محتاجة مساعدة لوسمحتم

[الزيرو]

المشاركة الأصلية كتبت بواسطة Elsebily طبعا مبدئيا بالنسبه لموضوع النزول لسوق الحي العاشر فانا شايف اني الناس خايفه منه اكتر من اللازم السوق ده انا روحته قبل كده تلت مرات واعرف ناس اشترت منه كتير وفيه ناس كتير محترمه وجايه تبيع عربيتها من غير نصب بجانب اني فيه تجار حراميه وبتوع مقالب وهيبقي سهل عليكي كشخص عادي انك تعرفيهم عادي جدا بس طبعا قبل ده كله لازم يكون معاكي بتاع عفشه محترم او ميكانيكي وبفضلك طبعا بتاع العفشه وتكوني واثقه فيهم وان شاء الله ربنا يرزقك بعربيه كويسه وزياده في التأكيد كمان بعد اما بتاع العفشه او الميكانيكي يقولك اوكي علي العربيه تاخديها علي اي بنزينه وتكشفي علي كل حاجه ومش مهم مية جنيه ولا مش عارف بقت كام دلوقتي مقابل انك تبقي مطمنه وانتي واخده الحاجه ثانيا موضوع النت ده انا شايفه مشروع فاشل وانا جربته كتير قبل كده بالرغم من اني بعت العربيه المازدا من النت لكن اما فكرت اشتري اتبهدلت بهدله وحشه قوي وبقيت اشوف اصحاب العربيات كاتبين مواصفات لعربياتهم ولا كانهم بيوصفو بورش واروح الاقي الواقع حاجه تانيه ويوم ما اعجبت بعربيه وقررت اخدها خدت واحد بتاع عفشه ورحت مره كمان وطلعت رشه قايم ومن ساعتها قررت اصرف نظر عنه تماما اما بالنسبه للعربيات اللي انتي عاوزاها اولا الاوبل الموديلات دي بتبقي بادئه من 31 وطبعا كل واحد وعلي حسب تقديره للعربيه بس انا بردو معرفش معلومات عن العربيه دي ولا كانت مع حد اعرفه وثانيا الاكسل فيه كتير بيشكرو فيها وبيقولو انها عربيه حمالة اسيه بس انا شخصيا مش بحبها وبتبقي بادئه من تلاتين ودي ممكن تصرفي عليها الف او الفين فعشان بردو اكون واقعي لو عربيه كويسه فيها هتبقي ب 32000 دي طبعا ال 1500 سي سي ثالثا الدايو لانوس 1 من وجهة نظري افضل اختيار فيهم من حيث قطع غيار واعتماديه لكن سعرها اعلي منهم وبتبدأ من 38 وعلي حسب الحاله بقي ودايما لازم تبقي حاطه مبلغ احتياطي لاي عربيه هتقرري تجبيها عشان لو فيه اي حاجه حصلت وممكن تضيفي علي اختياراتك الهيونداي اكسنت عربيه محترمه وكانت مع ناس كتير اعرفهم وقطع غيارها مفيش ارخص منها بالتوفيق

متشكرة يا استاذ Elsebily اوى اوى بجد على شرحك الوافى جزاك الله كل خير

[الزيرو]

المشاركة الأصلية كتبت بواسطة waleed_d82 بما اني من الصعيد زيك وعشت الموضوع زيك علشان تشتري عربية بلاش من النت كله مبالغات بس عندك في المنتدي قسم للبيع المستعمل بصراحة انا بثق فيه وممكن بردة تاخديلك اسبوع في القاهرة وترجعي بعربية محترمة بس خدي وقتك علشان متتخميش في العربية انا حعمل كدة علي فكرة اما نوع العربية انا بفضل لانوس 1 او لانوس 2 دا افضل اختيار امامك

طب يا استاذ وليد لما تسافروربنا يكرمك ان شاء الله بعربية كويسة ابقى قولى لما ترجع اخبار العربيات والسوق والاسعار ايه بالظبط

[waleed_d82]

المشاركة الأصلية كتبت بواسطة الزيرو طب يا استاذ وليد لما تسافروربنا يكرمك ان شاء الله بعربية كويسة ابقى قولى لما ترجع اخبار العربيات والسوق والاسعار ايه بالظبط

ان شاء الله

[mido_khalifa]

خليكي في لانسر كريستاله وسيبك من الدايو والكلام الفاضي دا والله وهتدعيلي

[mido_khalifa]

والله انا ركبت عربيات ياما وجديده كمان الكريستاله من احسن العربيات اللي نزلت وبقولها بقلب جامد واللي معارضني في الراي يرد عليا