سانديرو ستيب واي 2015

[haninmemo]

اشكركم علي تعليقاتكم بس انا عندي سؤال ؟
الستيب واي بيقولو ان الفتيس بتعها وير مش زيت بس مش عارف دي مشكلة ولا لا ؟
وغير انها لانها عالية عن الارض بثباتها بيقل بعد سرعة 100 كم هل هذا صح ولا لا؟

انا فعلاً نفسي بالاستيب واي لانها عربية عالية وشيك جداً بس الموضوعين دول مشككني فيها؟

[فهمى]

عموما كل العربيات العاليه أقل ثباتا من السيدان .لو حضرتك بتاع جرى وغرز وسفر كتير خليك فى السيدان ز لو بتسافر مرتين تلاته فى السنه وبتمشى بسرعه معقوله ومعرض للسير فى طرق غير ممهده هات الكروس أوفر ( الستيب واى او التيجو ) الستيب واى بتنزل بزيرو جمارك طبقا لأتفاقيه أغادير على ما سمعت من حد فى الجمارك ( وبالتالى ما ننتظرش أنخفاض فى سعرها - عشم ابليس فى الجنه _ الذى يدعونه فى أول يناير ) وبالتالى ال 101.5 الف اللى انت بتدفعهم فيها يعادلو 120الف فى عربيه تانيه . وبالتالى انت بتدفع اقل مال قصاد القيمه فيها نافيجيتور ومحدد ومثبت سرعه وأيمبولايزر ومخدع لليد فرامل ايه بى اس 2 ايرباج اضواء الأشارات فى المرايات الجانبيه كرسى السائق يمكن تعديل ارتفاعه............ز.... مشكلتها : قطع غيارها محسوبه على الفرنساوى يعنى غاليه بس معمره وبالتالى ما تاخفش من النقطه دى . عصايه الفتيس فيها رعشه - صوت الموتور عالى شويه لأنه 8صباب و90حصان فقط ودى نقطه الضعف الوحيده فيها . أحتمال على شهر 3 تنزل اوتو من السانديرو ودى بيبقى الموتور 16صباب 110 حصان فده ها يكون أفضل . الفيرنا سيدان وبالتالى لا تقارن بالكروس أوفر . التيجو متهيألى ب120 فالفرق فى السعر يخرجها من المنافسه

[احمد على 1999]

المشاركة الأصلية كتبت بواسطة فهمى عموما كل العربيات العاليه أقل ثباتا من السيدان .لو حضرتك بتاع جرى وغرز وسفر كتير خليك فى السيدان ز لو بتسافر مرتين تلاته فى السنه وبتمشى بسرعه معقوله ومعرض للسير فى طرق غير ممهده هات الكروس أوفر ( الستيب واى او التيجو ) الستيب واى بتنزل بزيرو جمارك طبقا لأتفاقيه أغادير على ما سمعت من حد فى الجمارك ( وبالتالى ما ننتظرش أنخفاض فى سعرها - عشم ابليس فى الجنه _ الذى يدعونه فى أول يناير ) وبالتالى ال 101.5 الف اللى انت بتدفعهم فيها يعادلو 120الف فى عربيه تانيه . وبالتالى انت بتدفع اقل مال قصاد القيمه فيها نافيجيتور ومحدد ومثبت سرعه وأيمبولايزر ومخدع لليد فرامل ايه بى اس 2 ايرباج اضواء الأشارات فى المرايات الجانبيه كرسى السائق يمكن تعديل ارتفاعه............ز.... مشكلتها : قطع غيارها محسوبه على الفرنساوى يعنى غاليه بس معمره وبالتالى ما تاخفش من النقطه دى . عصايه الفتيس فيها رعشه - صوت الموتور عالى شويه لأنه 8صباب و90حصان فقط ودى نقطه الضعف الوحيده فيها . أحتمال على شهر 3 تنزل اوتو من السانديرو ودى بيبقى الموتور 16صباب 110 حصان فده ها يكون أفضل . الفيرنا سيدان وبالتالى لا تقارن بالكروس أوفر . التيجو متهيألى ب120 فالفرق فى السعر يخرجها من المنافسه

كلام عملى جدا و رائع

[احمد على 1999]

و برضه احب اضيف ردى اللى كان فى الرسالة

عن نفسى موضوع الواير دا لا يعيبها فى شىء
و حكاية علوها عن الارض فدى ميزة فى بلدنا
و فعلا كل ما العربية تعلى ثباتها يقل يعنى العربيات ال suv زيى الشيروكى مثلا و الداستر و التريوس الحاجات مما لا شك فيه ثباتها فى المنوارات العالية اقل من العربيات الصالون لان مركز ثقل العربية عالى عن الارض
بس الكلام دا للمناورات الحادة و القيادة الرياضية و محدش فينا حيسوق كدا
يعنى سواقتك العادية حتى على سرعات عالية فوق ال 170 مش حتحس بمشكلة طالما مش ناوى تعمل بيها بهلونات
خاصة ان الستب وى و لا هيا واطية زيى عربيات الصالون فحتحك فى المطبات و تتعبك و لا هى عالية زيى التريوس فيبقى ثابتها وحش
هى ماسكة العصايا من النص
انا بقى كان قصدى على الجراند i10 مش ال i10 العادية انا عندى ال i10 العادية و اللانوس و حاسس ان صالون ال i10 العادية مش فارق كتير عن اللانوس طبعا اللانوس اوسع بس مش للدرجة
هى بس مشكلتها فى ضيق الشنطة
ما بالك بقى صالون الجراند i10 جرب اقعد فيه و احكم بنفسك
يعنى روح لمعرض فيه العربيتين (الجراند i10 سواء هاتش باك او سيدان - و الستيب وى) و اقعد فى الاتنين
لان برضه السعر يكاد يكون واحد او فرق بسيط جدا لل i10
بس ميزتها انها اتوماتيك
على العموم هى برضه راحة نفسية للشكل لان شكل الستيب وى تحفة برضه
لكن انا ارشح لحضرتك الجراند i10 شوفها بنفسك على الحقيقة

[haninmemo]

بصراحة اشكركم علي مشاركتكم لموضوعي والردود التي افادتني كتير ،،،:cla pW15: