هتجنن أجيب لوجان ولا فيرنا :(((((((

[akerima]

المشاركة الأصلية كتبت بواسطة sherifabden بسم الله الرحمن الرحيم ازيكو يا رجالة .. بصو بقى اسمعوني للآخر و خدوني على قد عقلي لأن بجد بقالي اسبوع محتار و مش قادر اخد قرار .. انا معايا دايهاتسو تيريوس مو 2000 جير عادي و تعباني و ببيعها .. ما علينا ربنا يكون في عونك المهم .. انا اخر امكانياتي سعر السبعينات .. حلو اوي و عايز اركب الزيرو بقى مرة في عمري ممتاز الفيرنا عندنا في المنصورة عاملة 71750 جنيه كاملة جير عادي مو 2012 فعلا دا سعراها الاصلي اللوجان عندنا في المنصورة عاملة 72000 جنيه كاملة جير عادي مو 2013 موديل 2013 لسا منزلش واللي يقولك نزل يبقا نصاب طبعا انا من دراستي في المنتدى هنا و اصحابي عارف التالي : أولا : مميزات الفيرنا : - - موتور قوي كلام مضبوط - تكييف ممتاز صح - عفشة ناعمة نسبيا تقريبا - قطع غيار رخيصة و في كل مكان صحح ثانيا : عيوب الفيرنا : - - واطية شوية اوي مش شوية - تقفيل معيوب في بعض الأحيان في كل الاحيان - شكل عام في الركوب و القعدة مش قد المقام . لا بصراحة وضعية القيادة حلوة - مش ثابته بعد 100 كم / ساعة بعد ال120 كم يا باشا ثالثا : مميزات اللوجان :- - واسعة و شنطة واسعة جدا . اوي اوي اوي - عفشة ناعمة جدا جدا . انعم من الريشة - عالية عن الأرض و مش بتحك في المطبات اعلى من جبال الهمالايا - صالون شكلو جميل و عدادات اجمل طبعا ومع وجود كمبيوتر الرحلات - ثباتها احسن من الفيرنا . بكتيير رابعا : عيوب اللوجان :- - تكييف أضعف من الفيرنا . ياراجل اتقي الله !! اللوجان تكييفها اسكيمو والله - قطع غيار غالية و مش متوفرة زي الفيرنا لا لا لا الكلام دا كان زمان دلوقتي منتشرة في القاهرة بالهبل ومش بعيد تلاقيها عندك النهارده بقى ميكانيكي قاللي التالي : اوعى تجيب اللوجان لأن محدش هيشتغلك فيها دي كلها زي كل العربيات الأوروبي على كمبيوتر و متشفرة و محدش فاهملها انما الفيرنا عند اي كلب لابس عفريته ( معلش ألفاظو مش حلوة ) هيصلحهالك و يلم اي حاجة فيها بفلوس قليله. لا مؤخاذة ياباشا الميكانيكي دا جاهل لان الميكانيكي لازم يتطور دا نص العربيات في مصر فيها كمبيوتر ومين قال انها مشفرة والكلام الفاضي دا اللوجان بسيطة جدا في الصيانة العربيات المعقدة صح في الصيانة هيا الرينو فلوانس والميجان انما اللوجان بسيطة جدا ومن الاخر انا مبحبش شغل الميكانيكية خااالص انا توكيلاتي لان كل الميكانيكية اللي اتعاملت معاهم كانوا نصابين هههه والتوكيل هوا ادرى واحد بالعربية ولو نصب التوكيل عليك تقدر تاخد حقك منه بمليون طريقة انما لو ميكانيكي نصب عليك والله مش هتطول منه مليم احمر انا عايز عربية محسش فيها اني متهان و في نفس الوقت تقضي الغرض و انا مش بتاع جري عشان طلعت كل طاقتي في الجري في التيريوس بتاعتي لحد ما طلعت عيني ) فبقيت محترم اوي الوقتي ( ناس متجيش إلا بضرب ال.... ) خلاص يبقا مش مهم تجيب الفيرنا أنا عايز بقى منكو يا اخواتي و حبايبي تنصحوني بس سايق عليكو النبي ( صلى الله عليه و سلم ) اللي ينصح ياخد بالو اني في المنصورة مش في القاهرة يعني أقاليم و المصحف في المنصورة في فرع في شارع جيهان منطقة الجامعة ودا معرض وفي مركز خدمة معتمد اسمه العدوي على طريق المنصورة طنطا يعني مفيش حاجة بعيدة عنك انا لما ركبت الفيرنا تاكسيات الدنيا و الآخرة هنا في المنصورة قلت حلوة و لما سقت رينو لوجان 2010 بتاعت صاحبي قلت أحلى و أحلى بس خايف أتذل تاني في قطع الغيار الغالية او المش موجودة ( ياحبيبي قطع الغيار بقت في كل حتة ومش غالية ابدا غرقان بيتشعلق في قشة ... حد يلحقني بأي كلام يساعد بقى الله يكرمكو معلش انا رغاي بالفطرة بس حبيت أوصفلكم الوصف الدقيق للحالة وانا زغاي اكتر منك هههه عشان محدش يخش يقولي عيوب و مميزات انا عارفها لأني بحثت و ذاكرت في المنتدى كتيييييييييير ماشي مش مشكلة لكن انتا في المنصورة وطبعا مليانة مطبات (انا غبي طب ماكل محفظات مصر مليانة مطبات) فهل هتجيب الفيرنا الواطية لا طبعا هل هتجيب عربية مفيهاش اي وسائل امان تحمي اي حد في العربية مكان عربية واخدة 3 نجوم في اختبارات التصادم وفيها ايرباج لسيادتك نصيحة مني هات اللوجااااان وبس وتقبل تحياتي

عجبني اوي بجد الرد دا - احب بس اضيف ان ماتور اللوجان مش بالتعقيد اللي الناس متصوراه بالعكس هو مش معقد بالمرة ويكاد يكون ابسط من ماتور الفيرنا اللي اي قطة بعفريتة يصلحة - بس للاسف الميكانيكي بتاع حضرتك ماشافش اصلا ماتور اللوجان عشان يحكم علية وبيفتي باللي سمعة وخلاص

[sherifabden]

المشاركة الأصلية كتبت بواسطة akerima عجبني اوي بجد الرد دا - احب بس اضيف ان ماتور اللوجان مش بالتعقيد اللي الناس متصوراه بالعكس هو مش معقد بالمرة ويكاد يكون ابسط من ماتور الفيرنا اللي اي قطة بعفريتة يصلحة - بس للاسف الميكانيكي بتاع حضرتك ماشافش اصلا ماتور اللوجان عشان يحكم علية وبيفتي باللي سمعة وخلاص

فعلا ماتور اللوجان بسيط جدا والله
وللاسف احنا شعب بيحب يفتي جدااا
واشكرك على اعجابك بردي
وتقبل تحياتي

[d,mhmd brbry]

العدوى اللى على طريق المحلة ممتاز يا دكترة بس بره التوكيل هتتلطم لو كنا فى القاهرة كنت جبت اى حاجة فى كلمة ونص وبربع تمن التوكيل من التوفيقية او الحرفيين او صقر قريش
وكمان سعر اعادة البيع خسارة فادحة واسأل الميجان ام 140 اللى بتتباع الوقتى ب 45
انا مش متعصب للفيرنا خالص بس مش برشحلك اى رينووووو نهائى بالزات فى المنصورة
وهداك الله لما فيه خير

[sosoabdu]

يا باشا انصحك باللوجان بلا تردد ... محسوبك زقازيقي راكب لوجان 2012 مانيوال من حوالي سنة بعد ست سنوات كفاح مع المغفور لها الدايو- الله لا يرجع ايامها - فعلا الاوروبي ركوبة أعلي .... لم احتك بمطب في الشرقية و الله بدون مبالغة ......العفشة مبهرة - نعومة السنيييييييين - شنطة بحر 510 لتر .. مقصورة قيادة و صالون واااااااااسع في منتهي الشياكة لا يقارن بالمرة بجحر البلاستيك الدايو و الفيرنا الضييييق الرديء... الموتور معقول جدا و هو بالمناسبة موتور الميجان 99 و تكنولوجيته عااااادية جدا و تاريخه بلا مشاكل تقريبا .....فرامل قوية و ايرباااااااااج- شفت السيفتي ؟؟؟ - لو عايز تاكسي جيب فيرنا او لانوس ..... انما شياكة و احترام و برستيج - كصاحب ملاكي يعني- تبقي اللوجان انسب .... و علي فكرة قطع الغيار متوفرة جوة التوكيل و برة التوكيل ... مالية التوفيقية و شارع دمشق بالاضافة للمستعمل اللي رادم الحرفيين و هي قطع غيار معمرة جدا و مش غالية للدرجة بشهادة كل المختصين ..... ربنا ينجيك م الفيرنا اللي بتحك في الخطوط اللي مرسومة ع الارض و صاحبة ميكس الهلاك المتمثل في الموتور الرهيييييب مع الفرامل الضايعة و انعدام كل وسائل الامان ... و تنه عاااااااامر

[Dr.Mustafa]

المشاركة الأصلية كتبت بواسطة ahmedashraf له ياباشا موضوع محير، أنا من وجهة نظري الفيرنا ركوبة واللوجان ركوبة تانية خالص، على الرغم إنهم محطوطين في نفس الفئه السعرية. بس إنت في عوامل تانية بتحكمك زي محضرتك وضحت، في القاهرة وإسكندرية وكده، قطع الغيار للوجان مبقتش مشكلة، متوفرة في التوكيل وبره كمان. إنت محتاج ح بلدياتك معاه لوجان يعرفك إيه الوضع، أو حضرتك إسأل، أنا فاكر فيه أكتر من عضو معاهم لوجان من المنصورة بس مش فاكر مين. الفيرنا مش وحشة ولكن بعد تقفيلها محليا عند غبور لك أن تتخيل، بس عموما ما أقدرش أفتي فيها، لاكن أنا مستخسر لو اﻷوجان وضعها حلو في المنصورة من ناحية قطع الغيار والصيانة. بس نصيحة، متاخدش علا كلام الصنايعية، هو عايزك تجيب عربية هو يعرف يشتغل فيها، لو عندك مركز صيانة معتمد أو فرع توكيل رينو، يبقى متهينش نفسل ولا عربيتك، إنت هيبقى معاك ضمان 100000 أو ثلاث سنوات، إللى بتصرفة عند الصنايعية إصرف نصفه على الصيانات الدورية وعربيتك تفضل جديدة، من غير محد يلعبلك ولا يخربلك فيها. لو وضع الرينو في المنصورة سئ، يبقى طبعا الفيرنا أحسنلك، القرار قرارك يابرنس، بس لو لوجان وضعها في المنصورة تمام يبقى إنت الكسبان بجد والله، وإنت جربت بنفسك.وال

شكرا لردك الجميل و نصايحك الاجمل و بحييك على صبرك و أسلوبك الراقي لأني
كنت متابع ردود حضرتك في موضوع اللوجان الاوتوماتيك 2012 اللي كان فيها نتشه
( مش بقولكو مذاكر المنتدى )

الفيرنا بقى منتشرة في المنصورة زي الرز ، ليه ؟ لأن كل التاكسيات فيرنا
اللوجان تواجدها زي تواجد التويوتا كورولا او اللانسر ، ليه ؟ لأنها ملاكي

و بالمناسبة انا صاحبي معاه لوجان 2010 ماشية 45 ألف كيلو و مش متابع في التوكيل

بيجيبلها قطع غيارها من المنصورة و بيصلح اي حاجة فيها في المنصورة

ربنا يصلح الحال و انا بدأت تتكون عندي قناعة داخلية باللوجان بس ربنا يكرم و ابيع

التيريوس دي الاول و اخلص منها