قطع غيار تمساحة w123

[محمد شهاب]

بس استنى لحظة
الميكانيكى بيقول تغيير الموتور السولار بموتور بنزين يتكلف 15 الف
ازاىىىىىىىىىى
فيه موضوع للعضو مرسيدس بس مش فاكر عنوان الموضوع
بيقول انه سال عن الموتور ولقى موتور الزلمكة موديل 93 تقريبا بالفتيس المانيوال وكل المشتملات
بـ9000 جنيه وقبل الفصال
يبقى ازاى الميكانيكى بتاع حضرتك بيقول ان تغيير الموتور يتكلف 15000 جنيه




تحياتى للجميع

[محمد شهاب]

وده رابط الموضوع اللى الاستاذ مرسيدس ذكر فيه المعلومة السابقة

http://www.masrmotors.com/vb/showthr...t=38975&page=2




تحياتى للجميع

[sad-bird]

المشاركة الأصلية كتبت بواسطة محمد شهاب خصوصا موضوع اشاعة ان الاحلال هينزل على الملاكي كمان اللي لم تتأكد صحتها من عدمه حتى الأن ماهو موضوع الاحلال ده عامل لى كاللو فى دماغى انا عاوز اجيب معدلة واعمل فيها كل الحاجات اللى اخونا مرسيدس بيقول عليها بحيث يبقى مش ناقصها حاجة وتبقى احسن من الجديد الصينى والكورى وخلافه بس خايف من موضوع الاحلاااااااااااااااااااا اال لو عملوه وسحبوا منى العربية ياباشا ورموا لى 5 آلاف جنيه او دخلونى احلال بالقسط ورجعنا تانى للصينى لان ساعتها مافيش معايا فلوس اجيب غيره ابقى اعمل ايه ياباشا حد يفكر معايا يشجعنى اشترى واللا يخوفنى واجيب حاجة تانية فيه قدامى فى الزقازيق 230 معدلة مو 80 مرايا كهربا وفتحة سقف يدوى وفرش جلد و4زجاج كهرباء وتكييف وباور وجنوط سبور وفتيس اتوماتيك وغاز خالص وراكب فيها موتور 200 ومثبت فى الرخصة عاوز اخلص فيها وخايف اجيبها واول ما ابدأ افرح بيها تيجى الحكومة وتقول كفاية عليك كده هاتها بقى تحياتى للجميع

موضوع الاحلال حتى الآن لم يثبت صحته من عدمه ومفيش حد هيعرفه ولا يقرره حتى لو الوزير نفسه مش هيقدر يقولك اه لكن باي حال من الاحوال موضوع الاحلال اكيد هيبقي فيه فرصة مش اقل من 4 او 5 سنين زي ما عملوا في قانون 2008 ادو فرصة لتاكسي احلال والنقل مقطورة 4 سنين وبالتالي لو نفسك تركب العربية يبقى هاتها وافرح بيها وعيش حياتك ولو لا قدر الله حصل موضوع الاحلال يبقى معاك فترة تقدر تعمل بيها اللي انت عاوزه مش اقل من 5 سنين
طبعا وقتها هتبقي العربيات الصيني زي الرز وهتلاقي منها مستعمل كتير يعني تقدر وقتها تجيب واحده مستعمله نضيفة بسعر معقول
وبقول لا قدر الله ثاني علشان محدش ياخد الكلام ويروح يقول انا قلت ان فيه احلال

المشاركة الأصلية كتبت بواسطة didos هوا انا مش بافكر اشد لانى لسة مااشتريتش اصلا ياعم تاجر ايه حرام عليك انا لو تاجر هاكون عارف الاسعار

وماله ياعم ديوس هيا التجارة عيب والا حرام ده حتى الواحد كان نفسه يعرف يبقى تاجر لكن للأسف بكره الفصال كره العمى

المشاركة الأصلية كتبت بواسطة didos الله ينور عليك انا اصلا امكانياتى فى الخنزيرة بس لو التمساحة افضل كتير ممكن استنى شوية

اعتقد ممكن تجيب مرسيدس معدل ( اعتقد لاني مليش معرفه كتير في الموضوع ده )
كل اللي اعرفه من قريب عنها ان فيه واحد جارنا كان جايب واحده ديزل عامله 30 ألف بس كانت عاوزة شوية شغل

المشاركة الأصلية كتبت بواسطة didos وهل فعلا اسعار العربيات دى فى الزقازيق افضل ولا مش شرط ؟

غالبا ومعظم الوقت الاسعار في الزقازيق قريبة جدا من القاهرة بل في بعض الاوقات فيه حاجات اعلى من القاهرة وبعدشن مش مهم تجيب منين المهم هتعمل صيانتك وتجيب قطع غيار منين

المشاركة الأصلية كتبت بواسطة didos انا قدامى خنزيرة حالتها متوسطة وموتور 2300 ديزل والميكانيكى قاللى سهل يتغير ببنزين ب 15 الف بس راشة دواخل طيب موضوع راشة دواخل دا مصيبة ولا عادى على عربية شغالة من 45 سنة ؟

موتور 2300 يعني ضرايب في الرخصة الجديدة على كل سنة حوالي 1200- 1300 ده اولا
ثانيا ماتور ايهاللي ب 15 ألف
ازا كان ماتور الميكروباص تويوتا 2500 سي سي بيعمل حوالي 12 ألف بمشتملاته وبعدين اللي يخليني اصرف علشان احول طيب ما احول غاز ارخص وانضف واوفر وهيتكلف تقريبا 5 الاف بس
ممكن تبعت للمهندس سمير عياد تسأله في النقطة دي والاخ مرسيدس برضة مدمن مرسيدس يفيدك اكتر مني

المشاركة الأصلية كتبت بواسطة didos انا مشكلتى كمان ان التجار مش فايدينى قوى يعنى لفيت عل محلات كتير وماحدش فادنى غي اتنين واحد بتاع جديد قاللى مفيش حاجة اسمها قطع غيار مش موجودة لاى عربية المهم اللى يدور وحاجتها رخيصة ووش الفانوس ب 15 و البيضة ب 70 ده بتاع جديد وكده والتانى بتاننى بتاع استيراد قاللى اوعى دانا معايا خنزيرة مش لاقيلها فانوسين كويسين وان كرونة التمساحة ب 1500 جنيه والخنزيرة ب 2000 جنيه والعيون نفسها 1500 ج اما الزلمكة 700ج وكلام من ده فالتجار حيرونى اكتر ومحتاج اراء اخوتى فى المنتدى يفيدونى

لازم تراعي حاجة في العربيات القديمة شوية زي مرسيدس وبيجو 504 و505 وغيرهم كتير
ان الحاجةاللي بتجيبها وتعملها بتنساها زمن طويل ومبتفكرش تعمل حاجة في العربية قبل 4 او 5 سنين على حسب استهلاكك ليها طبعا سنتين تلاته لو انت مفتري عليها
يعني الحاجة اللي هتشتريها النهاردة ب 10 قروش قدام عربية تانيه هتجيب حاجة بخمسة بس لكن هتغيرها كمان ست شهور يبقى دفعت 10 قروش في 6 شهور لكن مع دول الحجاة ب 10 هتقعد معاك سنتين وتلاته يبقى مين اوفر
اما عن التاجر اللي بيحيرك فغالبا ده بيعجزك علشان مش بيشتغل في الحاجة دي او ميعرفش يجيب الحاجة دي اما التاجر التاني فهو قالك على الخلاصة المهم اللي يدور ولو قلبت في المنتدي هنا هتلاقي فيه ناس كتير بتدور على حاجات ومش لاقياها وبعدين حد نصحهم هتروحوا المكان الفاني في الحتة الفلانية هتلاقي هناك واحد اسمه كذا هتلاقي عنده اللي انت عاوزة
وغالبا لما بتزنق مع كل الناس بتنزل بورسعيد تسأل هناك على الحاجة اللي ناقصاك
وعلشان تستفيد اكتر ابعت رسالة لمرسيدس اعتقد انه من المنصورة يفيدك حاجته بيجيبها منين واسعاراها ايه
وابعت رساله لحسام البورسعيدي اسأله عن قطع الغار عندهم ظروفها ايه
وعندك احمد بدر مشرف الاستراحة لسه جايب واحده 230ومظبطها في بورسعيد أسأله عاملة معاه ايه وجابها بكام واخبار قطع الغيار ايه

المشاركة الأصلية كتبت بواسطة محمد شهاب بس اللى اعرفه ان فيه مرسيدس من اوائل الستينات ولسه شغالة بكفاءة يعنى قطع غيارها موجودة

العربية شغاله خط فاقوس القنطرة 24 ساعه وفيه تجار كتير بيجيبوها ييحملوها بضاعه ولا عربية النقل وانا اذكر مرة كنت نازل من القنطرة الساعه 2 بالليل كنا راكبين 11 واحد فيها
6 على الكنة اللي ورا
و3 كنب السواق ( الفتيس بتاعها كان على الدركسيون وجنب السواق الفمروض 2 بس كانو قاعدين 3 )
و2 نامين في الشنطة ورا

المشاركة الأصلية كتبت بواسطة محمد شهاب بالنسبة ليا العربية دى مطلوب فيها 50 الف ولسه بدون فصال مش عارف ادخل عليها واللا لأ هو صاحبها بيقول مش راشة دواخل ولسه انا عاوز اخد حد معايا يفحصها تحياتى للجميع

اعتقد ان 50 ألف كتير على العربية لكن علىحسب حالة العربية ممكن تلاقي عربية مرفوعه فترة طويلة ومش عملت 100 ألف كيلو مثلا يبقى تجيبها وانت مغمض

العربية لو راشة من باب النضافة بيتعرف ولو راضة علشان مقلوبة بيتعرف خلي حد كويس ييروح يكشف عليها الأول ويفضل انك ترفعها في بنزينه وتقيس الماتور وتشوف حالته الا لوكنت هتغيره وان كنت افضل انك لو غيرت تحول غاز وتريح دماغك لو بلدك فيها غاز
ربنا يوفقك
تحياتي

[mercedes]

المشاركة الأصلية كتبت بواسطة sad-bird والاخ مرسيدس برضة مدمن مرسيدس يفيدك اكتر مني ......................... ........ وعندك احمد بدر مشرف الاستراحة لسه جايب واحده 230ومظبطها في بورسعيد أسأله عاملة معاه ايه وجابها بكام واخبار قطع الغيار ايه...................... .......

السلام عليكم و رحمة الله و بركاته

أنا على فكرة ماعنديش مرسيدس, أنا عندنا عربية بيجو 505 مو 1980و كان نفسى و منى عينى أنى أجيب مرسيدس معدلة , بس موضوع الاحلال ده مخوفنى .

هو طبعا الأستاذ أحمد بدر اللى جاب عربية مرسيدس 230, هو اللى هيفيدنا بكل حاجة فى الموضوع ده, أنا كنت طلبت منه أنه يقولنا بالتفصيل, هو عمل ايه و كان وعدنى أنه لما يظبط الحاجات اللى بيظبطها فيها, هيعملنا موضوع محترم عنها, ياريت بس حد يفكره لأنه ممكن يكون نسى .

[sad-bird]

المشاركة الأصلية كتبت بواسطة mercedes السلام عليكم و رحمة الله و بركاته أنا على فكرة ماعنديش مرسيدس, أنا عندنا عربية بيجو 505 مو 1980و كان نفسى و منى عينى أنى أجيب مرسيدس معدلة , بس موضوع الاحلال ده مخوفنى . هو طبعا الأستاذ أحمد بدر اللى جاب عربية مرسيدس 230, هو اللى هيفيدنا بكل حاجة فى الموضوع ده, أنا كنت طلبت منه أنه يقولنا بالتفصيل, هو عمل ايه و كان وعدنى أنه لما يظبط الحاجات اللى بيظبطها فيها, هيعملنا موضوع محترم عنها, ياريت بس حد يفكره لأنه ممكن يكون نسى .

انا مقلتش انك عندك مرسيدس انا قلت انك مدمن مرسيدس وانا متابع مشاركاتاتك كلها تقريبا ولقيت اغلبها عن المرسيدس وكندا
ودليل انك مدمن مرسيدس
بص عل توقيعك
:playing_m usic::play ing_music:
مقلتليش الامتحان اللي عندك الشهر الجاي بخصوص الايلتس والا ايه