MaZda Rx8 درس قاسى للسيارات الايطالية

[hazem_khidr]

المشاركة الأصلية كتبت بواسطة mtema99 المشكله انك مدام جربت الايطالي يبقى لما اتنقلت للياباني كان لازم تجيب حاجه احسن من الياريس مثلا سيفيك كورولا 1800 (و يسلام لو كانت مااانيوال) انا عن نفسي ركبت الايطالي الفخم و الرياضي و الياباني الفخم و الرياضي و الالماني الفخم و الرياضي محركات الايطالي بالذات بغض النظر عن انها سريعه او بطيئه او عزمها عالي او واطي تحس ان المحرك ليه روح *هناك فتره الروح انعدمت فيها من العربيات ديه و كانت في صالح الالماني و الياباني و تحديدا ايام الكريسيدا و مرسيدس 200 و لكن بخلاف هذا فانا ايام المانيا (الله يعيدها علي) كان معايا ام 3 و جربت البورش و نفس الوقت جربت المودينا فرق جامد الوحيده بعد كده اللي جربتها و حسيت انها قريبه جدا من المودينا بس كانت بطيئه على اول 3 سرعات كانت تويوتا سوبرا موديل 1996 كانت 3 سي سي خط واحد مش في و كانت بطلع 320 حصان عند ميكملش 6000 و عزم على حسب الدينوجراف 430 نيوتن متر عند ما بين 3800 و ال 4000 هما بس لو كانوا زودوا سرعه الدوران كان هيبقى عندهم عربيه بجد كنا نقدر نقول انها عندها نفس الروح من جوه زي الفيراري يعني من الاخر بال بي ام دابليو ام 3 و التويوتا سوبرا اكون جربت اهم عربيتين فيهم روح و المفروض بتحلف بيهم بس روح الايطالي كسبت الصراحه انا لا انكر ان الاماني و الياباني احسن تكنولوجي و جوده و الكلام ده بس مين بيشتري ايطالي بيفكر فالكلام ده اصلا يعني انا اشتري فيراري عشان تكنولوجيا و جوده و رفاهيه (مش راكبه) it is not a car,it's a ferrari *ختاما احقاقا للحق ناس كتير فعلا على منتديات و اختبارات حتى في ايطاليا شكروا جدا في نيسان جي تي ار بس انا مجربتهاش عشان احكم و ناس اكتر مستنين محرك لكزس الجديد 5000 سي سي في 10 بعزم ما بين 780 و 850 نيوتن متر و قدره 605 احصنه

بالضبط يا محمد فيها روح
انا عن نفسي مش غاوي السعات اللتريه الصغيره و لو كان معايا فلوس كنت جبت فئه اعلي
ومش دي اول مره اركب ياباني لاء انا ركبت كتير ناس قرايبي بيجوا بالخليج بالعربيات الياباني و جربتها كتير
مكنش فيها حاجه بتعجبني بصراحه غير التكييف و النعومه
هو زي ما انت قولت هيا الروح اللي بتخلي الواحد منجذب للايطالي
و برضه كانت مواتير معمره و بتعيش كتير و عمرها ما كسفتني علي طريق ابدا

[فادى]

المشاركة الأصلية كتبت بواسطة mazda323 الاخ العزيز فادى مش فاهم ليه انت بتغلط فى المازدا ومش عاجباك وبتقول المثل السخيف اللى ملوش أي داعي لأن اللى طلع المثل ده أساساً لا يفقه شيء في السيارات وبعدين مين قالك ان اللى يركب rx-8 لازم يشيل معاه علب زيت والكلام ده هل حضرتك جربت السيارة وعارف الموضوع ده أعتقد إن كلامك فيه شوية عدائية للمازدا مش عارف ليه وطبعاً أحترم وجهة نظرك ، تامر عاشق المازدا

مش عدائية و لا حاجة يا استاذ تامر, انا ضد المحرك الدوار مش ضد المازدا,
و موضوع الزيت ده صفة اساسية من صفات المحرك الدوار, طبيعة تصميمة بتحتم انو ياكل زيت و ديه مش حاجة غريبة.
و المثل اوردته على سبيل المزاح, ده كان مثل بيتقال زمان على المازدا.
و بعدين فى الأخر كل العربيات علب صفيح من حق اى حد "يغلط" فيها.
و فى النهاية لولا اختلاف الأذواق لبارت السلع, و لولا اختلاف الأذواق و الاتجاهات فى السيارات لما كان هناك حاجة لمنتديات السيارات.

[فادى]

فيه حاجة كمان مش واخدين بالنا منها,
الموضوع مش روح بس, و لا شكل بس, قدر ما هو سمعة رياضية,
فيرارى صنعت اسمها منين؟ عشان سياراتها جذابة؟ أو ممتعة فى القيادة؟
فيرارى صنعت اسمها من انتصاراتها التى لا تنتهى فى سباقات الفورمولا واحد و لومان 24 ساعة,
و كذلك لانسيا من سيطرتها على سباقات الرالى و لحد الأن لم تستطع أى شركة تحطيم السجل الخاص بها فى الراليات,
و الفاروميو صنعت اسمها من سباقات الجراند برى, و فيات الشركة الأم لكل هذه الشركات صنعت اسمها فى الرالى و قبل ذلك مع تزويد الشركات الايطالية الأخرى بالقطع و المكونات.
و كذلك مازيراتى التى ولدت فى السباقات قبل ان تنزل الى الطرقات.
و فيما عدا لامبرجينى, فان الشركات الايطالية تشترك فى شىء واحد : فيات هى الأصل الذى انطلقت منه, بدايتها فى السباقات مبكرة و متفوقة, طابع رياضى لا يهدأ, و روح مختلفة و متعة قيادة مهما كان نوع السيارة المنتجة.

لقد بدأ الايطاليين فى فترة ما قبل الحرب بسحق مرسيدس التى كانت تسيطر على السباقات, و كانت البداية مع الفاروميو, و التى القنت مرسيدس درسا قاسيا, ثم حملت فيرارى الشعلة, لتستمر حتى الأن فى السيطرة على كبرى السباقات.
و مازال هذا التفوق مستمرا, و فيرارى هى السيارة الوحيدة التى تصل عالم السباقات و عالم السيارات العادية, فمعظم سياراتها هى نقل لتقنيات الفورمولا واحد مع تعديلها لتتناسب مع الطرقات العادية,
بينما تعتبر معظم السيارات الرياضية الأخرى المانية كانت أو يابانية أو امريكية هى مجرد سيارة بمحرك كبير و نظام تعليق معدل مع نقطة ثقل منخفضة و بابين!
و كانت بورش هى أمل المانيا فى استعادة السيطرة الرياضية بعد ان فقدت مرسيدس وضعها, و لكن حتى الأن, خذلت بورش الألمان بشدة, و لم تستطع مجاراة فيرارى.

[cmmzamzam]

سؤال بقي!!
كام جمارك المازدا ار اكس 8 ؟ اول كاتوجري منها

[حسام البورسعيدى]

هى فعلا عربية ممتازة جدا ..

وانا شايف ان المحرك الدوار محرك ناجح جدا وهيكون ليه مستقبل كبير فى السنين القادمة ...

والعربية دى فى واحد ساكن فى الشارع بتاعى معاه وبصراحة كل ما اشوفها بتعقد ههههههههههه

واللى يعقد اكتر انها منطقة حرة لانها 1300 cc ...


والف شكر على التقرير الممتاز يا ابو نورا ...