شويه استفسارات عن الفرنا

[jemy_tnt]

بما انو لما حطيت الموضوع فى قسم الفرنا لقيت 73 مشاهده و ولا رد واحد قلت احط الموضوع هنا يمكن الاقى رد بدل الصحرا اللى هناك

العربيه عندى و مع دخول الشتا بقى اول مطلع بيها و هى بارده بتعض جامد فى الغيارات و بعد مشى حوالى 10 دقايق و لما العربيه تبتدى تسخن تتعدل و تاخد الغيارات عادى جدا و شده العضه بتختلف على حسب مده ركنها يعنى لما بردنها يوم واحد العضه بتبقى وسط انما لو يومين او اكتر ببقى حاسس انو العصايا هتتكسر فى ايدى لانها مش عاوزه تجيب الغيار

لو عاوز اشترى رفرف يتباع استيراد ولا ايه و تقريبا يعمل كام ؟

الفبره اللى جوه من ناحيه القايم اللى ورا الازاز اللى قدام بتتباع ولا ايه و جديده و لا استيراد و تقريبا بردو بتعمل كام

لو عاوز العلبه بتاع فلتر الهوا تعمل كام لانها متشاله من عندى و راكب بدالها فلتر رياضى

بردو لو عاوز طاره الدركسيون تعمل فى حدود كام بالزور لانى راكب عندى طاره صغيره اوى و مش طايقها

[mr_astra]

كل الحاجات دى موجودة فى الحرفيين استيراد وملهاش سعر ثابت انت وشطرتك
بالنسبة للفتيس
نزل الزيت القديم وحط زيت موبيل 90
وانت بتسخن العربية مور الفتيس ومتحطش رجلك على الدبرياج عشان الزيت يسخن مع الموتور

[jemy_tnt]

المشاركة الأصلية كتبت بواسطة mr_astra كل الحاجات دى موجودة فى الحرفيين استيراد وملهاش سعر ثابت انت وشطرتك بالنسبة للفتيس نزل الزيت القديم وحط زيت موبيل 90 وانت بتسخن العربية مور الفتيس ومتحطش رجلك على الدبرياج عشان الزيت يسخن مع الموتور

مهو فى ميكانيكيه بيقولو انو لو اتحط للعربيه زيت فتيس تقيل مينفعش يتحطلها زيت خفيف تانى و الا هتظهر ونه و ده اللى مخلينى خايف انزل الزيت
اما عن موضوع التسخين انا عاده بسخن العربيه من 4 ل 5 دقايق قبل ماتحرك و طبيعى العربيه بتبقى على المور بس بردو نفس المشكله

[mr_astra]

لا موبل 90 خفيف مش تقيل
التقيل الـ 140

[jemy_tnt]

المشاركة الأصلية كتبت بواسطة mr_astra لا موبل 90 خفيف مش تقيل التقيل الـ 140

انا مش قصدى بالزيت التقيل اللى هو موبيل 90 انا اقصد انو لو اللى موجود فيها زيت تقيل و انا نزلته و وضعت مكانه زيت خفيف ده ممكن يعمل ونه او مشكله فى الفتيس ولا ايه ؟
لانو العربيه انا لسه شاريها من شهر و معرفش زيت الفتيس شكلو ايه