هتجنن أجيب لوجان ولا فيرنا :(((((((

[d,mhmd brbry]

اللى اتلسع من التيريوس ينفخ فى الرينو يا ابو الداكترة ووالله الرينو مفيش ركوبة زيه عربية بشواتى وعموما لو جايبها زيرو بمشيئة الله مش هتحتاج حاجة 5 سنين
بس الفيرنا قطع غيارها فى اى سوبر ماركت واى حمار بيشتغل فيها والعربية حلوة وموتور قوى وتكييف ممتاز وسحب رائع بس انا لو مكانك ماجبهاش زيرو اجيب ماتركس 2008 حالة ممتازة بالسبعين وكاملة اتوماتيك مجرد رأى واستخير ربنا برضه يا دكترة

[Dr.Mustafa]

المشاركة الأصلية كتبت بواسطة ابو هيما معلش ومع أحترامى للجميع , هى ليه الناس بتخاف من التوكيلأت يعنى معلش ومع أحترامى , يعنى هى الصنيعية رخيصة .. التوكيل يعنى هيديك قطعة غيار محترمة ومضمونة , التوكيل يعنى مكان محترم تقعد فيه تستنى عربيتك لحد ماتخلص وناس معملتها محترمة وبذوق وأدب مش زى أسلوب الصنيعية , توكيل يعنى هيصلح حاجة ومش هايخرب لك حاجة تانية زي ما كتير من الصنايعية ما بيعملوا وناس كتير عارفة الكلأم ده, وعلى فكرة فى النهاية الفرق بحسبة بسيطة بين التوكيل والورش ده لو فى حالة الصيانة وتركيب قطع أصلية مش مضروبة ففى الحالة دى الفرق بيبقى تقريباً 300 جنيه . انا من رأئى لو أنت حصرت أهتمامك فى العربيتين دوول فيبقى أتكل على الله وهات اللوجان أحلي بكتير من الفيرنا كشكل وخامات وتوكيل , وأخيراً أدعو لك الله من القلب إلى أن يهديك لما فيه الخير لك ويعوض تعبك خير بعد صبر بحاجة تريحك وتسعدك .

أولا شكرا لحضرتك جدا جدا جدا على ردك الجميل ..

ثانيا انا عايز أوضح لحضرتك حاجة صغننة قد كده

انا كنت عايش عمري كله 18 سنة في الإمارات و والله مش بتاع بهدلة يعني و بحب الأصلي و التوكيل

لكن تعرف حضرتك انا لما رحت بالتيريوس بتاعتي التوكيل عشان أغير جنزير كاتينه
الفتيس قالولي ايه ( طبعا توكيل المنصورة ) ؟

قالولي معندناش قطع غيار لموديل عربيتك !! قلتلهم هوا انا جيت توكيل مرسيدس ؟

قالولي لأ توكيل دايهاتسو بس عندنا قطع غيار الجديد بس

قلتلو و الله دي مش بيجو 504 موديل 1979 دي دايهاتسو تيريوس 2000

قالي ( و ركب الوش الخشب ) يا فندم عندنا قطع غيار من 2008 لحد 2012

طب يبقى مسابليش غير البهدلة مع الصنايعية و بوظولي حاجات كتير كانت سليمة

لأن تشخيصهم بالتخمين دايما و بطريقة الاستبعاد ( يعني نغير دي و لو ماتحلتش نغير دي و لو لسه موجودة المشكلة نغير دي .. بيحلقو على العيب زي اللي عايز يمسك فرخة )

أنا و الله عاجباني جدا اللوجان في ركوبها و شكلها من جوه و هيا احسن من الفيرنا فكده

بس الأساس عندي هوا السبب اللي انا بايع عربيتي عشانو ..

خدمة ما بعد البيع .. فنفسي حد من اللي معاه للوجان يقولي إيه رأيو في توكيلها اللي اسمو ( العدوي على طريق المنصورة المحلة )

يعني إخواننا اللي معاهم لوجان في المحلة أو طنطا برضو ممكن يساعدوني

[sayed2077]

والله يا باشا انت جاوبت على نفسك

بمعنى انك فى المنصورة والمنتشر عندك فيرنا فالافضل تجيب اللانوس
ههههههههههههههههههه
انا من راى الخاص
لو المقارنة بين الفيرنا واللوجان

يبقى فيرنا طبعا مش هتغلب فى صيانتها نهائيا وهتبقى ملك زمانك تكيفك باورك ازازك الكهربا والواحد عاوز ايه اكتر من كدا نحمد الله

وعموما انا من راى خليك فى اللانوس افضل قطع غيارها ارخص كمان من الفيرنا والاعتمادية بتاعتها عالية جدا جدا جدا

وعلى فكره انا كنت فى نفس الحيرة بتاعتك
بس مابين
اللانوس و البى واى دى

لغاية ما واحد ابن حلال قالى بص نهائيتها معاك فلوس اشترى البى واى دى على قد حالك اشترى اللانوس

قلتله وضح اكتر شوية

قالى بمعنى اخر البى واى دى قطع غيارها الاصلية وحشه جدا فهتضطر تعوضها بقطع غيار تيوتا او ميتسوبيشى
وشوف قطع غيار الاتنين دوول بكام

قالى بس اللانوس قطع غيارها متوفر بجميع الانواع
كورى وصينى ويبانى

وكمان استيراد
وسعر قطع غيارها كان معاك 128
بل فيه قطع غيار ارخص من ال 128

وادى العربيه بقالها 13 سنه فى مصر مفيش حد جابها واشتكى والعربيه ماشية فى قارات العالم السته
زى الفل شتا شغال صيف شغال
ومبتقولش لا فتتعب نفسك ليه وتغامر بالبى واى دى

قالى كمان فيه قطع غيار صعب تجيبها للبى واى دى مثالا
الدينموا تقدر تقولى هتجيبه منين وبكام
بس اللانوس تروح تجيب دينامو استيراد ب 150 وخلص الكلام
وبراحه اقتنعت اووى بكلامه
وقالى فى نهاية الكلام
عاوز ايه اكتر من ان عربيه
متهينكش وتلاقى اسعار قطع غيارها رخيصه و تلاقى فيها وسائل رفاهية
غير كمان ان اللانوس تعتبر من انعم العربيات فى السواقه
بس ومن ساعتها واقتنعت جدا باللانوس لانها فعلا حمالة اسيه وموتورها بعد 120 بظهر عليه قوة جبارة تخليه يسحب العربيه لل 200 لو انت عاوز

وربنا ييسر للجميع الامور باذن الله

[Dr.Mustafa]

المشاركة الأصلية كتبت بواسطة d,mhmd brbry اللى اتلسع من التيريوس ينفخ فى الرينو يا ابو الداكترة ووالله الرينو مفيش ركوبة زيه عربية بشواتى وعموما لو جايبها زيرو بمشيئة الله مش هتحتاج حاجة 5 سنين بس الفيرنا قطع غيارها فى اى سوبر ماركت واى حمار بيشتغل فيها والعربية حلوة وموتور قوى وتكييف ممتاز وسحب رائع بس انا لو مكانك ماجبهاش زيرو اجيب ماتركس 2008 حالة ممتازة بالسبعين وكاملة اتوماتيك مجرد رأى واستخير ربنا برضه يا دكترة

أنا كنت جايب التيريوس استعمال من سوق العبور و بضرب نفسي بالجزمة اني دفعت فلوس في مستعمل .. فاسمحلي انا حالف تلات أيمان طلاق على مراتي ( أما ابقى اخطب و اتجوز يعني ) مجيبش مستعمل تاني ان شا الله اركب شاهين

أنا كل تفكيري في الزيرو و هقولك ليه ..

السبب حضرتك قلتو العربية اول 3 إلى 5 سنين مهما بتعمل فيها طالما معملتش حوادث

مش بيبان فيها حاجة .. و انا عربيتي موديل 2000 و انا شاريها استعمال سنة 2006

و كانت عروسة لمده سنة ) و اتطلقت

و بدأت بقى مشواري معاها .. مرة 2 كوبلن أمامي ( و انزل هاتهم من القاهرة يا معلم )

و مرة مساعدين أمامي و خلفي ( و على القاهرة يا معلم )

و مرة وصلة الكردان ( بورسعيد استيراد )

و مرة كراسي المكنة ( روح دمياط هاتهم يا بيه )

و مرة بلية سير الكاتينة ( تصور القاهرة برضو )

و مرة و مرة و مرة باختصار انا اتعقدت و صلحتها كويس اوي عشان مش عايز

اللي ياخدها مني ( يشتريها ) ابقى ضاحك عليه و هيا كويسة الوقتي ( ربنا يديمها نعمة )

بس خلاص معدش فيا حيل للبهدلة دي ..

و كل صنايعي و بالذات العفشجية يقولي مبنحبش الشغل في العربيات دي ...

مع ان الشغل فيها بفلوس يعني مش بديلو في الاخر سندوتش فول

[Dr.Mustafa]

المشاركة الأصلية كتبت بواسطة sayed2077 والله يا باشا انت جاوبت على نفسك بمعنى انك فى المنصورة والمنتشر عندك فيرنا فالافضل تجيب اللانوس ههههههههههههههههههه انا من راى الخاص لو المقارنة بين الفيرنا واللوجان يبقى فيرنا طبعا مش هتغلب فى صيانتها نهائيا وهتبقى ملك زمانك تكيفك باورك ازازك الكهربا والواحد عاوز ايه اكتر من كدا نحمد الله وعموما انا من راى خليك فى اللانوس افضل قطع غيارها ارخص كمان من الفيرنا والاعتمادية بتاعتها عالية جدا جدا جدا وعلى فكره انا كنت فى نفس الحيرة بتاعتك بس مابين اللانوس و البى واى دى لغاية ما واحد ابن حلال قالى بص نهائيتها معاك فلوس اشترى البى واى دى على قد حالك اشترى اللانوس قلتله وضح اكتر شوية قالى بمعنى اخر البى واى دى قطع غيارها الاصلية وحشه جدا فهتضطر تعوضها بقطع غيار تيوتا او ميتسوبيشى وشوف قطع غيار الاتنين دوول بكام قالى بس اللانوس قطع غيارها متوفر بجميع الانواع كورى وصينى ويبانى وكمان استيراد وسعر قطع غيارها كان معاك 128 بل فيه قطع غيار ارخص من ال 128 وادى العربيه بقالها 13 سنه فى مصر مفيش حد جابها واشتكى والعربيه ماشية فى قارات العالم السته زى الفل شتا شغال صيف شغال ومبتقولش لا فتتعب نفسك ليه وتغامر بالبى واى دى قالى كمان فيه قطع غيار صعب تجيبها للبى واى دى مثالا الدينموا تقدر تقولى هتجيبه منين وبكام بس اللانوس تروح تجيب دينامو استيراد ب 150 وخلص الكلام وبراحه اقتنعت اووى بكلامه وقالى فى نهاية الكلام عاوز ايه اكتر من ان عربيه متهينكش وتلاقى اسعار قطع غيارها رخيصه و تلاقى فيها وسائل رفاهية غير كمان ان اللانوس تعتبر من انعم العربيات فى السواقه بس ومن ساعتها واقتنعت جدا باللانوس لانها فعلا حمالة اسيه وموتورها بعد 120 بظهر عليه قوة جبارة تخليه يسحب العربيه لل 200 لو انت عاوز وربنا ييسر للجميع الامور باذن الله

ألف شكر يا جميل على ردك الحلو ..

بث في حاجة صغننه

اللانوس دي من سنتين كانت دايو و دلوقتي بقت شيفورليه يعني ممكن بعد سنتين تبقى

أوبل ؟ بهزر

بصراحة شكلها مش عاطفي معايا

فعشان كده انا حاصر المقارنة بين الفيرنا و اللوجان

بس انا كده هعتبر رأي حضرتك فيرنا على بركة الله

يا رب اللي عندو معلومة قد كده ( صغيرة اوي يعني ) ميبخلش بيها عليا زيك كده