ركبت وحدات رفع للزجاج

[tham1010]

مبروك بس يعنى مش فاهم أيه حكاية وحدة الرفع والمسوجر. يعنى دلوقتى تتكى على الريموت يرتفع الزجاج بدون ما الأبواب تسوجر. معلش مليش خبرة

[M.voka]

الف الف مبروك بجد وربنا يبارك ليك فى العربية

[s0144862631]

المشاركة الأصلية كتبت بواسطة tham1010 مبروك بس يعنى مش فاهم أيه حكاية وحدة الرفع والمسوجر. يعنى دلوقتى تتكى على الريموت يرتفع الزجاج بدون ما الأبواب تسوجر. معلش مليش خبرة

بص يا سيدي الفاضل في بعض الكهربائيه بيريحوا دماغهم و بيربط وحدات رفع الزجاج بمسوجر الباب بمعني انك لو قفلت المسوجر يدوي من جوه و انت راكب العربيه الزجاج يرفع وده بيبقى خطر لانه ساعات بيبقى معاك اطفال و ممكن الزجاج يعورهم
فانا صممت انه ما يركبش وحدات الرفع بالطريقه دي وان الزجاج ما يطلعش غير لما اقفل بالريموت فقط او بالمفتاح من بره
هي دي الفكره كلها اوك
والله يبارك فيكم جميعااااااااااااااااااا

[samirsaid1]

انا بفكر فى الموضوع دة

وان شاء الله هاعملة

[goudamahdy]

انا يا باشا ركبت المكنة زي اللي حضرتك ركبتها ف الاسكندرية بس ركبتها ف التوكيل وهي مكنة واحدة بترفع الاربع ابواب راكبة ع الماستر العمومي وبترفع كل باب لوحده وبصراحة جميلة جدا ومريحاني وعليها ضمان سنة وهي تايواني كلفتني حوالي 250 جنيه.

اما عن موضوع المسوجر والابواب انا النهاردة عملت الموضوع ده :
1- سحبت المفتاح من الكونتاكت وسوجرت العربية من جوه ( وانا جواها طبعا) ما حصلش حاجة والازاز ما اترفعش .
2- قفلت الباب اللي جنب السواق بالمفتاح الازاز طلع كلو .
3- قفلت بالريموت طبعا الازاز كلو طلع.
4- قفلت الباب اللي جنب الراكب الامامي لاحظت ان بس الباب ده لوحده اللي قفل وباقي الابواب ما زالت مفتوحة والازاز ما طلعش وكذلك لما تكون العربية مقفولة بيحصل العكس ( بمعني ان الباب بتاع الراكب الامامي هو اللي بيفتح بس وباقي العربية تفضل مقفولة )

باختصار ده موضوع تكنولوجيا في السنتر بتاع العربية وده زاد احترامي للياباني
والسلام عليكم ورحمة الله وبركاته