كل مايخص السياره السياره ايمجراند 7 (emgrand7) الصينيه الجديده والسعرمفاجأه بضمان غبور

[احمد دعباس]

المشاركة الأصلية كتبت بواسطة ibrahimsaad استاذ احمد دعبس انا من كفرالشيخ وبفكر اشترى العربيه دى بس متردد شويه من عيوب التقفيل المصرى وكنت عايز اعرف من حضرتك اقرب مكان لوكيل غبور للشراء وكذلك اقرب مكان للصيانه ولو حبيت اشترى السعر كام دلوقت

عيوب التقفيل ا. ابراهيم ليست مشكله فى السيارة لكن مقارنه بماذا سوف تقارن السيارة هل مقارنة بالفئه السعريه ستجدها الافضل هل مقارنه بالامكانيات فى الفئه السعريه او الاقوى او الامتن ستجدها هيا الافضل ايضا
توكل على الله وان شاء الله تكون وش الخير على حضرتك
اقرب حاجه لحضرتك طنطا ممكن حضرتك تكلمنى او صفلك المكان بالظبط وكذلك الصيانه ولو حضرتك عاوز تقسيط ممكن نخلص لحضرتك موفقه البنك وكل حاجه على النت كمان
السعر الرسمى اليوم
84100 للزجاج الفاميه
83100 للزجاج العادى
خصم 750 جنيه فى حاله التقسيط وخصم 1000 فى حاله الدفع النقدى

[abogabal]

المشاركة الأصلية كتبت بواسطة احمد دعباس بسم الله الرحمن الرحيم السلام عليكم ورحمه الله وبركاته الساده اعضاء ورواد المنتدى الرجاء من سيادتكم جميعا كل من قام بحجز السياره زكل من يريد شراء السياره بسبب انتشار الكثير من الاقاويل عن السياره انها بها عيوب بالتقفيل وبها وبها وبها العربيه حققت نسبه حجوزات عاليه جدا فوق المتوقع وفى فيديوها انتشارت عن العربيه وصور فى التقفيل بس ياريت اللى يروح يتفرج وميلقيش الحاجات دى يقول انها مش موجوده تمام وان شاء الله عند الاستلام استلم سيارتك كما يشاء لك وجرب كل حاجه فيها ياجماعه سواء انا او غيرى شغلتنا اننا نكون تحت امر راحه العميل ورضاه هو ده مكسبنا مش مكسبنا اننا نبيع عربيه وخلاص لا المكسب ان حضرتك لما تمشى بالعربيه من عندنا تكون مبسوط بيها وفرحان انك لقيت عربيه مناسبه لاحتياجاتك وعلى مزاجك واسف للاطاله على حضراتكم وانا تحت امركم فى اى وقت

لقد قرأت العديد من المشاركات وفى شتى المواقع بشأن المدعوه ايمى وللأسف الشديد لم أقتنع بأى مشاركة منها سواء كانت لصالحاو ضد هذه السيارة فتارة نجد من يصعد بها الىعنان السماء وتارة اخرى نجد من يخسف بها الى قاع الارض وكلها وجهات نظر يجب ان تحترم ، وتعليقى على مجمل هذه الامور انها امور مضلله خالية من الوضوح والموضوعية والشفافية فالسيارة بديعة المنظر حقا وشكلها يوحى للمشاهد بأنها سيارة القرن وهذا الأمر لايعتبر مقياسا او معيارا لجودتها بل هو شرك يقع فيه ذوى النوايا الحسنه كمن يسقط فى نهر الحب من اول نظرة ، فهناك اشياء هامة جدا جدا بالسيارات قبل الشكل كقوة المحرك وشدة عزمه وكفاءة التكييف و متانة العفشة واجهزة التعليق وسلاسة ذراع تعشيق السرعات بصندوق نقل الحركة ومجموعة القابض ( الدبرياج ) وامور كثيرة أخرى كلها مجتمعة بجانب صلابة تدعيم هيكل السيارة تشكل سيارة قوية وعملية يعتمد عليها فى السفر والترحال وهذا هو بيت القصيد ، أتمنى من مجموعة غبور وكلاء السيارة ان يهتموا بصغائر العيوب محل الشكاوى التى
تسىء الى السيارة وانجاز اعمال التجميع بصورة جيدة وتصحيح وضع بعض المشاكل البسيطه بالتكييف والكاسيت والدهانات وفبرة خزان الوقود واستبدال الاجزاء البلاستيك الرديئة الموجودة بعموم السيارة والتعامل معها بصدق واحترافية حتى تكون ايمى جميلة السيارات حقا

[الطبيب الحائر]

السلام عليكم
التقرير ممتاز والسيارة ممتازة لكن سعر اعادة البيع اخبارة اية

[احمد دعباس]

المشاركة الأصلية كتبت بواسطة الطبيب الحائر السلام عليكم التقرير ممتاز والسيارة ممتازة لكن سعر اعادة البيع اخبارة اية

حتى الان اعاده البيع تعتبر معقوله نسبه الى الاسعار العام الماضى والان يعتبر اللى اشترى ماخسرش كتير طبعا لو كان محافظ على السيارة

[احمد دعباس]

السعر الان موديل 2015
87500