اتجننت خلاص باقى برج واحد من عقلى..!!!!!

[msa667]

الساده الافاضل ارجو المساعده انا قربت اتجنن
انا معايا ييجى 35 الف جنيه فقلت اجيب عربيه تساعدنى فى مشوايرى فقلت اهم حاجه انها تكون عاليه علشان انا بمشى فى مدقات زراعيه وكده فقلت لازم تكون عاليه ولو محمله لاخرها بعد كده قلت لازم يكون موتورها ميقلش عن 1600 سى سى طب تمام قلت بقى المفروض انها تكون مكيفه علشان خاطر انا من الاقصر انا مش قصدى التكييف انى اكون متلج جواها وكده بس يكون معقول ومياثرش على سحب العربيه بعد لف ودوران وهنا وهناك قلت اجيب بيجو 405 فيها كل المواصفات تقريبا اللى محتاجلها الناس خوفتنى من موضوع قطع الغيار والصنايعيه اللى ممكن يشتغل فيها قلت لا بلاش ميتهئليش انه ممكن يكون متوفر ليها قطع غيار او حتى صنايعيه دورت تانى شوفت اللوجان لقيتها مشكوره جدا من ملاكها بس المشكله انها اكتر من اللى معايا قلت بقى خلاص ادفع اللى معايا مقدم وااقسط الباقى lمع انى مبحبش التقسيط وبضايق منه جدا بالذات انى ممكن ابيع العربيه فى اى وقت لو فى مصلحه كده ولا كده
...... بالصدفه بقى لقيت واحد من ملاك بيجو 405 سالته على قطع الغيار والميكانيكيه قاللى متوفره كويس خالص فى الاقصر وفى نفس الوقت فيه ميكانيكى كويس متخصص بيجو..... الحلم بقى بتاع البيجو رجع تانى بالذات ان انا عاوز اركب بيجو وشكلها احلى من رايي كتيير من اللوجان فاصبتنى الحيره بطريقه فظيعه الرجاء المساعده لو فى اى ملاحظات على اختياراتى ومتوافقه مع متطلباتى ولا لأ..... ومميزات دى وعيوب دى ايه معلش انا برخم .....


معلش اه نسيت .....
استشارتكم على مواصفات العربية التى اريد شرائها بعد ان استقريت على 405 وعلمت انها فئات كثيرة ما بين الكاربيتداير والانجكشن وال 1600 و 2000 سى سى ، فهل 1600 كاربتدير هى اللى قطع غيارها منتشرة ورخيصة فقط ، فالحقيقة انا اريد اتوماتيك وعرفت ان الاوتو 2000 سى سى فقط فهل قطع غيارها رخيصة ومتوافرة ام لا ، ولو كانت اغلى فهل اعلى بكثير من 1600 ولا اغلى بنسبة مئوية بسيطه توازى قيمة العربية ويا ترى ما هى متوسط اسعار موديلات ما بعد سنة 2000 الى 2003 ،والانجكشن افضل ام الكاربيتدير .....