اسعار الالنترا برة مصر 2012 Hyundai Elantra

[citroeen]

البلد دى مش عاوزة نظام جديد وبس ...... لا عايزة ثقافة جديدة عند المصريين فى كل شى...وعقول جديدة وانتاج وتصنيع وشراء وبييع وثقافة وتعليم وفن كل حاجة جديدة عن الشعب ودة محتاج كل شوية ثورة عشان المشوار يكمل مش ثورة 25 يناير وهنوقف لغايت هنا عشان كدة 25 يناير احلى يوم فى حياتى هو 28 يناير لان كان نفسى يحصل كدة بس كان متاخر اوى والعواقب موجود حاليا اهو....على العموم حاجات كتير عاوزة تتغير فينــا عشان نستريح قدام ) ولازم محدش يسكت عن حقة بعد 30 و40 و50 سنة ( لا ) لازم ورا بعضة عشان النجاح يستمر والوصول لكل شى عايزينة وبنتمناه مع استقرار البلد محتاج قوة من الناس

[خالداعزالناس]

اولا :

لازم اعاده توزيع وتنظيم للشوارع فى مصر ...................
وازاله التعديات على الشوارع من قبل
البائعين والمحلات والمقاهى واجنصات السيارات والقمامه والسيارات التالفه والاكشاك

[مبارك القناوى]

والجمارك دى بتروح فين دى بتتاخد من سعر العربية ومحدش بيعرف عنها حاجة

[memodina1]

المشاركة الأصلية كتبت بواسطة خالداعزالناس اولا : وازاله التعديات على الشوارع من قبل البائعين والمحلات والمقاهى واجنصات السيارات والقمامه والسيارات التالفه والاكشاك

احلى جملة فى الموضوع بالنسبة ليا وطبعا باقى الردود مفيدة جدا بس الجملة دى مهمة جدا ولو تسمحوا هعرض مشكلة لسة حاصلة معايا من شهر كدة
انا ساكن قصاد الشارع على طول وفى رصيف فى وشى لا يتجاوز 3 عربيات ركن ورصيف تحت البيت بنركن فية انا وناس تانى فى العمارة
جة شوية عيال سرسجية لو مؤاخدة وفتحوا كشك بتاع كفتة وسجق وحاجات مشوية كدة وحطوا الدكان الخشب على الرصيف اللى فى وشى وزودوا برة الرصيف حوالى متر وشوية
راحت انا وصحابى اللى راكنين فى وشى اللى هما الثلاث عربيات وكان الثالث راجل كبير فى السن معاة زلموكة مرسيدس
قلنالة اية يا عم اللى بتعملة دا انت كدة اولا هتسد الشارع دايما ولغيت مكان عربية مركونة مننا وللعلم مفيش مكان غير دا نركن خليك انسان محترم وخلى الكشك بعيد عن هنا حطة فى ملف ولا حاجة عشان محدش بيركن فى ملفات خوفا من الخبط فى العربيات انا لقيت العيال دول هما حوالى 23 سنة عملوا رباطية وتلفونات للشعب كلة احنا لقينا انا وصاحبى حوالى 15 واحد جيين بموتوسيكلات وقالوا وفى اية يا كابتن وانت مال امك يفتح ولا ميفتحش اهرب من هنا لنطلع ..... امك وطبعا خناقة ودمنا فار ودخلنا واحنا عارفين هنضرب هنضرب ولما جة ابويا وابهات صحابنا وساعتها الراجل اللى معانا فى الركن جة والعيال غلطت فى الراجل جامد وبعد حوارات كتير
كلمة اتقالت لينا واحنا واقفين عارفين قالوا اية جة واحد اقسم بالله انة لو شاف عربية راكنة فى الرصيف دا كلة هتتكسر وقد اعزر من انذر والعيال حلفت معاة ورحنا لاقرب جيش عشان نشوف الموضوع دا وقد حصلت الصادمة الكبرى عارفين الجيش عمل اية معاهم بعد الخناقة والضرب والبهدلة قالوا للعيال الكشك هيفضل زى ما هو بس متجوش جمب العربيات ولا تكسروها وخلى الايام تعدى وشوية كلام من بتوعهم وخلوا الكشك ينتصر علينا ولحد الوقتى الراجل الغلبان بيركن العربية فى اخر الرصيف حوالى 300 متر بعيد عن العمارة وطبعا لو حصلها حاجة ولا هيشوف والصراحة الراجل تنازل عن المكان للعربيتين ولحد الوقتى لما نركن نلاقى العيال بتبص لينا نظرة انتصار وشماتة كدة تحسسك انك تروح تضربهم وتعمل خناقة تروح فيها بغزة ولا حوار
حاجة زى الزفت وهنفضل كدة لحد الموت مصر بلد الخراب ولو دى ام الدنيا يبقى اروح اعيش مع ابويا احسن واستحمل مرات ابويا ولا بعد الثورة حاجة هتتصلح واديكم شايفين بقالهم 5 شهور بيحاكموا وفلوس وغرامات ولا شفنا جنية واحد ولا اصلاح واحد حتى نفسى اقول يااااة شفت عملوا اية فى مصر انا حتى ابتديت اشك انهم كانوا بيمسكوا البلطجية والحوار دا انا بقول انهم عساكر ودا عملية هما عاملينها عشان بس يطمنوا الشعب ويخوفوا البلطجية شوية
اما المصيبة الكبرى اقسم بالله العظيم فى كشك جمب العيال بتاعت الكفتة على نفس الرصيف بنوا كشك امبارح والله واكبر من بتاع الكفتة عارفين اللى حصل محدش كلمهم لانى واثقين انى لو اتكلمنا الجيش هيجى ويقول خلاص والكشك عادى وعدوا اليومين دول وتلف الدايرة تانى عشان كدة الناس سابتهم وطبعا اللى كان بيركن بقى بيحط عربيتة بعيد شوية وخلاص شوية شوية هيفتحوا اكشاك على عتبة كل بيت
وعلى فكرة الكلام دا فى السويس

[ELSHEPY]

المشاركة الأصلية كتبت بواسطة خالداعزالناس اولا : لازم اعاده توزيع وتنظيم للشوارع فى مصر ...................

المشاركة الأصلية كتبت بواسطة خالداعزالناس وازاله التعديات على الشوارع من قبل البائعين والمحلات والمقاهى واجنصات السيارات والقمامه والسيارات التالفه والاكشاك

كلام سليم 100% لأن سبب ذحمة الطرق مش كتر العربيات لكن سوء تنظيم وسوء سلوك في كل شيئ وعشان منخرجش بره الموضوع اوروبا وامريكا كلها مفيش حد مش معاه عربية لكن التنظيم مخلي المرور سلس جداً والطرق السليمة برده مخلية الطرق مفهاش عطلة كل شوية والغريب في مصر تلائي على طرق سريعة مطبات صناعية ليه متعرفش ويظهر انها معمولة لحاجة تانية اما وجود الجمارك فده معمولة بس علشان الاحتكار ايام الفساد ويظهر ان الفساد لسه موجود وله دور