رابطة مالكي الكيا سيفيا فيد واستفد ( صداقة - نقل خبرات )

[حسام البورسعيدى]

المشاركة الأصلية كتبت بواسطة كيا سيفيا الاخ الفاضل حسام تحيه طيبه... من الواضح من ردك على بعض الاصدقاء انك فاهم كويس فى الميكانيكا ودى ميزة جميله فى حضرتك. علشان كده عندى سؤال : من كام يوم غسلت السيفيا معشوقتى فى محظة البنزين والعربيه خرجت زى الفل بدون اى مشاكل وبعد يومين بدأت لمبة الفرامل تنور بعض الشىء لمدة صغيرة دقائق بسيطه يعنى او اقل ثم تنطفىء لوحدها وبدون اى مشاكل فى العربيه او الفرامل وممكن يوم كامل لا تنور . فياترى ممكن يكون ايه ؟ وتقبل تحياتى

تحت امرك يا غالى فى اى وقت ..

مشكلتك بسيطه جدا باذن الله .. مجرد تلميس بس فى فيشة خرنة الفرامل (الخاصة بتنبيه قله زيت الفرامل) .. افصلها وامسحها كويس بقطعة قماش نظيفة وباذن الله هتظبط معاك ..


ربنا يباركلك فى السيفيا يا باشا ويحفظهالك ويكفيك شر الاعطال والصنايعية ....

[كيا سيفيا]

استاذ / حسام
بعد التحيه ....
شكرا جزيلا على اهتمامك وتفضلك بالرد . بس مش عارف مكان الفيشه
وتقبل تحياتى

[حسام البورسعيدى]

المشاركة الأصلية كتبت بواسطة كيا سيفيا استاذ / حسام بعد التحيه .... شكرا جزيلا على اهتمامك وتفضلك بالرد . بس مش عارف مكان الفيشه وتقبل تحياتى

عنيا ليك يا غالى ..

الفيشة هتلاقيها عند خرنة زيت الفرامل (زيت الباكم) .. هى مكانها واضح يعنى مفيش منها مشكلة باذن الله ....

[كيا سيفيا]

المشاركة الأصلية كتبت بواسطة حسام البورسعيدى عنيا ليك يا غالى .. الفيشة هتلاقيها عند خرنة زيت الفرامل (زيت الباكم) .. هى مكانها واضح يعنى مفيش منها مشكلة باذن الله ....

استاذ حســام
بعد التحيه....

طلع ان الزيت ناقص شويه على الرغم من ان مستوى الزيت فى الخزنه كان اعلى من علامة الـ Minimum بحوالى نصف سم تقريبا . ويبدو ان اللمبه بتفصل بتدرى شويه وانا اعتبر ان هذا ميزة مش عيب لزيادة دواعى الامن بدلا من تآكل التيـل على العموم زودت الزيت وانتهت المشكله 0
وتقبل تحياتى

[كيا سيفيا]

اول امس سمعت صوت طقطقه وخبط بسيط فى الناحيه الخلفى شمال للسيفيا حبيبتى . روحت للميكانيكى وكشف عليها واتضح ان المساعد هو اللى بيخبط واقترح على ان نشترى مساعدين خلفى استيراد وبصراحه انا لا اميل اطلاقا لقطع الغيار الاستيراد او المستعمله وقررت ان اشترى مساعدين جديد احسن علما بأن الاستيراد بيكون المساعد كامل بالسوست والبطاحات اما الجديد فبيكون المساعد فقط .
وعرض على التاجر المساعدين نوعين النوع الاول هو كيا الاصلى انتاج الشركه وكان سعر الطقم ( اتنين) 550جم وعرض على نوع تانى انتاج كورى ايضا ونصحنى ان اخذ النوع التانى نظرا لفرق السعر وكان بمبلغ 340جم وبدون فرق اطلاقا فى النوعيه واسمه parts mall وده حسب كلامه فاخذت الارخص طبعا وركبهم الميكانيكى وبصراحه اداء عالى جدا والعربيه اترفعت فعلا من الخلف بشكل واضح . اما بخصوص المصنعيه فكانت 100جم