نيسان ليفينا ولا كيا كارينز

[msi_msi2002]

باختصار انا عايز عربيه فى حدود 120 - 130 الف
ومحتار بين نيسان ليفينا ولا كيا كارينز خاصة انى عايز عربية هاتشباك مش سيدان
وتستحمل سفر ومش كل شويه تصليح يعنى العمر الافتراضى ليها عالى

ناس بتشكر فى كيا كارينز وناس بتشكر فى الليفينا

انا اتمنى منكم تساعدونى فعلا بخبرتكم وياريت الى عنده خبره يتكلم خاصة فى الليفينا ويكون ساقها وكده
وياريت توضحوا موضوع استهلاك البنزين والموتور للأثنين

فى الحقيقه انا عارف ان فى كذا موضوع عن الموضوع ده بس مفيش ولا واحد بيتكلم باحتراف عن تجربه فعليه فياريت نتكلم من واقع تجربه وخبره مش بس افتراضات

شكرا مقدما للمساعده

[Elsebily]

انا هكلمك عن الكارينز وهقولك انها بجد عربيه جميله جدا مع واحد صاحبي وبجد العربيه دي يعني اولا من ساعة لما جابها من 2010 وهي مريحاه جدا وتقريبا مصرفش عليها حاجه ولا راح بيها الضمان ثانيا استهلاك البنزين فيها كويس جدا وخاصة مع التكييف وقطع غيار الكيا مش هتتعبك زي النيسان بردو اكيد لكن بردو اللي لاحظته فيها اني عفشتها ناشفه حبتين لكن انا شخصيا شايف في المجمل انها عربيه ممتازه وواسعه جدا من جوه وتستاهل سعرها اما الليفنيا فمقرش افيدك فيها بصراحه لاني مركبتهاش بس شكلها حلو وعاجبني يعني ومش منتشره بردو زي الكارينز لو انت يعني من هواة التفرد بالشئ وربنا يوفقك وتختار اللي يريحك

بالتوفيق

[mhamdy75]

خليك فى الكارينز

منتشرة وإتعرف كل حاجة عنها

وسهولة إعادة البيع

[عوني كل يوم]

احب اضيف معلومه ان الكارينز كوري اما اليفينا مصنعه في الصين ولك الحريهههههههههههههههههههه هههه

[msi_msi2002]

المشاركة الأصلية كتبت بواسطة Elsebily انا هكلمك عن الكارينز وهقولك انها بجد عربيه جميله جدا مع واحد صاحبي وبجد العربيه دي يعني اولا من ساعة لما جابها من 2010 وهي مريحاه جدا وتقريبا مصرفش عليها حاجه ولا راح بيها الضمان ثانيا استهلاك البنزين فيها كويس جدا وخاصة مع التكييف وقطع غيار الكيا مش هتتعبك زي النيسان بردو اكيد لكن بردو اللي لاحظته فيها اني عفشتها ناشفه حبتين لكن انا شخصيا شايف في المجمل انها عربيه ممتازه وواسعه جدا من جوه وتستاهل سعرها اما الليفنيا فمقرش افيدك فيها بصراحه لاني مركبتهاش بس شكلها حلو وعاجبني يعني ومش منتشره بردو زي الكارينز لو انت يعني من هواة التفرد بالشئ وربنا يوفقك وتختار اللي يريحك بالتوفيق

شكرا ليك
طيب والكيا سول