تأشيرة حرة للسعودية

[Mohamedkhalilibrahim]

المشاركة الأصلية كتبت بواسطة aymangalal اهلا وسهلا بحضرتك يا استاذ محمد احب اجاوب على كل استفساراتك كالاتى: سعر التأشيرات اللى بتتباع حره دايما بيبقى كده وكل ما زادت قيمة المهنة زاد سعر التأشيرة وعلى سبيل ال مثال تأشيرة المحاسب الحر 14 الف ريال ودى كانت معروضة على النت برضه الاقامة وتجديدها على العامل طبعا وبتجدد فى السنة بحوالى 800 الى 1000 ريال وده كلام واحد صديقى فى السعودية بالنسبة للدفع " لو حضرتك تقصد دفع ثمن التأشيرة بيبقى للكفيل عن طريق التحويل من هنا فى مصر للسعودية او يكون الدفع لى انا عند استلام التأشيرة الكفيل موجود فى الرياض- واللى يضمن انه مايترحلش انه اول العامل ما بيوصل للرياض بيعمل الاقامة ويشوف حاله ومن المعروف بالنسبة للناس اللى بتاخد التأشيرات الحرة دى انها مش اكتر من وسيلة لدخول السعودية وهناك طبعا بيكون مرتب امورة قبل ما يسافر "يعنى ينزل على واحد صاحبه - ينزل على حد موفر له وظيفة - او يسكن فى اى مكان مؤقتا لغاية ما يشوف شغل بنفسه" وفى النهاية احب اقول لحضرتك انى مش تاجر تأشيرات ولا حاجه انا بعملها خدمة لواحد قريبى"الكفيل" مش اكتر وتحت امرك فى مزيد من الاستفسار

شكرا على ردك .. انا لم اتهم حضرتك بانك تاجر انا اسف طبعا . انا بكلم حضرتك من السعوديه وانا شغال هنا وعندى خبره فى السعوديه حوالى 12 سنه متقطعه على 32 سفريات لم ادفع زالحمد لله اى جنيه فى اى تاشيره فيهم غير 600 جنيه لمكتب السفريات فى مصر
المهم انا بشوف اصحاب التاشيرات الحره هنا قاعدين على الرصيف ال ما اى زبون يقرب فى المكان الى همه فيه تلاقيهم هجوم التتار على عربيته محاولين ان يفوز اولهم بالشغل .. والمشكله لو حصل بينه وبين زبون سعودى مشكله فهو عرضه للحبس والترحيل لان السلطه هنا بتحارب التاشيرات الحره .. يعنى من الاخر ربنا يكون مع كل من يسافر بهذه الطريقه
مجرد راى وليس اتهام لاحد وربنا يرزق كل من كان .. بس لو انا من اى نقلش فى مصر معاه 18000 جنيه اشترى شوية عده وربنا هيزق هنا فى بلدى ووسط اولادى وربنا مع الجميع

[aymangalal]

المشاركة الأصلية كتبت بواسطة hossamdoaaaa طيب هو ينفع يشتغل مهنه تانيه على الرغم من وجود مهنة النقاش فى التأشيره ؟؟؟

ينفع طبعا ومافيش اى مشكلة ومعظم اللى شغالين فى السعودية شغالين كده
وانا عندى صديق شغال من7 سنين بمهنة عامل ....

[aymangalal]

المشاركة الأصلية كتبت بواسطة Mohamedkhalilibrahim شكرا على ردك .. انا لم اتهم حضرتك بانك تاجر انا اسف طبعا . انا بكلم حضرتك من السعوديه وانا شغال هنا وعندى خبره فى السعوديه حوالى 12 سنه متقطعه على 32 سفريات لم ادفع زالحمد لله اى جنيه فى اى تاشيره فيهم غير 600 جنيه لمكتب السفريات فى مصر المهم انا بشوف اصحاب التاشيرات الحره هنا قاعدين على الرصيف ال ما اى زبون يقرب فى المكان الى همه فيه تلاقيهم هجوم التتار على عربيته محاولين ان يفوز اولهم بالشغل .. والمشكله لو حصل بينه وبين زبون سعودى مشكله فهو عرضه للحبس والترحيل لان السلطه هنا بتحارب التاشيرات الحره .. يعنى من الاخر ربنا يكون مع كل من يسافر بهذه الطريقه مجرد راى وليس اتهام لاحد وربنا يرزق كل من كان .. بس لو انا من اى نقلش فى مصر معاه 18000 جنيه اشترى شوية عده وربنا هيزق هنا فى بلدى ووسط اولادى وربنا مع الجميع

العفو يا فندم انا عارف ان حضرتك مش بتتهمنى "هههههههههه" وانا فاهم كلام حضرتك عشان كده كنت برد على الكلام فى صيغة حوار وربنا ما يجبش سوء تفاهم
كلام حضرتك صحيح مليون% ... لكن
لمزيد من التوضيح
مبلغ 600 جنية دول بياخدهم مكتب السفريات عشان يخلص اجراءات التأشيرة ده فى حالة ان معمول توكيل للمكتب ده من الكفيل بإنهاء الاجراءات ...... او المكتب بياخد كذا الف من 3000 الى 7000 ده فى حالة ان المكتب هو اللى جايب التأشيرة والعامل طالع بعقد وكله عن طريق المكتب "اللى هو شغل سفريات بعقود ومرتب وتفاصيل محدده مسبقا"
اما فى حالة التأشيرة الحره فـ دى قصتها كالاتى ....
اللى بيحتاج لها بيكون واحد مؤهل عالى مثلا مهندس-محاسب-محامى- ...او بيشتغل فى مهنة عالية برمجة وكمبيوتر .... الخ وعشان المهن دى فى التأشيرات الحرة بتبقى غالية وبتعدى 25 الف فالبديل انه يجيب تأشيرة بسعر اقل "بمهنة حرفية نقاش-مبلط-سباك-عامل .... الخ" وبعدين يسافر ويشتغل المهنة اللى هو اصلا شغالها هنا فى مصر وبعد سنه يبقى يغير المهنة فى الاقامة بناءا على مؤهله سواء اذا كان بكالوريوس او ليسانس .... او حتى لو مغيرش المهنة فى الاقامة هو كده كده شغال الوظيفة اللى عارفها " يعنى مش شرط المهنة اللى فى التأشيرة يكون رايح يشتغلها"
وزى ما سبق وذكرت لحضرتك انى عندى اصدقاء محاسبين سافروا بتأشيرات مهنية وغيرو المهنة بعد كده او مغيروهاش على حسب اختيارهم وفى كل الاحوال كل واحد شغال فى مجاله
الى جانب ان التأشيرة الحرة معناها"ان العامل بيشتغل زى ماهو عايز وفى اى مكان -المهم مايعملش مشاكل للكفيل ومايتهربش من تجديد الاقامة كل سنة" والميزة فى الموضوع ده ان فى ناس بتسافر عن طريق المكتب بعقد وكل الشروط واضحة من البداية وبعد السفر الامور تختلف "العامل مايلاقيش كل اللى اتفق عليه قبل السفر من مرتب واقامة وتامين صحى وسكن ...الخ" ويبقى عايز يسيب الشغل لكن الكفيل ربطة خلاص هنا بقى يبتدى يدور على التأشيرة الحرة اللى مش بتربطة بالعمل مع الكفيل اللى طلع عليه ويبقى عنده الفرصة فى البحث عن العمل بالشروط اللى تناسبة" كل ده لو طلع عن طريق مكتب لو لوطلع حر مش المنطقى طبعا انه يسافر كده بدون مايعرف هايعيش ازاى ..؟؟ على الاقل المكان اللى هاينزل عليه لغاية ما يلاقى شغل ويستقر طبعا بيكون متفق مع حد معرفة انه ان شاء الله هاينزل على شغل معين وهايسكن فين والراتب كام لكن كله ده باختيارة وبحريته " عشان كده اسمها فيزا حره"
التأشيرة دى كانت جاية لى اصلا من واحد قريبى سعودى وكنت هاشتغل سكرتير او مدخل بيانات وكنت هانزل على واحد صحبى فى الرياض فى الشركة اللى شغال فيها والحمد لله فرص العمل اللى تناسبنى كتير لكن ربنا ما ارادش واثناء عمل التحاليل بتاعة السفر لقيت عندى فيروس C واستحالة اسافر كل ده بعد ما غيرت المهنة لنقاش فى البطاقة والباسبور عشان يناسب التأشيرة والحمد لله على كل حال طبعا التأشيرة مابقتش تنفعنى فعرضتها للبيع عشان كده
وان شاء الله اللى يكون له نصيب فيا هايعرف انى خدمته بالكفيل ده لانه انسان فى منتهى الطيبة والاحترام والتعاون المهم ان اللى هيسافر يلتزم مع الكفيل ومايجبلوش مشاكل مش اكتر
اسف انى رغيت كتير وطولت على حضرتك
وانا موجود لاى استفسار من اى حد

[aymangalal]

سبحان الله وبحمده..سبحان الله العظيم
اذكروا الله وصلوا على النبى

[aymangalal]

تم تخفيض السعر الى 16 الف لسرعة البيع