هتجنن أجيب لوجان ولا فيرنا :(((((((

[halem]

شوف يا باشا انا كنت فى حيرة زيك كده تمام وشوية أقول اجيب فيرنا وبعدين أقول لأ أجيب لوجان المهم استخرت الله عز وجل وجبت اللوجان الحمد لله العربية ولله الحمد جميلة وعلى فكرة روح اى معرض وافتح الكابوت بتاعها وشوفها هتلاقى كل حاجة فيها بسيطة وباينة ده غير طبعا مميزاتها إللى انت عارفها والعربية كل يوم المبيعات بتاعتها بتزيد وده بينعكس على قطع الغيار وبترخص واحدة واحدة ساعات بعد ما جبت اللوجان قولت يارتنى جبت فيرنا لأن انا اول مرة أسوق والسواقة فى بدنا دى عراك مش سواقة فأقول فى نفسى لو كان معايا فرنا كنت مشيت ولا همنى انما ونا معايا اللوجان ببقى حريص اوى على قد ما أقدر ونا ماشى بص انا من اسكندرية روحت بعربيتى مرة العجمى وما أدراك ما طريق العجمى مطبات وقرف طبعا روحت ولا حكت ولا حاجة قولت عادى يمكن العربيات كلها كده او المطبات واطية سايق يعنى ومش فى بالى المهم روحت المشوار ده تانى مع واحد قريبى بالفيرنا وما أدراااااااااااااك حمدت ربنا وبوست إيدى وش وضهر وقفا وصوبع صوبع ايه يا عم القرف ده العربية بتحك فى كل مطب إن محكتش فى نصف العربية من تحت تحك فى علبة الشكمان بعد ماتنزل من المطب حتى لو نازل بالراحة شغلانة سوده يعنى الحكة دى والعربية زيرو هتزعلك جامد وكل شوية علبة الشكمان تتخرم هيقولولك غير الكاوتش وركب جنوط 14 العربية هتعلى معاك مش عارف بصراحة هل ده حل عملى ولا لأ ؟ ثانيا ً انت جايب عربية زيرو عشان تستفيد بالضمان مش هتجيب الفرنا مثلا ومن أولها هتابع مع مصنعية يعنى اكيد هتابع مع توكيل عشان زيرو فهنا طبعا هتلاقى اسعار اللوجان والفرنا فى التوكيل إلى حد ما متقاربة وإن كان هناك ميزة فى صالح اللوجان إن توكيلها نضيف وبيفهم على فكرة تكييف اللوجان ممتاز واللى يقولك غير كده يبقى مش عارف حاجة انا ساعات كتير بشغله على اول درجة او تانى درجة بالكتير اوى وبعدين التقفيل المغربى ولا المصرى جاوب انت بقه ؟ معلش انا طولت عليك بس حبيت اوصلك وجهة نظرى وربنا يوفقك للخير ومتنساش الإستخارة

[Dr.Mustafa]

المشاركة الأصلية كتبت بواسطة halem شوف يا باشا انا كنت فى حيرة زيك كده تمام وشوية أقول اجيب فيرنا وبعدين أقول لأ أجيب لوجان المهم استخرت الله عز وجل وجبت اللوجان الحمد لله العربية ولله الحمد جميلة وعلى فكرة روح اى معرض وافتح الكابوت بتاعها وشوفها هتلاقى كل حاجة فيها بسيطة وباينة ده غير طبعا مميزاتها إللى انت عارفها والعربية كل يوم المبيعات بتاعتها بتزيد وده بينعكس على قطع الغيار وبترخص واحدة واحدة ساعات بعد ما جبت اللوجان قولت يارتنى جبت فيرنا لأن انا اول مرة أسوق والسواقة فى بدنا دى عراك مش سواقة فأقول فى نفسى لو كان معايا فرنا كنت مشيت ولا همنى انما ونا معايا اللوجان ببقى حريص اوى على قد ما أقدر ونا ماشى بص انا من اسكندرية روحت بعربيتى مرة العجمى وما أدراك ما طريق العجمى مطبات وقرف طبعا روحت ولا حكت ولا حاجة قولت عادى يمكن العربيات كلها كده او المطبات واطية سايق يعنى ومش فى بالى المهم روحت المشوار ده تانى مع واحد قريبى بالفيرنا وما أدراااااااااااااك حمدت ربنا وبوست إيدى وش وضهر وقفا وصوبع صوبع ايه يا عم القرف ده العربية بتحك فى كل مطب إن محكتش فى نصف العربية من تحت تحك فى علبة الشكمان بعد ماتنزل من المطب حتى لو نازل بالراحة شغلانة سوده يعنى الحكة دى والعربية زيرو هتزعلك جامد وكل شوية علبة الشكمان تتخرم هيقولولك غير الكاوتش وركب جنوط 14 العربية هتعلى معاك مش عارف بصراحة هل ده حل عملى ولا لأ ؟ ثانيا ً انت جايب عربية زيرو عشان تستفيد بالضمان مش هتجيب الفرنا مثلا ومن أولها هتابع مع مصنعية يعنى اكيد هتابع مع توكيل عشان زيرو فهنا طبعا هتلاقى اسعار اللوجان والفرنا فى التوكيل إلى حد ما متقاربة وإن كان هناك ميزة فى صالح اللوجان إن توكيلها نضيف وبيفهم على فكرة تكييف اللوجان ممتاز واللى يقولك غير كده يبقى مش عارف حاجة انا ساعات كتير بشغله على اول درجة او تانى درجة بالكتير اوى وبعدين التقفيل المغربى ولا المصرى جاوب انت بقه ؟ معلش انا طولت عليك بس حبيت اوصلك وجهة نظرى وربنا يوفقك للخير ومتنساش الإستخارة

فعلا أنا ملاحظ انها عالية و بالنسبة للتكييف كده حضرتك طمنتني

و أكيد الاستخارة دي شيء أساسي قبل اي حاجة .. و طبعا لو تقفيل الصومال هقول

احسن من المصري ) أصل احنا فينا داء البخل شوية و نحب نوفر و غبور ميتوصاش

بسم الله ما شاء الله عليه نفسو يبيع الفيرنا من غير ماتور عشان يبيع كتير

لكن في حاجة بقى سؤال صغنن ربنا يباركلك في لوجي يا رب و يحفظك بيها و يحفظها بيك

هوا لا مؤاخذه يعني .. يعني ايه بلاك لاين ؟؟ و اوعى حد يقلش عليا و يقولي خط اسود

لأ قصدي هل كل اللوجان 2012 اسمها بلاك لاين ؟ ولا دي الاوتوماتيك بس ؟

و لو هيا تختلف ف يا ريت حد يقولي تختلف في ايه عن الباقي ؟

[Dr.Mustafa]

المشاركة الأصلية كتبت بواسطة d,mhmd brbry العدوى اللى على طريق المحلة ممتاز يا دكترة بس بره التوكيل هتتلطم لو كنا فى القاهرة كنت جبت اى حاجة فى كلمة ونص وبربع تمن التوكيل من التوفيقية او الحرفيين او صقر قريش وكمان سعر اعادة البيع خسارة فادحة واسأل الميجان ام 140 اللى بتتباع الوقتى ب 45 انا مش متعصب للفيرنا خالص بس مش برشحلك اى رينووووو نهائى بالزات فى المنصورة وهداك الله لما فيه خير

و الله هتبقى على حسب التساهيل بقى .. في منتدى اللوجان بيقولولي هات لوجان

و في منتدى الفيرنا بتقولولي هات فيرنا و انا شكلي هجيب 128 مواصفات خليجي

[sherifabden]

يا دكتور مصطفى
كل الطرق المصرية بلا استثناء مليانة جبال مش مطبات
فهل انتا هتجيب عربية واطية وتحك منك ولا عربية عالية وتعدي المطب بمنتهى السلاسة ؟؟؟
ياراجل هات اللوجان
والله عربية حلوة وتمنها فيها
وفيها كماليات مش موجودة في الفيرنا على الرغم ان سعر العربيتين واحد
(الايرباج والايموبليزر وكمبيوتر الرحلات )
وكنت عايز اعرف حاجة
اللي مخوفك في اللوجان ؟؟
وايه اللي مخوفك في الفيرنا؟؟
لكن برضه هات اللوجان اللوجان
وتقبل تحياتي

[Dr.Mustafa]

المشاركة الأصلية كتبت بواسطة sherifabden يا دكتور مصطفى كل الطرق المصرية بلا استثناء مليانة جبال مش مطبات فهل انتا هتجيب عربية واطية وتحك منك ولا عربية عالية وتعدي المطب بمنتهى السلاسة ؟؟؟ ياراجل هات اللوجان والله عربية حلوة وتمنها فيها وفيها كماليات مش موجودة في الفيرنا على الرغم ان سعر العربيتين واحد (الايرباج والايموبليزر وكمبيوتر الرحلات ) وكنت عايز اعرف حاجة اللي مخوفك في اللوجان ؟؟ وايه اللي مخوفك في الفيرنا؟؟ لكن برضه هات اللوجان اللوجان وتقبل تحياتي

اللي مخوفني بقى يا سيد الناس من كل واحده التالي :

خايف من الفيرنا ان مش هيبان فيها الفلوس اللي هدفعها لأن مش فيها أوبشنز
و طبعا واطية و الجبال عندنا أكتر من الاسفلت

أما اللوجان فأنا خايف تبقى معقدة او التوكيل يخرم جيبي و كمان مش فاهم يعني ايه
بلاك لاين دي الله يخربيت التعليم المجاني