قنديل: إلغاء الدعم عن بنزين 95

[M.TONSY]

الـ 92 كمان هيرفعوا عنه الدعم
http://masrmotors.com/vb/showthread.php?t=99586

[AbOnOrA]

المشاركة الأصلية كتبت بواسطة ezzat2002mo السلام عليكم اولا ان اعترض مع حضرتك فى عده نقاط 1- حضرتك بعيب فى الحكومه والقوانين الحاليه كان الاخوان هما السبب فيها مع انها نتاج اكتر من 30 سنه مش هقول سرقه بس لا اهمال اقولك ليه اهمال لان لو عندك قريه مثلا فيه 100 فرد وعملت لهم قاعده بيانات بكل حاجه صغيرة وكبيرة وقعدت من ساعه ما نشات تحط قوانين وتراقب الاداء وتحاسب لما يبقى حجم القريه 1000 او مليون كل ما بتكبر القوانين بتتغير وده للاحسن برضه دلوقت حضرتك بتحمل الحكومه الحاليه فشلها فى عدم وضع قوانين جيده للرقابه مع انه مش ذنبها معلش كلام حضرتك مرسل والسلام يعنى انتقاد وخلاص طيب مدام الحكومه هبله ومش عارفه تحصل الضريبه او لسه القوانين مش متظبطه على اساس ان عندك مجلس شعب منحل وحكومه جديده وحاله مابعد الثورة ليه الاغنياء اللى بيشتكوا من رفع سعر البنزين ال 95 ما يراعوش ربنا ويدفعوا الضرائب بما يرضى الله ومعلش ماتقوليش كلهم بيعملوا كده لانك عارف انك فى مصر واى واحد فينا عارف ان اللى بيتحصل ما يجيش نص الحقيقى ده انت عندك وبدليل من مسئول حكومى بيقول ان المترو دخله اقل بحوالى 40 % من الحقيقى بسبب ان فيه ناس كتير بتتهرب منن قطع التذاكر ومعلش ده طبعا مش السبب فيه الاخوان السبهلله بتاعه المترو من ايام مبارك واحنا بنركبه والبوابات اللى عطلانه ومفيش عساكر والدنيا باظه ثانيا كلام حضرتك عن احب المصنع اللى هوة غلبان فى راى حضرتك وممكن يمشوى واحنا ياويلاة عنعيط عليه -حضرتك صاحب المصنع لو بيخسر مش هيفتح من اساسه -انا كنت شغال فى مصنع محاسب ب250 جم فى 2003 والعامل بياخد 180 جم يعنى ملاليم حتى لو دلوقت هاخد كام 1000 او 1500 جم شوف الاسعار والتضخم عامل ايه وهوة ماشاء الله فى بلد كثيفه العمليه يعنى يشغل ماجستيرات ودكتوراة باجر ماسح احذيه فى السعوديه - هنقعد نطبطب لحد امتى يعنى نديهم الغاز بسعر مدعم ويبيعوا هما بالاسعار العالميه لينا ولغيرنا وييجوا يستثمروا فى بلدنا ويستفادوا من الامتيازات الكتير مثلا انا كنت شغال فى شركه ديباك للفويل وهيه سعوديه كانت معفيه من الضرائب 10 سنين وياخدوا بنزين مدعم كمان والحجه ايه يحسن يمشوا طيب ميمشوا وهاييجى غيرهم يعنى هوة بنزين 95 هيفرق معاهم ولا حضرتك عندك مصنع علشان كده زعلان ياباشا انا شايف الحكومه دى ماشيه الى حد كبير كويس جدا يعنى فاكر ايام مبارك ولما تم رفع سعر بنزين 80 و90 و 92 وساعتها شوف الفيديو على اليوتيوب البلتاجى بتاع الاخوان كان بيصوت فى مجلس الشعب علشان ما يتوافقش على الزياده وبرضه اتوافق ودلوقت سرت اشاعه انه هيرفعوا البنزين ولما حسوا باعتراض شعبى كبير استجابوا وفضلوا التاجيل لحد لما يكون فيه مجلس شعب منتخب بس رفعوا سعر بنزين 95 للطبقه الغنيه بس وانت عارف حضرتك مين اللى ممكن يفكر يحط النوعيه دى وهما قله بس على درجه من الثراء تمكنه من الدفع شئ اخير احب انوة عليه انا فى رائئ احنا شعب استهلاكى ومش استهلاكى وبس ده متهور ومسرف الى حد كبير عندك مثلا الميه تعتبر رخيصه الواحد ممكن يستحمى اكتر من نص ساعه والميه فى الارض ويفتح الخرطوم على العربيه اكتر من ساعه على الارض ويرش الجنينه مثلا ويسيب الخرطوم مثلا والكهرباء سايب نور الشقه طول الليل ان ما كانش طول النهار برضه بس لما الحاجه تبقى بفلس اكتر هيتعلم النظام وبلاش حكايه ابو بلاش كتر منه اللى احنا عايشين فيها بقالنا سنين العالم كلها دلوقت بيلجا للتوفير فى الطاقه و اقتصاديات التوفير فانا راىى يتم رفع سعر السلعه للاغنياء ورفعها على الفقراء بشكل اقل بس مع تحسين الجوده يعنى انا عندى ادفع اكتر فى الميه بس اشرب انا وعيالى بق ميه نظيف مش ميه تعيينى والفرق ادفعه عن دكاترة الباطنه ولما اكبر ادفع على الغسيل الكلوى معلش ممكن تكون لهجتى مش ظريفه بس انا بحب البلد دى ونفسى تكون احسن بلد فى الدنيا ومش هيكون كده الا لما الاغنياء اولا هما اللى يقفوا جنبها

ثانيا معلش حضرتك بتقول اللى جايب عربيه ب100 دافع 300 ماشى بس معاة ملايين يجيب بيها

هو حقد وغل وخلاص بدام هو غنى خليه يدفع
ما اللى جايب عربيه ب100 فى اى بلد تانية جمبنا نفس العربيه باربعين خمسين وام 360 هنا بره متعديش 160 الف جنية
قولى بقى بتروح الفلوس ديه فين اصلاً

ولا هوة جاب الفلوس دى بمجهوده ماهو برضه استغل موارد وشوارع وكان حاجه فى الدوله معلش خلينا منطقيين

اه طبعاً بمجهودة اللى قالك ان اللى بيدفعو ضرائب بستخدمو موارد الدولة ضحك عليك
على سبيل المثال المهن الابداعية كاستشارى او خبير بيدفع ضرائب اكتر ويقولك علشان انت بتكسب فلوس اكتر ومبتشغلش ناس كتير طيب ده بقى بستهلك موارد الدولة
هو فى مين فين اصلاً بيستهلك موارد الدولة
ولا هى فين موارد الدولة اصلاً
انا عندى شركة انترنت مثلاً ونظراً للبنية التحتيه الضايعة كلنا بناجر سيرفرات بره مصر واى حاجة تانية بندفع تمنها وبناخدها من شركات خاصة مش قطاع عام ولا حكومة
ومع ذلك بنشغل ناس وبندفع ضرائب ولو فيه موارد حقيقيه هنشتغل اكتر وندفع ضرائب اكتر لكن زى ما قولت الحكومة جيبها مخروم وهتفضلو تتاجرو ببياع الجرير لحد ما تصفو اى حد غيركم وبس

روحو طبقو الدعم على المشتقات البترولية اللى بتشغل المصانع بتاعة الكبار بجد مش فاتح مصنع ولا شركة صغيرة شوفو صرفة مع المصانع كثيفة الاستهلاك زى مصانع الصلب والاسمدة والبتروكيماويات

وقبل كل ده برضو وفرو من عربيات الرئاسة والحكومة
ومتروحش تصرف من فلوس الدولة على احتفالات سخيفة ميحضرهاش غير الاخوان

[محمد صالح - المحامى]

استقرت وزارة البترول على إلغاء دعم بنزين 92 وبيعه خارج الكوبونات بقيمة 3.25 جنيه للتر ، و إلغاء الدعم على بنزين 95 وبيعه خارج الكوبونات بـسعر 4.75 جنيه للتر مقارنة بـ2.75 جنيه سعره الحالي

كل سيارة 1600 فما اقل ليها 120 لتر بنزين شهريا فقط بالسعر المدعم
أي سيارة أكتر من 1600 CC ( معاه ربنا )

[svneleven]

أ/عزت كلامك صح مليون في الميه. لو كل واحد بيتقي ربنا و بيطلع حق الناس في فلوسه هتبقي الدنيا زي الفل. و أنا شايف ان اي حد عربيته أكتر مثلا من 50000 جنيه مش محتاج دعم نهائي. الأولي بالدعم واحد عنده عربيه جايبها بالعافية عشان يرحم مراته و عياله من بهدلة المواصلات.

[محمد صالح - المحامى]

هههههههههههههه
الموضوع بسيط جدا يعنى اية كلمة دعم
يعنى الى مش قادر الحكومة تساعدة وتاخد من الغنى وتساعد الفقير
واحد معاه عربية تمنها 150 الف جنية ربنا يكرمة ويزيدة وعندة وحدة زيها للمدام وواحدة ثالثة لحمادة الصغير
وواحدة مستلف تمن عربية عاملة 20 الف جنية وبتخدم عيلة مكونة من اكتر من 5 افراد
======================
مين الى محتاج مساعدة الحكومة ( الدعم )
بس انا شايف ان بدل ما تدعم البنزين من الاساس
ادعم المواصلات علشان تبقى شبة ادمية وخلى الناس تركب مواصلات وهى مستريحة
ادعم الشوارع وخليها نظيفة علشان الناس تمشى فيها من غير بهدلة