بفكر اشترى سيفيك 92 وعايز استفسار من الى معاة العربية !!

[khaled000007]

السلام عليكم انا بفكر اجيب هوندا سيفيك 92 بس كلمت واحد اعرفو كان معاة سيفيك بس هو قالى كلام غريب اوى قالى ان العربية حلوة فى سواقتها بس متعبة فى صيانتها وبيبوظ فيها حاجات كتير وبتسخن كتير اوى والتكييف ضعيف وكل شوية هروح الحرفين وبيبوظ فيها حاجة كل شوية الكلام دة صح ولا اية انا عايز الناس الى معاها العربية هى الى تقولى ؟؟

[Hisham.Elgazzar]

المشاركة الأصلية كتبت بواسطة khaled000007 السلام عليكم انا بفكر اجيب هوندا سيفيك 92 بس كلمت واحد اعرفو كان معاة سيفيك بس هو قالى كلام غريب اوى قالى ان العربية حلوة فى سواقتها بس متعبة فى صيانتها وبيبوظ فيها حاجات كتير وبتسخن كتير اوى والتكييف ضعيف وكل شوية هروح الحرفين وبيبوظ فيها حاجة كل شوية الكلام دة صح ولا اية انا عايز الناس الى معاها العربية هى الى تقولى ؟؟

فعلا مفيش حد معاه العربية دى إلا تلاقيه زائر دايم للحرفيين
فى السنة على الأقل هتروح 8 مرات من تيل لطنابير لعفشة لموتور وكهربا ولو التكييف عاوز تشغله من سرفيس موتور وسخونية
وشكمان

اول ما هتشتريها محتاج تنزل على بورسعيد ومعاك 10 الاف جنيه مثلا تجيب عربية نصين كاملة تفضيها فى عربيتك لأن معظم اللى معاه العربية دى بيهلك أبوها وف الآخر يبيعها لأى زبون مش فاهم

حاجتها مولعه هنا ف القاهرة والحرفيين عموما نصابين جدا لازم يكون عندك حد هناك من أقارب اوى عشان متصرفش كتير عربية كلها مقالب ما أنصحكش بيها حتى لو معاك تمنها شيله ف البنك أحسن ما تخسر

[tamerabaza]

انا معايا هوندا مشكلتها بس التكييف انما عربيه قويه و بالنسبه للسخونه هات ريرياتير كبير انا غيرت الريدياتير بتعها لانه صغير و عاوز جو غير جو مصر بس هى عربيه جميله و حاول تبعد عن الحرفيين شويه شوف حد تانى بورسعيد احسن بكيتر و المفروض ان اعطالها مش كتيره لان هى معايا بقالها 8 سنين و غيرت حاجه بتكون صلاحيتها انتهت بس

[احمد على 1999]

انا والدى كان جابها فى بورسعيد من 5 سنين و كانت ما شاء الله تحفة بالرغم انها موديل 92 لكن كرهتنى فى اللانوس 2002 تحس انها عربية من كوكب تانى و قعدت مع والدى سنتين بدون اى مشاكل
عيبها الوحيد انها واطية فساعات تحك فى المطبات