|
#1
30-01-2013, 03:36 PM
|
|||
|
|||
محتاااااااااج رأيكم النهائى فى الاوبترا عشان خلاص هتوكل على الله
السلام عليكم ورحمة الله
يا اخوانى انا ان شاء الله نويت واستخرت وتوكلت على الله انى اجيب اوبترا مستعملة موديل 2009 او 2010 اوتوماتيك وكنت عاوز تقييم عام ليها بناءا على النقاط التالية : 1- كأداء بشكل عام 2- توافر قطع الغيار واسعارها 3- التوكيل ياخد كام من عشرة 4-سعر اعادة البيع 5- الثبات على الطريق وتحديدا فى السرعات العالية 6- الفتيس الاوتوماتيك هل هو فعلا يابانى كما سمعت ولا كورى وهل فعلا فيه مشاكل كتير برده زى ما سمعت ولا شغال زى الفل والنقطة دى مهمة اوى محتاج رايكم فيها جداااااا 7-باور الدركسيون ناعم ولا الدركسيون تقيل 8-الوسع الداخلى 9- راحة القيادة وراحة الكبينة 10 - وسع الشنطة 11- السرعة القصوى كام ؟ وهل مقفولة على سرعة معينة زى عربيات تانية ولا لا ؟ 12- الشكل الجمالى الداخلى والخارجى 13-السحب : اخباره ايه خاصة انى بتكلم عن الاوتوماتيك 14-الاوبشنز : انا سمعت ان الخليجى بيبقى فيه ABS , AIRBAGS هل ده صحيح ؟ ومنين الواحد يقدر يجيب اوبترا خليجى مستعمل ؟ اقصد معرض مثلا 15- الاعتمادية 16- العلو عن الارض 17- نعومة وقوة العفشة : هل العفشة الناس مبسوطة منها ولا بتشتكى منها 18- الفرامل : سمعت ان فراملها مش قوية اوى زى الصنى او النيو اكسنت هل ده صحيح ؟ ولا فراملها كويسة ؟ وسمعت ان لازم تجيب تيل فرامل نوع معين وكاوتش معين بقاس معين عشان تحس بقوة الفرامل ؟ ايه مدى صحة النقطة دى كمان 19- وانا بشترى بما انى بشترى مستعمل هل اكشف عليها فى التوكيل ولا مركز صيانة ؟ واخيرا اسف جداااااااااااا على الاطالة بس مش هلاقى افضل منكم كخبراء لمساعدتى فكل الاستفسارات دى لانى عاوز ابقى مطمن 
|
|
#3
31-01-2013, 11:13 AM
|
||||
|
||||
|
رد: محتاااااااااج رأيكم النهائى فى الاوبترا عشان خلاص هتوكل على الله
معلش مليش فى الاوبترا
بس بشوف منها كتير عطلان و فاتح الكابوت للاسف لو فى منها خليجى يبقى احسن لان التقفيل المصرى يفتقر لمعايير الجودة و اى عربية اتوماتيك مستعملة يفضل تكون لسة فى الضمان و المسافة الكلية المقطوعة قليلة بقدر الامكان الاوبترا بصفة عامة لولا التجميع المحلى سيارة معقولة
__________________
سبحانك لا علم لنا الا ما علمتنا
|
|
#4
31-01-2013, 04:37 PM
|
||||
|
||||
|
رد: محتاااااااااج رأيكم النهائى فى الاوبترا عشان خلاص هتوكل على الله
هي كعربية كويسة وثباتها حلو ، بس عيبها مفاش وسائل امان وبتحرق بنزين زيادة شوية
ولو ناوي عليها توكل علي الله وانا مشفتش منها خليجي اللي فيها فرااامل ABS وايربااااااج فقط هي الدايو لاسيتي اللي نفس شكل الاوبتر وعليها علامة دايو بس قطع غيار الماتور والعفشة اوبل مختلفة تماما عن الاوبترا بتاعتنا وصيانتها مشكلة
__________________
|
|
#5
31-01-2013, 05:06 PM
|
||||
|
||||
|
رد: محتاااااااااج رأيكم النهائى فى الاوبترا عشان خلاص هتوكل على الله
1- كأداء بشكل عام
العربية كويسة وزي الفل 2- توافر قطع الغيار واسعارها متوفرة ورخيصة كمان 3- التوكيل ياخد كام من عشرة 2 من 10 4-سعر اعادة البيع كويس جدا 5- الثبات على الطريق وتحديدا فى السرعات العالية معقول جدا يعني افضل من الاكسنت بمراحل 6- الفتيس الاوتوماتيك هل هو فعلا يابانى كما سمعت ولا كورى وهل فعلا فيه مشاكل كتير برده زى ما سمعت ولا شغال زى الفل والنقطة دى مهمة اوى محتاج رايكم فيها جداااااا محدش من ملاك العربية اشتكى من حتة الفتيس وانا متابع اخبار الاوبترا من فترة ومسمعتش حد قال كلمة عن الفتيس 7-باور الدركسيون ناعم ولا الدركسيون تقيل ناعم وحلو 8-الوسع الداخلى واسعة ومريحة 9- راحة القيادة وراحة الكبينة العربية مريحة جدا والصالون واسع ومريح 10 - وسع الشنطة كويسة اوي 409 لتر 11- السرعة القصوى كام ؟ وهل مقفولة على سرعة معينة زى عربيات تانية ولا لا ؟ 12- الشكل الجمالى الداخلى والخارجى مساالة اذواق بس من وجهة نظري العربية شيك جدا جدا من بره وجوه 13-السحب : اخباره ايه خاصة انى بتكلم عن الاوتوماتيك ممتاز الماتور قوي وعزمه شديد وزي الفل 14-الاوبشنز : انا سمعت ان الخليجى بيبقى فيه ABS , AIRBAGS هل ده صحيح ؟ ومنين الواحد يقدر يجيب اوبترا خليجى مستعمل ؟ اقصد معرض مثلا والله مش عايز افتي في الحتة دي 15- الاعتمادية زي الفل العربية شغالة وماشية في الشارع من غير اي مشاكل بس الاهم انها تكون حالتها نضيفة وبعد كدا حضرتك تهتم بالصيانات الدورية وساعتها نسبة العطال تبقا 1% 16- العلو عن الارض العربية عالية جدا جدا وتعدي المطبات بمنتهي الهدوء 17- نعومة وقوة العفشة : هل العفشة الناس مبسوطة منها ولا بتشتكى منها معقولة يعني هيا مش ناشفة ومش ناعمة من وجهة نظري 18- الفرامل : سمعت ان فراملها مش قوية اوى زى الصنى او النيو اكسنت هل ده صحيح ؟ ولا فراملها كويسة ؟ وسمعت ان لازم تجيب تيل فرامل نوع معين وكاوتش معين بقاس معين عشان تحس بقوة الفرامل ؟ ايه مدى صحة النقطة دى كمان الفرامل ممتازة والعجلات الاربعة على دسكات وزي الفل وخد بالك انها مش ABS فمينفعش تقارن فراملها مثلا بفرامل الصني 19- وانا بشترى بما انى بشترى مستعمل هل اكشف عليها فى التوكيل ولا مركز صيانة ؟ التوكيل افضل علشان هيجيبلك قرار العربية واخيرا اسف جداااااااااااا على الاطالة بس مش هلاقى افضل منكم كخبراء لمساعدتى فكل الاستفسارات دى لانى عاوز ابقى مطمن ولا يهمك ياباشا ومبروك مقدما
__________________
 الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn
|
 |
|
|
