رعشة فى الموتور و السيارة

[Dr.Khaled Youssef]

انالسة شارى صنى و عامل بيها خمسمائة كيلو و هى زيرو مو 2011
المشكلة الان بعد الملاحظة الدقيقة هى رعشة شبه منتظمة فى الموتور و بتسمع فى السيارة و الرعشة دى على السلانسية وبتزيد لو شغلت التكييف
طبعا حد هيقوللى التكييف بعد الف كم هقولله انا بجرب بس زيادة الحمل على الموتور
ايضا تزيد الرعشة لو نقلت الفتيس على الd او ال r وانا دايس فرامل او رافع رجلى من على الفرامل و مش دايس بنزين( طبعا وانا شايل رجلى العربيه بتبقى ماشية بسرعة بسيطة جدا)
الغريب بقى انى لما بفتح الكبوت وابص على الموتور بشوف الرعشة بعينى و احسها بايدى و لكنى لا اسمعها لا فى صوت الموتور ولا فى صوت الشكمان لدرجة بحط ايدى على الشكمان احس بانتظام الوت و الهواء اللى خارج منتظم جدا
ارجع أأكد انى بشوف الهزة فى الموتور بعينى و بحسها بايدى على الموتور و هى شبه منتظمه يعنى مثلا بتحصل كل ثانيتين تلاتة
بالنسبة لل ار بى ام اول لما بدور بيبقى على 1200 و بينزل تدريجيا لحد 700 و يثبت على كدة اما الرعشة مش بتبان قوى فى ال ار بى ام
طبعا انا هوديها التوكيل لانه مش معقول اشترى سيارة زيرو و امشى بيها و فى رعشة الله اعلم بتستمر على وضع السير بسرعة كبيرة ولا لأ لانى خايف ان الهزة دى تبوظ الفتيس مثلا بس انا كنت عاوز اعرف السبب علشان وانا رايح التوكيل ابقى على نور و ما يضحكوش عليا
يعنى لو فيه حاجة مثلا عاوزة تتغير يا ريت تقولولى و ماتبخلوش عليا

[samirayad]

يفضل أنك تطلب منهم المراجعه على رباطات قواعد الموتور والفتيس

لثبيت كل من الموتور والفتيس صح على شاسيه السياره

[Dr.Khaled Youssef]

المشاركة الأصلية كتبت بواسطة samirayad يفضل أنك تطلب منهم المراجعه على رباطات قواعد الموتور والفتيس لثبيت كل من الموتور والفتيس صح على شاسيه السياره

ازيك يا باشا
بس لو الموضوع قواعد الرعشة هتبقى منتظمة ازاى؟
ولك كل الشكر على الاهتمام

[samirayad]

الله يخليك يا أستاذ : خالد

ومبروك أولا على السياره

أن ليه بأقولك تطلب منهم المراجعه على رباطات القواعد

لأن الrpm سلوكه عندك كويس جدا وبالتالى مفيش مشكلة كنترول محرك

وأكيد سلوك النقلات تمام على الفتيس الأوتو

للأسف أن سمعت أن التجميع للصنى حاليا مصرى

ومن الوارد جدا

عدم توافر الضمير المصرى أثناء عملية التجميع للمحرك بالفتيس على الشاسيه

وبالذات لو كان مؤشرعداد الrpm ثابت مكانه على العداد
بعد فترة التسخين وغير متذبذب

مما يعنى أن المشكله مشكلة تركيبات

[Dr.Khaled Youssef]

المشاركة الأصلية كتبت بواسطة samirayad الله يخليك يا أستاذ : خالد ومبروك أولا على السياره أن ليه بأقولك تطلب منهم المراجعه على رباطات القواعد لأن الrpm سلوكه عندك كويس جدا وبالتالى مفيش مشكلة كنترول محرك وأكيد سلوك النقلات تمام على الفتيس الأوتو للأسف أن سمعت أن التجميع للصنى حاليا مصرى ومن الوارد جدا عدم توافر الضمير المصرى أثناء عملية التجميع للمحرك بالفتيس على الشاسيه وبالذات لو كان مؤشرعداد الrpm ثابت مكانه على العداد بعد فترة التسخين وغير متذبذب مما يعنى أن المشكله مشكلة تركيبات

بص يا باشا انا لاحظت ان لحظة الرعشة ال ار بى ام بيترعش رعشة بسيطة
لو مش قواعد ممكن يكون ايه؟ و ايه السبيل للتأكد؟
انا اسف انى بشغل وقت حضرتك