نازل من اسكندرية رايح الحرفيين والوكالة .... ياريت حد يقولى السكة ازاى

[Kemo Kono]

انا عايز موتور استيراد 21 أر بفتيسه اتوماتيك او من غير ... لتويوتا كرسيدا 82 ... بس.. انا كده نزل الوكالة و خلاص ... بس انا غالبا نازل بعربية .... فازاى اروح بالعربية للحرفيين ؟؟؟؟
و شكرا جدا ليكم يا شباب .. معلش الغريب أعمى ..

[sad-bird]

توصل بالسلامة ان شاء الله
هفترض انك عارف الطريق من الاسكندرية للقاهرة
لو جاي زراعي بعد ما تعدي قليوب هتلاقي الدائري معدي الطريق هتنزل تحت الكوبري وتطلع اول مطلع بعده يقابلك يمين .. تاخد الطريق على طول اتجاه مصر الجديدة/ المطار تقريبا 18 كيلو وانت ماشي هتلاقي منزل مسطرد وبهتيم والخصوص والسلام كل ده تعديه وتسيبك منه
بعد نزله السلام هتكمل هتلاقي اشاره بتقولك يمين مصر الجديدة / المطار والنفق لو هتكمل مدينة نصر
انت هتدخل يمين مش تدخل النفق تمشي 300 متر وتكمل مع الطريق يمين كيلو بالضبط هتلاقي كوبري المطار ( علوي) مش تطلع خليك من تحت الكوبري وتفضل ماشي حوالي 2 كيلو هتلاقي حديقة بدر على يمينك الشارع اللي وارها يدخلك الحرفيين

لو جاي من الصحراوي هتوصل الدائري برضة وتكمل شويةهتلاقي المتحف على يمينك تكمل لغايه ميدان الرماية تلف وترجع تاني وتاخد مطلع الدائري ونفس الخطوات اللي قبل كده لكن اطول شوية طبعا

فيه ناس هتقولك وليه تاخد الدائري لو جاي صحراوي ما تاخد المحور اقرب وهيدخلك على وسط البلد على طول خصوصا لو رايح التوفيقية والوكالة
هقولهم لو حد يديني تفسير للزحام الرهيييييييييييب اللي في البلد اليومين دول اقوله يديلك النصيحة تدخل من وسط البلد
واي خدمة

هقولك ل

[sad-bird]

المشاركة الأصلية كتبت بواسطة Kemo Kono انا عايز موتور استيراد 21 أر بفتيسه اتوماتيك او من غير ... لتويوتا كرسيدا 82 ... بس.. انا كده نزل الوكالة و خلاص ... بس انا غالبا نازل بعربية .... فازاى اروح بالعربية للحرفيين ؟؟؟؟ و شكرا جدا ليكم يا شباب .. معلش الغريب أعمى ..

طيب بدل ما تروح الوكالة والا الحرفيين ما تنزل بورسعيد وتعمل شغلك كله هناك وتجيب الافراج الجمركي وتيجي


وعلى فكرة فيه معانا في المنتدي واحد عنده قطع غيار دور على موضوعاته وخد تليفونه وأسأله لو عنده تروحله
اسمه الشيخ طارق ابو ذيد