رجاء المشاركة من اصحاب السيارة اسبيرانزا تيجو

[helfoll]

السيارة ممتازة انا معايا 1600 موديل 2010 عاملة 30 ألف كم وزى ماقال الزملاء عيوب قليلة وموجودة فى كل الموديلات الكورى وغير الكورى ايضا مع اختلاف النسب وعلى سعرها صفقة رابحة
عليك بصلاة الأستخارة وتوكل على الله ونصيحة لاتسمع كلام ألا من ملاك السيارة فقط والله الموفق

[dr_eslam_66]

ربنا يوفقك للإختايار الصائب ولا تنسى صلاة الإستخارة.

[tamer.koko]

المشاركة الأصلية كتبت بواسطة حلاوة العنتبلى استاذ تامر انا مش قصدى حد بعينه والله انا بتكلم بشكل عام وبعشم حبتين لما لاقيت الناس هنا متعاونة ومحترمة انا كنت بس بحاول استشير اكبر عدد من الناس لانى لسة حيران جدا عشان هجيب العربية بقرض من بنك CIB والقسط اللى اقدر ادفعه ميجيبش عربية باكتر من 86000 وده مخلى مساحة الاختيار محدودة جدا عموما شكرا جدا لمشاركتك واسف لو الكلمة ضايقتك مش قصدى بجد

ياباشا ولا يهمك مينفعش ازعل منك وانت طالب الاستشاره بس بجد التيجو سعر اعاده البيع بتاعها في الارض وانا يصعب عليه انك تخسر فلوسك والمبلغ بتاعك مش قليل وبما انك هتجيب قسط يبقي العربيه قاعده معاك مش اقل من 3 سنين الاسبرانزا كمان توكيلها وحش بجد فكر كده لو هتغير نتشاور سوا ونقرر وفي ناس بتبقي فعلا جابت العربيه وادبست فمضطر يقول حلوه بس انا مليش مصلحه عشان اضلك

[حلاوة العنتبلى]

المشاركة الأصلية كتبت بواسطة tamer.koko ياباشا ولا يهمك مينفعش ازعل منك وانت طالب الاستشاره بس بجد التيجو سعر اعاده البيع بتاعها في الارض وانا يصعب عليه انك تخسر فلوسك والمبلغ بتاعك مش قليل وبما انك هتجيب قسط يبقي العربيه قاعده معاك مش اقل من 3 سنين الاسبرانزا كمان توكيلها وحش بجد فكر كده لو هتغير نتشاور سوا ونقرر وفي ناس بتبقي فعلا جابت العربيه وادبست فمضطر يقول حلوه بس انا مليش مصلحه عشان اضلك

طيب شور عليا يا استاذ تامر انا اصلى التردد مجننى فى حدود مبلغ 86000 ممكن اجيب ايه مع ملاحظة ان المبلغ قسط مش كاش وبلا ش والنبى تقوللى فيرنا او افيو عشان دول ضيقين اوى وانا من اصحاب الاوزان التقيلة

[MHMOUD ALGAZZAR]

المشاركة الأصلية كتبت بواسطة حلاوة العنتبلى استاذ تامر انا مش قصدى حد بعينه والله انا بتكلم بشكل عام وبعشم حبتين لما لاقيت الناس هنا متعاونة ومحترمة انا كنت بس بحاول استشير اكبر عدد من الناس لانى لسة حيران جدا عشان هجيب العربية بقرض من بنك CIB والقسط اللى اقدر ادفعه ميجيبش عربية باكتر من 86000 وده مخلى مساحة الاختيار محدودة جدا عموما شكرا جدا لمشاركتك واسف لو الكلمة ضايقتك مش قصدى بجد

اخى .....
انا معاية التيجو 1600 من اكتر من سنة عاملة 20000 والحمد لله كل يوم اقتنع بيها اكتر واكتر وكنت زيك كدة من كتلر ما بسمعه وللاسف كتير من اللى بيتكلم لايملك السيارة بس كلامة على السمع وانت عارف عندنا 80 مليون واحد ممكن يفتوا وعلى فكرة انا روحت التوكيل مرة واحدة ف 1000 بس وقرفت ودلوقت متابع مع بتاع عفشة كل فترة يبص عليها والحمد لله والاهم من دة كلة الاستعمال والاهتمام بالعربية.. وربنا يوفقك