تقرير عن نيسان صنى (تم التحديث) اسعار ومواصفات

[بدر بسيونى]

التقرير جامد ياوائل باشا تسلم ايدك بس من بعد مابقت مصرى بقت مش قد كده وقطع غيارها غالية بس فى المجمل اليابانى منها قمة فى الاحترام وشكرا ليك

[ahas79]

طب والله دة انت تنورنا ياباشا
دة الصعيد من اول القاهرة لغاية قنا(680)يتشرف بيك يا كبير قوى
ويا سيدى متزعلش من كتر اسئلتى بس والله الموضوع مش توفير المسألة ان ال92 مش متوفر كتير وحبيت افكر فى كل الاحتمالات من الاول
بس خلاص انشاء الله حجيب نيسان صنى بعد العيد (غالبا اول اكتوبر) واوعدك حعمل حسابى كويس فى موضوع البنزين عشان خاطرك ياعم
اخيرا انا باشكرك جدا واتمنى لو فى فرصة نتقابل على فكرة انا موجود فى القاهرة لغاية 7 سبتمبر ياريت لو ظروفك تسمح يبقالى الشرف

[خالدخليفة]

انا اتنور بيك طبعا وانت منور القاهرة
وبطل مخ الصعايدة وتشاغب معايا فى مسافات السفر لانها كانت بتنزل لى فى الاشتراك وقنا بالقطار (609) وروح المحطة وشوف العمود اللى بيبقى مدقوق جنب الشريط هتلاقى عليه رقمين اللى فوق ده المساافة بالكيلومتر والرقم اللى تحت ده المسافة بعد الكيلو متر بكام متر يعنى هتلاقى 609 / 100 تبقى المسافة 609 و100 متر اما الاقصر فهى 671 من القاهرة واخيرا ارمنت 685 كيلو لكن القطار بينزل ارمنت الوابورات وبتحتاج معدية تعديك على ارمنت الحيط وبالليل مفيش معديات فكنت بنزل الاقصر واركب ميكروباس الى ارمنت الحيط
اى خدمة ياعم متشاغبش معايا تانى فى المسافات

[ahas79]

ياخالد باشا طب بزمتك حد يصدق السكة الحديد
طب ماهو بيقولك القطر معادة 7 وبتركبة 9
طب دة انا ركبت قطر من سوهاج كان معادة 6 ودخل المحطة 8 ووحياتك لا كان الجرار بايظ ولا حد شد الجزرة
وبعد كدة قالك السنة دى مفيش ازمة تذاكر فى العيد(الازمات بقت السنة كلها)وانا عشان صعيدى طيب صدقت وغلاوتك دبت فى محطة مصر عشان الاقى تذكرة ارجع بيها التلات الجاى وبعد معاناة يوم مابين الشبابيك وسماسرة كلوت بية ربنا كرمنى بتذكرة نوم(اة يا جيبى)
طب دة ياراجل حتى الساعات اللى متعلقة فى المحطات اغلبها بايظ
طب والنبى ياشيخ اسأل اى حد فى المخروبة الحديد هو لية القطرالاسبانى بياخد ال607 كيلو دول فى عشر ساعات وهو مبيقفش غير فى سبع محطات وطريقة اخضر طول السكة
عموما انا مش حفاصل معاك بس انا مبقوق عالاخر منهم ولاد(اللهم انى صائم)ويا سيدى واضح انك دايس فى قنا والاقصر جامد ياريت تشرفنا

[خالدخليفة]

ههههههههههههههههههههه بتركب السكة الحديد مرتين تلاتة بالكتيرفى السنة وزعلان؟؟؟؟؟؟؟؟؟؟؟؟ طب اقرا الموضوع ده بس استحمله للأخر لانه طويل شوية وهتعرف معاناة اخوك 14 سنة مع السكة الحديد
http://www.masrmotors.com/vb/showthread.php?t=19177
ثانيا / الشىء الوحيد الحقيقى فى السكة الحديد هو المسافات وبطل فلسفة المصريين اللى كل م تدخل له من شارع يخرج لك من حارة واذا دخلت له الحارة يخرج لك من زقاق واذا دخلت الزقاق يمشى على الحيطة
قول كلام واقعى
اما حكاية قطار النوم فهو زيه زى اى قطار على الطريق يخضع لجميع مشاكل الطريق ومش معنى انه قطار النوم يبقى ركابه على راسهم ريشة هما فعلا على راسهم ريشة بس فى الخدمة داخل القطار فقط وهو يمشى حتى سوهاج بلا تأخير غالبا والمشكلة التى لاتعرفها حضرتك لانك تحسب حسبة خاطئة فانت تقسم 609 كيلو حتى قنا على 8ساعات ونصف وهي الموعد الحقيقى للقطار فى قنا فيكون الناتج متوسط سرعة حوالى 71 كيلو وطبعا عيب على قطار النوم السرعة دى لكنها مش كده
اولا/ من القاهرة للجيزة وهى مسافة 13 كيلو فقط يمشيها القطار فى تلت ساعة لطبيعة الطريق الملىء بالورش التابعة للهيئة والتحويلات وغيره بمتوسط سرعة حوالى 35 كيلو فى الساعة لانه بياخد اكتر من تلت ساعة احيانا
ثانيا / من الجيزة الى بنى سويف 124 كيلو فى ساعة وعشر دقائق بمتوسط سرعة غالبا 110 (اعلم انه لايقف بنى سويف لكنها ظروف الطريق لان الاشارات حتى بنى سويف تحكم مركزى (كهربا)وبالتالى فهو يستطيع الجرى ماعدا منطقة البدرشين دائما بها اصلاحات مش عارف ليه )
ثالثا / من بنى سويف الى المنيا وهى مسافة 123 كيلو يجريها فى حوالى ساعة وتلت بمتوسط سرعة تقريبا92
رابعا / ثم من المنيا الى اسيوط 128 كيلو فى ساعة ونصف بمتوسط سرعة حوالى 85 كيلو
ثم يقف فى اسيوط تلت ساعة لتسليم وتسلم القطار فالسائق يتغير فى اسيوط وانت تحسب هذه المدة من زمن المسير
خامسا / المسافة من اسيوط حتى سوهاج وهيا 92 كيلو فى ساعة ثم من سوهاج الى قنا وهى مسافة 142 كيلو فى ساعتين ونصف بمتوسط سرعة حوالى 60 كيلو فى الساعة تقريبا ثم من قنا حتى الاقصر 62 كيلو فى ساعة بمتوسط سرعة 62 كيلو فى الساعة
ثم يقف فى الاقصر ربع ساعة لتغيير السائق
ثم من الاقصر الى اسوان 203 كيلو فى 3ساعات ونصف بمتوسط سرعة حوالى 60 كيلو فى الساعة
وهذا لطبيعة الطريق الذى لاتقوم الحكومة باصلاحه لان الصعيد مهمل والوحيد الذى حاول الاهتمام بالصعيد الراجل المحترم / ابراهيم الدميرى وزير النقل الذى دبرو له حادث حريق قطار الصعيد سنة 1999 ليجبروه على الاستقالة واستقال
ولابد ان اذكر هنا الرجل المحترم سليمان متولى والذى تم فى عهده ازدواج خط الصعيد من اسيوط حتى اسوان وكان الناتج ان قل زمن الرحلة الى اسوان الى النصف من 24 ساعة بقطار النوم الى 12 ونصف (طبعا دى المواعيد الاساسية )
اما فى عهد منصور فقد تم تخريب النقل لكى يتم بيعه ولكنه فشل فى بيع السكة الحديد فقسمها الى شركات وتحول بعض منها الى النيابة بعد خروج منصور طبعا
ولعلمك قطار النوم ليس تابع للسكة الحديد بل هو يتبع شركة اسمها ابيلا مصر وستجد ذلك مكتوبا فى التذكرة
سؤال اخيرا / هو النوم الكوبل (المزدوجة او التانية) بكام دلوقت لانى ركبت سنة 2000 ب 105 جنيه