▼▼لادا اوكا ..حد جربها ..اويعرف حد معاه ...ادخل وشاركنى ▼▼

[Usama85550]

لادا أوكا ما لها وما عليها
مميزاتها
شاسيه قوي بشكل غريب
موفرة في البنزين , ورغم إن سعة المحرك 750 سي سي لكن على قد وزنها 645 كجم تقدر توصل على السريع إلى 120 كم مستريح وهي المفترض السرعة القصوى, وبتكون ثابتة حتى في هذه السرعة
موديل عالي 2000 مفيهاش أبلاتين ولا بيتعمل لها تشحيم
عيوبها
قطع غيارها غالية لكن موجودة وبتعيش
تقبل تسقيط مارش غير مارشها الأصلي
الكبالين ممكن تتغير بمركات تانية
صالونها وتابلوهها شكلوه بدائي بس ده على قد سعرها
بصراحة لو هتشتريها بسعرها المعقول ده
وتصرف عليها بسيط
ممكن تبقى كأنها زيرو بتكلفة 15 ألف إجمالي أو 12 ألف وصوتها معقول وأحسن من السيت والقرف

[بدر بسيونى]

انا مجربتهاش فعليا بس ححاول اوفرك بعض المعلومات

العربية روسية مش تصميم اوتوفاز

محرك 2 سليندر مكون من 4 صمامات سعته 750 سى سى

يعمل بنظام الكربيراتير

يولد 32 حصان عند 5000 ار بى ام

اقصى عزم له 52 نيوتن عند 3000 ار بى ام

مقاس الاطارات 135/80 R12

السرعة القصوى 130 كم/س

سعة التنك 30 لتر

متوسط استهلاك البنزين 4.5 لتر لكل 100 كم

[Usama85550]

المشاركة الأصلية كتبت بواسطة بدر بسيونى انا مجربتهاش فعليا بس ححاول اوفرك بعض المعلومات العربية روسية مش تصميم اوتوفاز محرك 2 سليندر مكون من 4 صمامات سعته 750 سى سى يعمل بنظام الكربيراتير يولد 32 حصان عند 5000 ار بى ام اقصى عزم له 52 نيوتن عند 3000 ار بى ام مقاس الاطارات 135/80 R12 السرعة القصوى 130 كم/س سعة التنك 30 لتر متوسط استهلاك البنزين 4.5 لتر لكل 100 كم

تمام الله ينور على حضرتك هذه مواصفاتها الفعلية
مواصفات المصنع يعني لكن صاحب الموضوع بيسأل عن عشرتها يعني يهمه يعرف تجربة الناس اللي عاشوا معها
وفعلا كل اللي حضرتك كتبته هو اللي مكتوب عنها في موقع الشركة المصنعة لها

[altemsahnet]

انا عايز اشترى لاادا اوكا لكن قلقى منها موضوع قطع الغيار هل هى موجودة و فين و ايه هى اعطالها المتكررة

[mr_astra]

قطع الغيار موجودة جديد واستيراد
جديد عند سيد نصار وغيرة فى التوفيقية
واستيراد عند واحد فى عزبة شلبى ومعايا رقم موبايلة بس لما تحتاج حاجة ابقى اكتبهولك
وموتورها يا جماعة من تصميم شركة بورش تخيلو
كمان بيعتمد فى الاشعال على موديلاتور مش ابلاتين وكوندنسر