استفسار صغير .. بخصوص كهرباء السياره ..

[حسام البورسعيدى]

المشاركة الأصلية كتبت بواسطة احمد على 1999 بتهيألى طبيعى ؟ على العموم متابع معك عشان اعرف لانى بلاحظها برضه عندى بس معتبرها طبيعى نظرا لتقادم البطارية

شكرا يا هندسة على ردك الكريم ...

بس معتقدش انها حاجه طبيعيه لان فى اللوجان وفى كل العربيات اللى بركبها مفيش الحكاية دى ..

المشاركة الأصلية كتبت بواسطة corsair طيب ما تروح تقيس شحن البطاريه يا حسام باشا وقيس الدينمو كمان اكيد في حاجه ملمسه عندك

فكره كويسة يا كورسير باشا .. هحاول اعدى النهارده اقيس الشحن ..

الف شكر يا كوكو وربنا ما يحرمنى من دخلتك عليا يا كبير هههههه

المشاركة الأصلية كتبت بواسطة engfathy أعتقد ممكن يكون من شحن الدينامو ضعيف شوية ولما بتبطل العربية بيبدأ يسحب من البطارية اللي هي بدأت تضعف برضة وعموما ربنا يوفقك وتوصل للحل المظبوط

شكرا للمساعده يا باشا ... بس اعتقد ان الدينامو مظبوط لان الحمد لله البطارية عمرها ما نامت مع انى احيانا بسافر واسيبها 3 - 4 ايام وممكن توصل لاسبوع وبتدور بسهوله ..

المشاركة الأصلية كتبت بواسطة Neo206 بسيطة إن شاء الله يا عم حسام أنت أكشف على البطارية و الدينو و خير بأذن الله

باذن الله هعمل كده ..

الف شكر على المساعده يا حبيب قلبى ...

[حسام البورسعيدى]

مفيش اراء تانيه يا جماعة !!!!

[eng/walaaeldeen]

السلام عليكم

كان عندي نفس المشكله ركبت كابل أرضي بين الموتور والشاسيه وتم تركيب كتاوت للنور ولم تعد المشكلة مره أخري بس الله اعلم بسبب الكتاوت ولا كابل الأرضي أو الأثنين معا
والله المستعان

[bassmko]

كدا بطريتك داخله على ربع

[أيمن الروبي]

انا حصل عندي كده روحت قست شحن الدينامو لقيته تمام طلع المشكله في حاجتين
اولا كابل الارضي لازم تشيك عليه قرطت عليه وركبتله تخشينه
ثانيا البطاريه داخله علي ربع علشان استلفت واحده اجربها لقيت الكلام ده كله اختفي