كم أكثر سرعة مشيت عليها؟؟؟

[مهند النجار]

المشاركة الأصلية كتبت بواسطة خالدخليفة وعلى فكرة انا لاحظت ان مسألة السرعة دى فى ردود الناس معظمها عملية نفسية لاثبات نوع من التفوق بغض النظر عن قدرات وامكانيات عربيته ولذلك هتلاقى نادرا واحد لما يقوللك انا كملت الطريق كله بنفس السرعة تقريبا وده شىء مش صح ولذلك انا بستغرب على نفسى مبحبش السباقات لكن بجرى ولو واحد حاول يسابقنى بوسع له لكن احيانا طبعا شوشو يضحك عليا بسبب واحد متهور لكن اعجب واحد بجد ضحكنى واحد معاه سيات 133 القديمة خالص دى و دى معروف ان سرعتها لو زادت عن 90 ولمدة بسيطة ممكن تحر ق الموتور طيب انا معايا نيسان صنى 2008 وده مصر يسابقنى ولما وسعتله علشان يعدى فضل يجرى وانا لما بسوق 100 ممكن انام فبزود شوية وده مصر يجرى ورايا اخر م زهقت اخدت رقم العربية وروحت جارى160 لمدة نص ساعة وقعدت على قهوة وطلبت شاى وانا براقب الطريق لحد مظهر صاحبنا كملت كوباية الشاى بسرعة وحاسبت وجريت لحقته وروحت ماشى جنبه مش بعدى اسبقه ولاسايبه يسبقنى واضرب بعينى الاقى شاب لذيذ كده وقاعد ورا الدركسيون ودايس جااااامد ومتشعبط فى الدركسيون وغالبا شويه شويه هينط يجرى ادام العربية وعمال يكافح وعصبى طبعا مشيت جنبه 5 دقايق وبعدين قلت ياواد متستفزوش احسن يعمل حادثة وذنبه يبقى ف رقبتك روحت سايبه وماشى وده يدل على قلة الفكر لان مرة قابلنى واحد معاه جيب شيروكى ولما شافنى بجرى جرى ورايا وحصلنى وادانى كلاكسات وهديت السرعة وفتحت الزجاج وسالته فى حاجة فقال لا بس الدنيا ليل والجو متاخر وتعال نجرى ورا بعض فقلتله اسف رحم الله امرىء عرف قدر نفسه (صدق رسول الله) قدرة موتورك اعلى يبقى هنتسابق ازاى وسبته ومشيت

المرحوم


شافني ولا اية لو كان قال سيات خضرا كان يبقي انا 100%

كان راجل طيب ادعوله بالرحمة

[hyundai2005]

المشاركة الأصلية كتبت بواسطة مهند النجار اةةة انت تكسب في مصر بس كنت عايزك تصورها ياتري صوت الموتور كان عامل ازاي؟

فوووووووووووووووو

[مهند النجار]

المشاركة الأصلية كتبت بواسطة hyundai2005 فوووووووووووووووو

iهههههههههههههههههههههههه ههههههههههههه


يا راجل

[Rania Elhoseny]

اكثر سرعة 120
كان فى الطريق الصحراوى
العربية نوبيرا 2
الثبات كنت حاسة انى بطير انا وعربيتى والهعوا شايلنا
كنت عايزة اوصل بسرعة

[Ahmed Nageb61]

أكثر سرعه : 180
على طريق الكريمات بين محافظه حلوان والمنيا من حوالى اسبوعين تقريبا من الساعه 9 مساءً : الساعه 11.30 مساءً
الطرق فاضى وكنت متأخر وتجربه العربيه وقدراتى بالمره
كورولا 2009 mmt هاى لاين وكنت راجع من التوكيل
الثبات ممتاز
كنت زعلان لأنى كنت عاوز ازود السرعه عن كده بس بابا كل شويه يقولى هدى هدى