عروض مصرية - ميتسوبيشي الرواس (صيانة وقطع غيار أصلية)موضوع اعلاني

[emmer]

مساء الخير يابشمهندس طارق اولا احب اشكر حضرتك على المجهود الرائع الي حضرتك عملة فى هذا المنتدى الكريم ولو تكرمت انا اشتريت سيارة ميتسوبيشي لانسر موديل 99 اتوماتيك عاملة حوالي 152000 كيلو متر انا ماعملتش اي صيانة ليها من يوم ماجبتها كنت حابب حضرتك تقولي اية المطلوب علشان صيانتها الدورية وتكلفتها كام فى الشركة المصرية لاني بصراحه محتاج اعملها صيانتها ومش عارف ابدأ منين وهاتتكلف قد اية ولكم منا جزيل الشكر .

[شركة مصرية]

المشاركة الأصلية كتبت بواسطة iprahimkamal السلام عليكم ياريت حضرتك توضح اسعار قطع غيار لانسر شارك بالتفصيل واكون شاكر لحضرتك

بشكل عام اللانسر الشارك اسعار قطع غيارها متقاربة جدا مع اللانسر البومة
برجاء تحديد الأصناف المطلوب الاستعلام عن اسعارها

المشاركة الأصلية كتبت بواسطة alaaeldeinm بعد اذن حضرتك يابشمهندس طارق عربيتى لانسر كريستاله 99 كنت عملتلها عمره من حوالى شهرين و اشتريت كل قطع الغيار من مركز البيع اللى ف الكيت كات العربيه مظبوطه تمام بس لاحظت بعد 4000 كم فى تسريب زيت من الوش الصاج اللى فوق حوالين المسامير رجعت للميكانيكى تانى وظبطها بس فى ترشيح خفيف أوى ظهر وقالى انه عاوز جوان وش تاكيهات اصلى انا بصراحه عاوز اجيب العربيه مركز الخدمه بس مش عارف هل هضطر اسيب العربيه فتره ولا لا و كمان هل الموضوع هيتكلف كتير

جوان غطاء التاكيهات موجود وسعره 75 جنيه ولو شرفتنا في مركز خدمة قليوب في اي يوم بدري هتخلص العربية علطول لكن مركز خدمة جسر السويس يحتاج حجز قبلها

المشاركة الأصلية كتبت بواسطة emmer مساء الخير يابشمهندس طارق اولا احب اشكر حضرتك على المجهود الرائع الي حضرتك عملة فى هذا المنتدى الكريم ولو تكرمت انا اشتريت سيارة ميتسوبيشي لانسر موديل 99 اتوماتيك عاملة حوالي 152000 كيلو متر انا ماعملتش اي صيانة ليها من يوم ماجبتها كنت حابب حضرتك تقولي اية المطلوب علشان صيانتها الدورية وتكلفتها كام فى الشركة المصرية لاني بصراحه محتاج اعملها صيانتها ومش عارف ابدأ منين وهاتتكلف قد اية ولكم منا جزيل الشكر .

مساء النور والف شكر لك
هو حضرتك اللانسر بشكل عام صياناته زيت وفلتر كل 10 آلاف كيلو متر (لو الزيت بيقعد 10 آلاف كيلو)
وعند 000 40 كيلو و 000 120 كيلو يتم تغيير الآتي
زيت محرك وفلتر زيت وفلتر هواء وفلتر بنزين وبوجيهات وزيت فتيس

وعند 000 80 كيلو و 000 160 كيلو يتم تغيير السابق
زيت محرك وفلتر زيت وفلتر هواء وفلتر بنزين وبوجيهات وزيت فتيس
بالاضافة الى
سير تكييف وسير باور ومجموعة الكاتينة (سير كاتينة وشداد سير واويل سيل كامة واويل سيل كرنك)
حضرتك ممكن تشرفنا تعمل النصف الأول من الصيانة وعند ال 160 ألف تكمل النصف التاني

[mmsaid]

للأسف الشديد كنت أتمنى أن أبدى إعجابى بأداء الشركة ، خصوصا وأنا كنت أعتقد أنها شركة يحكمها نظام وإدارة قوية كما كانت من قبل ، ولكن بعد زيارتى الأخيرة إلى فرع قليوب تأكدت من الأتى :
* الأمر ليس به أى نوع من التنظيم سوى الدورة المستندية القديمة .
** الأمر لا يتعدى كونه ورشه لمجموعة من الفنيين ( أشهد لبعضهم بالكفاءة) ولكن لا يوجد هناك شخصية يمكنك الرجوع اليها عند الحاجة.
**** ليس لديهم أى فكرة عن رضا العميل سوى سماحة المهندس عبد الجليل.
*** معظم قطع الغيار غير متوفرة ( مثل المساعدين و قواعد الموتور و الطنابير الأمامية...) خصوصا للموديلات القديمة نوعا ما (قبل 2001) ، و تنصح بشرائها من الخارج ( الكويت أو الإمارات) أو بديل من داخل مصر ، وطبعا هذا بعدما يكون قد سبق السيف العزل وفك جميع الأجزاء المذكورة وإنتظرت سيادتك حتى الثالثة أو الرابعة عصراً ثم ""فوت علينا مرة تانية"""".
***** معظم الأجهزة الخاصة بالكشف والإصلاح لا تعمل ، وأذكر منها على سبيل المثال جهاز تحليل العادم أو الكشف على الكاربيراتير، وجهاز غسيل دورة المياه ،،وخلافه...
****** العميل دائما على حق هى كذبة أصرت إدارة الشركة على إيضاحها لنا بوجود شخص مثل أ / أسامة يستقبلك بضحكته المفتعلة ، ثم يتواصل معك بالتهكم والسخرية طوال الوقت إما منك أو من سيارتك أو من أى شىئ أخر شرط أن تكون أنت السبب فيه لأنهم ملائكة لا يخطئون أبدا،مثل كونك السبب فى عدوم وجود قطع غيار لسيارتك .. فاذا تجرأت و شكوت من أن أحد العيوب التى كنت تشتكى منها لم يتم علاجها ، أو ظهر عيب جديد لم يكن موجود بسيارتك عندما أتيت لعمل الصيانة ، يبدأ الأستاذ المحترم فى رفع نبرة التهكم عليك فى الحديث معللا " إحنا أصلا ما إشتغلناش فى الحتة دى من العربية خالص ، إحنا كنا شغالين فى النص اليمين من علبة الفيوزات و اللمبة اللى انت بتقول عليها فصلت دى فى النص الشمال) و يبدأ فى هز الرأس و التعجب من جهل العميل مع العلم بأنه لا ينظر اليك اثناء كلامه وإنما ينظر إلى باقى العملاء ولسان الحال يخبر " أوعوا تطلعوا زى أخينا " ..وهذه التصرفات حدثت أمامى ، و طبعا ليس أمام العميل إلا أحد إختيارين : الصمت مداريا جهله عن ميكانيكا السيارات " جتكوا ال...... مليتوا البلد ، أو ينفعل العميل رافضا هذا الإسلوب و تصبح المشكلة مشكلة موقف بين الزبون و الأستاذ أسامة و ليست مشكلة خدمة سيئة.، وعندما أدركت ذلك لم أعطه الفرصة فما كان منه إلا أن هاج وماج و أشاح بوجهه و يديه فى وجهى على مرأى ومسمع من المتواجدين بالمركز .
**** لقد تواجدت فى هذا المركز أكثر من مرة خلال الإسبوع الماضى ، وكنت راضى عن أداء الميكانيكى و لست راض عن أداء المركز لأنه لا يهتم بسلامة الأجهزة ، وإلتمست العذر أنه ليس من المفترض أن يستثمر فى ماركة لم يعد وكيلها ، وأنه سيقدم الخدمة حتى ينهى مخزون قطع الغيار لديه أو ماشابه، ولكن كان يفترض أن يقوم يتقديم الخدمة بشكل جيد حتى أخر لحظة.
لقد رأيت أكثر من عميل يشتكى من سوء الخدمة والمعاملة ولكن دون جدوى.
الخلاصة أننى غير راض عن مستوى الأداء و خصوصا المعاملة ، لقد تم إتلاف تكييف سيارتى و لم يتم إبلاغى بذلك إلا بعد سداد فاتورة إصلاح مبالغ فيها ، ثم قام موظف الاستقبال بمعاملتى بشكل غير لائق بموظف بشركة محترمة،مع العلم أننى لم أشتكى من ضعف التبريد ولكن شدة الهواء...
لقد تم تحصيل أموال منى بغير علم و مقابل أعمال لم تتم و إتلاف ممتلكاتى و إهانتى ، و لم أستطيع الرد لعدم وجود شخص مسئول بالمكان ‘‘‘ لذلك أنا أنصح مالكى ميتسوبيشى بعدم التعامل مع هذا المركز و حسبنا الله و نعم الوكيل.

[dodomoon]

ما هى اسعار الصيانة فى التوكيل

[dodomoon]

ما هى الالوان المتاحة من لانسر بومة هاف سبورت