شهادة مخالفات بالأرقام الحديثة

[emadmoufid]

دي تجربة واقعية حدثت لي لمجرد إستخراج شهادة مخالفات بالارقام الجديدة.

سيارتي كانت تابعة لمرور مصر الجديدة وبعد عذاب عشرة ايام ptmnlo123per1106 تم نقل الملكية وتركيب الارقام الحديثة التابعة لمرور السلام بعد استخراج شهادة تفيد بعدم وجود مخالفات سابقة طرف مرور مصر الجديدة.

واثناء ذهابي في شهر رمضان الماضي لإستخراج شهادة مخالفات بالارقام الجديدة من مرور السلام حدث ما يلي:-

1- وصلت المرور الساعة 8 صباحا والشباك لم يفتح إلا الساعة 9 صباحا والموظف قال انه هيستلم الورق لحد الساعة 12 فقط (ثلاث ساعات فقط)ptmnlo123per144.

2- بعدما قام بتجميع اوراق جميع الواقفين ورخصهم... قام بتدبيس رخصة كل طالب شهادة مخالفات لارقام جديدة تابعة للسلام بورقة وقال روحوا بيها الشباك اللي استلمتم منه النمر الجديدة علشان يكتب بيانات العربية وارجعولي.ptmnlo123per144

3- شباك استلام النمر اخد الرخصة والورقة وقال استنوا على جنب لان الموضوع ده هياخد وقت شوية .. فقلتله بس الشباك التاني هيقفل الساعة 12 قال طيب اعملكم ايه .. ده هياخد وقت عقبال ما نطلع ملف العربية.ptmnlo123per172pt mnlo123per172

4- بعد ما ارتضيت ان اصبر .. وجدت ان البيانات المكتوبة هي رقم السيارة القديم والمرور التابع لها !!!!!!.

5- خدتها ورجعت لشباك المخالفات فقالي الموظف... تروح مرور مصر الجديدة تجيب شهادة مخالفات ان مفيش مخالفات قديمة عليها وتجيلي تاني.. فقلتله انا عملت كده في نقل الملكية.. فقال وتعمله كمان علشان شهادة المخالفات لاني لازم اضمن ان مفيش مخالفات سابقة عليها من بعد نقل الملكية.ptmnlo123per144pt mnlo123per144

6- رحت طيران على مرور مصر الجديدة وبالورقة اللي ادهاني طلعت شهادة المخالفات بالارقام القديمة في 15 دقيقة... بس اليوم كان انتهى لاني لما رجعت مرور السلام كانت الساعة 1 ظهراً والشباك مقفول.ptmnlo123per111

7- رجعت تاني مرور السلام تاني يوم الساعة 9 صباحا (ماهو انا اتعلمت الدرس خلاص) واديت الموظف الشهادة وبعد مرور ما يقرب من ساعة ونصف على الاقل اخذت شهادة المخالفات بالارقام الجديدة.

بس سألت الموظف هو انا لو عايز بعدين اطلع شهادة مخالفات احدث (لان شهادة المخالفات ليها مدة وتنتهي) لازم اعمل القصة دي كلها تاني... وكان الرد أيوة ptmnlo123per111 لازم يحصل الاتي:

1- تروح المرور بتاع الارقام الجديدة تاخد منهم ورقة بالبيانات القديمة.ptmnlo123per172

2- تروح المرور القديم بالورقة علشان تاخد شهادة مخالفات بالارقام القديمة وطبعا مش هتلاقي مخالفات لانه لو فيه مخالفات مكنتش نقلت الملكية اصلاً.ptmnlo123per172

3- ترجع المرور صاحب الارقام الجديدة بشهادة المخالفات بتاعة المرور القديم وتاخد شهادة المخالفات بالارقام الجديدة.ptmnlo123per172


كان الله في عون اصحاب السيارات الواردة من مرور المحافظات الاخرى.

[mostafa2000]

لحد امتة هنفضل في البيروقراطية دي
فالحين بس يعملو القرية الذكية ال

[Payoo]

مرور مدينة السلام هو أسوء مرور على وجه الكرة الأرضيه

وربنا يرحمنا .... آمين

[ahmed1981]

هو مرور السلام معروف هنا برضه في أمريكا اللاكوسية

إنت هتخلليني أفتح موضوع عن مرور السلام حيث لا سلام

[sigma]

نفس السيناريو ده تكرر معى والعربيه نمر قديمه مرور مدينة نصر والنمر الجديدة مرور مصر الجديده ومن سياق ترتيبة الشغل الأهبل والتعليمات الغريبه من نيابات المرور بتشغيل ملاك السيارات كعب داير على المرور أحس إن النمر الجديده لا تلتقط مخالفاتها ولذلك هما بيأكدوا على مخالفات النمر القديمه علما بأنك لا تسلم القديمه أو تستلم الجديده غير بعد إنهاء كافة المخالفات على النمر القديمه فلزومها إيه الإعاده مره ثانيه!!