سؤال فى التنك و الصفيحة

[aymanshebl]

بسم الله الرحمن الرحيم

يعنى ايه يا جماعة العربية عاملة كذا كم فى الصفيحة و كذا كم فى التنك ما الفرق بين الاستهلاك بالنسبة للتنك و الصفيحة و شكرا

و السلام عليكم و رحمة الله و بركاته

[Explorer]

الصفيحة = ٢٠ لتر

سعة التنك بتختلف من عربية للتانية

بس في معظم العربيات السيدان الصغيرة اللي احنا بنستعملها التنك بيكون حوالي ٤٠ أو ٤٥ او ٦٠ لتر

[احمد على 1999]

فعلا كلام سليم
يعني مثلا العربيات الموفرة ممكن تعمل 350 كم في الصفيحة و اكتر فلو تنكها 40 لتر فحتعمل في التانك 700 كم

[koashraf]

مثل الزملاء ماقالوا ان الصفيحه 20لتر..وهى مقياس لمعدل استهلاك الوقود حسب سعة الموتور.

واغلب السيارات ىالحديثه التى تعمل بحقن الوقود متعدد النقاط بيكون معدل استهلاك الوقود حوالى300كم متوسط لوسعة الموتور1600 سى سى اما الكرباتير العادى بيكون فى حدود 220 كم لنفس السعه التريه1600..........طبعاً المعدل ده بيعتمد كمان على عوامل اخرى كتيره منها مثلاً هل المسافه المقطوعه داخل المدينه اوخارجها ..هل السياره فتيس يدوى(مانيوال )أو اوتوماتيك...

هل السير لوطريق سفر عكس اتجاه الريح اومع اتجاه الريح..وايضاً السرعه اللى انت ماشى عليها فكل سياره ليها سرعه مثاليه يكون استهلاك الوقود اقل مايمكن بتكون فى حدود من 80الى 90 كم وعند زيادة السرعه عن ذلك يزيد معدل استهلاك الوقود.

ايضاً الصيانه الجيده للمحرك وضبط ضغط الاطارات يقلل من استهلاك الوقود..

اما سعة تنك السياره فله علاقه بسعة الموتور ونوع السياره يعنى السيارات الملاكى بيكون سعة التنك فى حدود 50لتر تزيد اوتقل 10لتر بالنسبه للسيارات الملاكى سعة1600 وكل ما زادت سعة الموتور تزيد سعة التانك لتسير السياره نفس المسافه ..والسيارات ال4*4 طبعاً سعة التانك اكبر لان معدل استهلاك الوقود اكبر والمحرك اكبر فى السعه اللتريه.

حالياً أغلب السيارات الحديثه مزوده بكمبيوتر رحلات يقوم بحساب معدل استهلاك الوقود والكميه المتبقيه فى التانك وتكفى لقياده كم كلم والكميه المستهلكه فى المسافه المقطوعه....بل ان بعض السيارات بها مبين لرقم الاوكتين للبنزين المستخدم..يعنى 92 أو 95 أوغير ذلك.....