تشترى سيارة مستعملة ب25 الف احسن ماتشتريها
الصح ان سعرها ينزل علشان تتباع ويكون ليها افضلية

[tobgy]

يا جماعة هى العربية على ادها اه
بس لو بقى عليها اقبال او باعت كتير اكيد الشركة حتنزل بعد كدة موديلات احسن
و خصوصا لو لقت الكاشات و لو كمان لقت اقبال
يعنى نصبر على الشركة لحد ما تكبر
و يارب مايكونش نهايتها زى شركة النصر
و لازم نعمل زى الاعلانات
(نشجع الصناعة الوطنية) ptmnlo123per154
هو احنا لاقيييييييييين