كل مايخص السياره السياره ايمجراند 7 (emgrand7) الصينيه الجديده والسعرمفاجأه بضمان غبور

[احمد دعباس]

السعر الان بعد الخصم 83000 جنيه ان شاء الله
للاستعلام والتعاقد الرقم فى التوقيع

[magdy_c_c]

لسه بدرى
عاوزين خصومات كتيييييييييييييير
الكل دلوقتى بيفكر فى المستعمل النظيف لحد ما الأسعار تتظبط تانى
ايه اللى يخلينى اجيب عربية صينى بها 40 % نسبة تجميع محلى بـ 83000 جنيه ؟؟؟!!!
ما اجيب أوكتافيا 2007 و لا لانسر 1600 بلاش يا عم كورولا 2007 يابانى 1300 و لا أقول لك ازود 10000 جنيه و اجيب بى ام 318
و انسى

[ابو هيما]

المشاركة الأصلية كتبت بواسطة احمد دعباس السعر الان بعد الخصم 83000 جنيه ان شاء الله للاستعلام والتعاقد الرقم فى التوقيع

هو أنتوا ليه فى تضارب فى الأسعار عندكم , أنا لسة مكلم الأستاذ مينا أسكندر النهاردة اللى هو شغال فى فرع احمد عرابى المهندسين وقالى أنها بقت ب 82500 وحضرتك بتقول 83000 , أيه مستخسر فينا ال 500 جنيه الزيادة الخصم !!!!
وبعدين العربية دي المفروض تنزل تانى,,, على الأقل توصل لسعر 80 ألف والطبيعى بتاعها المفروض يبقى أخره فى ظل أرتفاع الدولأر 78000 ألف كده تبقى مبلوعة, لكن تقولى 85 و 83 ألف , كتيرررررررررررر أوى يا راجل !!!
أنا عاوز أجيب منها عربيتن أرخصهم سياحة , بس بصراحة سعرها لسة مش متظبط ومستنى تنزل شوية لأن كده كتير أووووووووووووووووووووى عليها

[احمد دعباس]

السعر الرسمى الان اصبح
82500

[احمد دعباس]

السلام عليكم ورحمه الله وبركاته
معلومه لكل مالكى الايمجراند
المسامير بتاعت الجنوط عليها غطاء بلاستيك لاقدر الله فى حاله ان الكوتش ريح وحبيت تغير الفرده هتحتاج تشيل الغطيان البلاستيك دى الاول بمفك او باى حاجه
وده للعلم بالشيئ

باقى عدد محدود من الالوان
فضى- فيرانى -اسود- شامبين
للحجز والاستعلام الرقم فى التوقيع