هل طريقة الغيار هذه سليمة ؟؟؟؟

[aymanshebl]

بسم الله الرحمن الرحيم


انا لما اكون ماشى مثلا على التالت و فى مطب بهدى خالص و قبل المطب بنقل على التانى و بعدين اعدى المطب و ادوس بنزين بلقى العربية زى ما تكون بتترجرج بسيط و بتكرر بسيط هل فى الحالة دى انقل على الاول مش التانى و انا اعرف ان الاول للطلوع فقط او التحرك من السكون فهل النقل و العجل متحرك صح ولا غلط و بعدين لما و انا سايق و انقل من التانى الى التالت لما بشيل رجلى من البنزين و ادوس دبرياش و انقل و اشيل رجلى بالتدريج من الدبرياج بلاقى زى فرملة خفيف من الموتور لانى بشيل رجلى ببط شوية و لكن لما بانقل بسرعة و اشيل رجلى عن الدبرياج اسرع بحس بسلاسة الغيار فانهى الصح فيهما و بعدين حاجة تانية مثلا لما اكون على الرابع على 70 كم و فى ملف و اهدى و اكون على 30 و انفل على التالت العربية بتمشى بسلاسة و لو نقلت فى الحالة دى على التانى بحس بفرملة الموتور فانهى طريقة صح النقل على التالت او التانى علما لو السرعة نزلت من 30 كم الى 20 كم اللى هى بداية سرعة التانى و انقل على التانى بلاقى العربية ماشية بسلاسة فارجو توضيح هذه النقاط من خبراء المنتدى و لكم جزيل الشكر و كل عام و انتم بخير

[عبدالله منصور]

بالنسبة لحوار المطب طلاما العربية رجرجت منك يبقى انت خدت المطب على الهادى اوى وفى الحالة دى لازم العربية تاخد أول

لما تبقى انت ماشى على التانى وعاوز تنقل على التالت ,, معنى انك ماشى على التانى ان العربية اصلاً واخدة سرعة مش بطالة وفى الحالة دى ترفع رجلك من على البنزين وتدوس دبرياج للآخر وتدى التالت وترفع رجلك مرة واحدة من على الدبرياج او بشكل تدريجى بس سريع جداً مش بنفس تدريج الطلعة الأولى


اما موضوع الملف دا فخده على التانى احسنلك انت مش ضامن على طول ان التالت العربية تسعفك ممكن ترجرج منك وممكن كمان لقدر الله تبطل ومعنى ان العربية تبطل على ملف ع السريع انك بتعرض نفسك لخطر حقيقى

والدى الله يديله الصحة والعافية وهو بيعلمنى قالى الملف زى المطب وبقى يكرر لى الجملة دى كل ما ادخل على مطب او على ملف وانا بتعلم معاه وكان دايماً يقولى خده ع التانى سواء الملف او المطب

وبالتوفيق ياباشا

[memodina1]

فعلا لازم ما دام بترجج تاخد الاول وبراحة بنزين ودبرياج لانى لو بسرعة على الاول بذات هتحس بالفرملة اللى بتتكلم عليها دى طب اية الفرملة دى الاول عشان تعرف
دى موجودة فى كل العربيات حتى البى ام هى انك واخد سرعة 80 وعلى الربع وفجاة تجيب التالت هتلاقى الغيار بيتقل لانى الترس اقل وسرعة لفات الماتور هتزيد اوى هتلاقى الموتور شد معاك عشان يقدر يجيب عدد لفاتة لانى انت كنت على الرابع 80 وعدد لفاتة 3500 لفة مثلا انما التالت على 80 هتلاقى لفاتة 4500 مثلا فلازم يعمل عزم عشان سرعتة فانت تحس بفرملة
نيجى لموضوعك انت لقيت بعد المطب سرعتك قليلة هات الاول وبنزين وبراحة دبرياج او التانى عادى وعشان مترجش تدوس سنة بنزين تقيلة شوية وفى الملفات نصيحة مور بالدبرياج مش بالفتيس وخد الملفات العاصية كدة عشان الجلب وحاجات العفشة دى نصيحة عشان تعيش العربية معاك مش كل مرة تعملها انما يستحسن تعملها دايما كلما كانت فايدك لحد ما تتعود عليها وخد الملف على اخرك التالت اخرك اوى وبلاش بنزين فى الملف لانى كل ما تدوس هتوسع معاك اللفة وتدخل فى حارة تانية غير بتاعتك تبعا لحركة العربية جرب كدة خد ملف وبنزين هتلاقيها بتوح معاك ومش عارف تحرك الدريكسيون بسهولة لاة هتحركة بحساب اوى لانك هتحس انها خفيفة اوى لو حودت جامد هتقلبالكلام دا على الملفات الكبيرة زى السفر مثلا منحنيات فى الطريق كدة
وبعدين خد اللى بيريح رجلك يعنى انت جبت 30 وعايز تجيب التالت اوكى مفيش مشاكل على الغم انة التالت تجيبة على 40 انما ميفعش تجيبة على 20 مثلا طب انت حسيت لو جبت التانى وانت على 30 هتحس بالفرملة اللى بتتكلم عليها دى تعمل اية تقوم مهدى سنة بسيطة لحد ما تجيب عشرين مثلا وتلحم تانى هتلاقيها سلانسية جدا كل دا فى ثوانى هه ومع التعود هتلاقية تلقائى جدا وربنا يستر طريقك حافظ على ثبات العربية ومتخلهاش تكر كتير غلط جدا على العربية واوعى تبطل منك لانى اللى وراك فاهم انك محترف فمش هيعمل حساب غلطاتك وهيكون لازق فيك زى ما بنشوف فى الطرق تلاقى الواحد واف وراك لدرجة لو حصل موقف قدامك وعايز ترجع ورا للاسف هتطبق اكصدامك واللى وراك كمان من كتر ما لازق فيك

[aymanshebl]

شكرا ليكم يا رجالة على الرد الوافى ده و كل سنة و انتم طيبين

[aymanshebl]

المشاركة الأصلية كتبت بواسطة memodina1 حافظ على ثبات العربية ومتخلهاش تكر كتير غلط جدا على العربية واوعى تبطل منك لانى اللى وراك فاهم انك محترف فمش هيعمل حساب غلطاتك وهيكون لازق فيك زى ما بنشوف فى الطرق تلاقى الواحد واف وراك لدرجة لو حصل موقف قدامك وعايز ترجع ورا للاسف هتطبق اكصدامك واللى وراك كمان من كتر ما لازق فيك

و الله هى مش بتكرر هى بتترجرج خفيف زى ما حضرتك قولت