|
سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
أدوات الموضوع |
#1
|
أحترس من التاكسى الأبيض الجديد
كنت انوى التحدث فى هذا الموضوع منذ شهرين ونظرا لظروف خاصة تأخرت فى الحديث عنه
وبداية نقدم تعريفا بنظام التاكسى الأبيض الجديد عند بداية كسر العداد يبدأ من 2.5 جنيه ثم كل كيلو يعد ربع جنيه طيب لو الطريق واقف يبقى كل 7 دقايق يعد ربع جنيه فان كان الطريق متوقف لفترة أقل من 7 دقايق ثم تحرك التاكسى يعد ربع جنيه برضه ولذلك التاكسى الجديد يوافق على جميع انواع الطرق المزدحمة لانها من مصلحته ولايحاول التصرف أبدا سواء بالدخول من الشوارع الجانبية أو الهروب من الزحام أو اى شىء يفعله قائدى التاكسى الأبيض وأسود او أى قائد سيارة طبيعى يريد أختصار الوقت فضياع الوقت من مصلحته لان العداد بيعد وهو واقف مكانه لايتحرك وموفر موتور العربية والغاز لان كل التاكسى محول عربيته الى غاز وكل شىء في العربية متوفر لأنها واقفة مكانها وأذكر مرة جاى فى صلاح سالم من الأزهر الى مصر الجديدة وقبل طلعة كوبرى العباسية التى تنزل منها أمام مستشفى اللأمراض النفسية والمعرض وجدت أمين شرطة أشار لى بالتوقف عند طلعة الكوبرى لان فى تشريفة (الريس أو وزير من الوزراء معدى )ووقفنا جميعا والموضوع مطول فنزلت لامين الشرطة وسألته ان كان الاوتوستراد مقفول برضه فقال لأ وسألته / لو مشيت من ورا المعرض لقاعة المؤتمرات ثم صلاح سالم مرة أخرى هعرف أخرج فقال / لأ لانك هتقابل نفس المشكلة فقررت السير من الأوتوستراد حتى عباس العقاد والتخريم من شارع النزهة الى السبع عمارات ولما قلت لسائق تاكسى من الأبيض كان يقف بجوارى / خش من هنا واطلع على الاتوستراد ولف من هناك لاختصار الوقت فقال / انا مش هتحرك انت عارف بقى عداد بيعد واحنا واقـفين ومريحين وكلام كبير هههههههههه و ضحك وغمز بعينه وفهمت انه طبعا قال الكلام ده من ورا الزبون اللى كان جنبه وطبعا استأذنته فوسع لى ثم عاد مكانه وتركته واقفا ومشيت فأن كنت مستعجل أو رايح مكان والطريق اليه مزدحم نسبيا فلاينفع التاكسى الأبيض لأنه لن يحاول التصرف ولا الهروب من الزحام بل سيمشى فى الطابور وسيبقى فى مكانه وأن كلمته سيقول / الطريق واقف هعمل أيه ؟؟؟ أطير فوق العربيات ؟؟؟؟؟؟ وطبعا لن تملك ردا وستكظم غيظك وتسكت أما ان كان مشوارك طويل والسكة سالكة فالتاكسى الأبيض أرخص من الأسود وأن كان بعض السائقين الأن يقاولك احسن منهم
__________________
انتقل الى رحمة الله .. ونسأل الله له الرحمة والغفران |
#2
|
||||
|
||||
رد: أحترس من التاكسى الأبيض الجديد
على فكره ساعات كاير كانت بتوجهنى نفس المشكله وانا بتعامل مع مرضى فى شغلى وعندى اكتر من واحد فى اليوم بعدى عليه لما بلاقى الدنيا كده بسيبو واشوف غيره فى حته سلكه
فى اللى يسبنى وفى اللى يقلى طيب استنى ويحاول يخرج وفى منهم بيكون معايا من اول اليوم لاخره وده بيكون عاوز ينجز هتقول ايه بقى هههههههه |
#3
|
||||
|
||||
رد: أحترس من التاكسى الأبيض الجديد
و الله انا عندي اقتراح جايز ميعجبش كتير من الناس بس انا شايف انه حل عملي للسواقين,
هنا في الامارات التكسيات مملوكة للحكومة او لشركات قطاع خاص كبيرة و بتعين سواقين يعني السواقيين بيبقوا عبارة عن موظفين بيقبضوا رواتبهم كل اخر شهر من الحكومة او من الشركات دي و في كل تاكسي رقم للشكوي يعني للسواق عمل اي تصرف بتتصل بالرقم و هما بيشوفوا شغلهم معاه و الله الحكومة لو تعمل كدة هتدخل لها منجم دهب ده غير انها هتعيب ناس كتير يعني هتقضي علي نسبة بطالة موش قليلة |
#4
|
||||
|
||||
رد: أحترس من التاكسى الأبيض الجديد
مشكور على الموضوع يا استاز خالد
بس فى سواقين عندهم ضمير وبيختصرو الطرق انا جربت دة ودة مش كلهم
__________________
|
#5
|
||||
|
||||
رد: أحترس من التاكسى الأبيض الجديد
للعلم فقط لو التاكسي وقف في زحمة ساعة بحالها حيعد 15 جنيه بس! لو ماشي على طريق سالك بسرعة 80 حيعد 80 كيلو في الساعة دي ب 100 جنيه و لو طريق نص نص بسرعة 50 كيلو حيعد 65 جنيه في الساعة و لو طريق بيزحف بسرعة 30 كيلو حيعد حوالي 40 جنيه في الساعة دي برضه! التاكس الابيض مش مصلحته انه يقف لانه زي ما انت قلت غاز لو مشي مشولر حيعد فلوس اكتر بكتير لان استهلاك غاز قليل و تكلفة مشوار محترم
|
|
|