شروع فى قتل

[misoalex]

طب ليه مفكرتش انهم قاصدينك انت وكانو عاوزينك تقف لاى سبب

انا شايف ان الى انت عملته مش غلط مدام انت مكنتش ناوى تأذى حد او تأذيهم وانما تتخلص منهم

[خالدخليفة]

المشاركة الأصلية كتبت بواسطة misoalex طب ليه مفكرتش انهم قاصدينك انت وكانو عاوزينك تقف لاى سبب انا شايف ان الى انت عملته مش غلط مدام انت مكنتش ناوى تأذى حد او تأذيهم وانما تتخلص منهم

هو انا اتخذت قرار بالتخلص منه ومن غلاسته لكن مكانش فى نيتى انى أأذيه لكن التصرف كان هيأذيه هو وكام واحد تانى مهو ده اللى تعب نفسيتى

[Injection]

حضرتك متزعلش نفسك خالص لأنهم حتى لو كانوا خبطوا الميكروباص كانت هتبقى غلطتهم لأنهم بيجروا فوق 100 وعمالين ياخدوا غرز.

وحتى لو كان ده غلط فدى لحظة غضب هى اللى خلت حضرتك تعمل كده, ولو حد تانى مفيش فى عربيته المراية دى (موجودة عندى) كان أكيد هيعمل حادثة بسبب النور العالى.

والدنيا دلوقتى مافيهاش أمان ممكن هما كانوا عايزين حضرتك تنزل تتخانق معاهم ويسرقوا العربية اوالموبايل او حتى يأذوك لاقدر الله.

واللى حصل حصل والحمد لله على كل شئ وعلى سلامة حضرتك.

بس أنا فى حاجة عايز أعرفها, حضرتك جبت الفلوس ولا لأ؟ ptmnlo123per135

[خالدخليفة]

المشاركة الأصلية كتبت بواسطة Injection بس أنا فى حاجة عايز أعرفها, حضرتك جبت الفلوس ولا لأ؟ ptmnlo123per135

ههههههههههههههه عفريت انت والله الحمد لله من بنها لحلوان 45 دقيقة بالظبط وطالع من بنها من وسط البلد هناك الساعه 11 بالليل وصلت 11:45 مع ملحوظة انى على مخرجت من بنها ومسكت الطريق السريع 8 دقايق ومن المعادى لحلوان ربع ساعة لانى الطريق فيه كام مطب صناعى بعد المعصرة وانا مش حافظهم فكنت بهدى السرعة ومش بجرى اوى ولدرجة ان الراجل افتكرنى بضحك عليه ومش بكلمه من بنها وجبت الفلوس الحمد لله وراحت لصاحب نصيبها تانى يوم وانا راجع من حلوان للزيتون تلت ساعة فقط كنت فى الزيتون ة ربنا يسترها على الجميع

[mida012]

طب اية رايك انك كان ممكن تمشي علي سرعة عشرين في اليمين لمدة خمس دقايق اكيد ماكانوش هيستحملوا وكانوا مشيوا علي طول

او مثلا تحاول تهدي وتيجي جنبهم وتتفرج عليهم شكلهم اكيد هتعرف من شكلهم هما اية عيال سكرانة شمحطجية او شباب بيجي بيجي بيلف ويزنق ويروح ويجي وبيتسلوا

او تركز علي مشوارك ولا كان في حاجة خلفك هف

بس لو حسيت انهم بيحاولوا يأذوك او يخبطوك اوعي يامعلم .............. اظبط الاداء ياهريدي

واللة ياجماعة كلمة اعوذ باللة من الشيطان الرجيم بنية صادقة وحسنة ربنا بيبعد عنك كل شر