الكابوس اللى تحول لحلم تتمنى إستمراره

[MORE83]

الكابوس اللى بتكلم عنه هو ميدان الرماية و اللى بجد بقى نعمة من نعم ربنا و حاجة بجد تستاهل اننا نشكر رجال المرور عليها

أنا بكتب الرسالة دى بعد ما عديت من ميدان الرماية إمبارح و النهاردة و اقدر أقول لكم ان بعد التغييرات الجذرية اللى حصلت فيه بقى فعلا أحلى حاجة فى مشوارى اليومى للشغل من الهرم لمدينة السادس من أكتوبر

الموضوع ببساطة إن القائمين على التخطيط حولوا إتجاهات ميدان الرماية بشكل يسمح للقادمين من كل الإتجاهات سواء من الهرم أو من طريق الإسكندرية أو طريق الفيوم إنهم يمشوا بشكل منظم فى شوارع واسعة ( من 5 - إلى 6 ) حارات و الأجمل ان الشوارع دى مسفلتة بشكل معقول جدا و بيسيطر عليها إشارة مرور إليكترونية ... و صحيح ان النهاردة هو اليوم التانى لإفتتاح الميدان بشكل رسمى إلا ان السيولة اللى أنا شفتها بعينى خليتنى لازم أقول لوزارة الداخلية و رجال المرور شكرا جزيلا

ملحوظة : الوقت الطبيعى للمرور من ميدان الرماية كان من 3 دقايق ل 45 دقيقة ... و أطول مدة وقفتها إمبارح و النهاردة كانت 11 ثانية و كانت فى إشارة قانونية

نقطتين أخيرتين
1 - لازم يكون فى حل لموقف سيارات الفيوم ( العشوائى جدا )
2 - أكثر ما يضايقنى هو إلغاء مساحة خضراء كبيرة و التى كانت تعتبر متنفس مهم للغاية و لكن دى مقدور عليها
أشرف

[هيثم شاهين]

كلام حضرتك جميل جدا بس بعد الميدان وانت ف الطريق لشارع الهرم الشارع اللى فيه فندق الميرديان و on the run بقى اتجاه واحد لكن زحمه اوى اوى كنت ماشى بالعافيه جنب النقل والميكروباصات ( معاناه ) لكن ربنا ستر لحد ما وصلت الى المنصوريه بدء الضغط يخف شويه بشويه لحد مطلع الدائرى و هنا بداء المشى الطبيعى لا عربيه

[AbOnOrA]

فعلاً حاجة جميلة اننا نشوف ان الكوابيس المرورية ديه قابلة للاصلاح والتغيير بس المهم ان الناس هى كمان تساعد الحكومة وتغير من عادتها السلبية فى السواقة وعقبال ما نص كوابيسنا (مش هبالغ واقول كل) تتحل

و شكراً يا باشا على الخبرptmnlo123per171

[gadix]

الي حصل في ميدان الرماية مش اختراع بس انا نفسي اعرف هوا ليه اتأخر سنين كتيرة؟؟؟؟

[mohamed ibiza]

فعلا الميدان بقي تحفه و واسع جدا و مش زحمه انا من كام معدي فيه الساعة 12 بليل اللي كان دايما مقفول في الوقت ده بس كنت ماشي 100 بعد التعديل الجديد مجهود يشكروا عليه