سيتروين

[محامي من مصر]

أنا الصوره مكنتش واضحه عندي علشان كده مكنتش عارف موديلها بس اللي أنا مستغربله أن الzx 1200 سي سي لأن كل الموديلات اللي قابلتني هي 1400 سي سي وبها كماليات كثيره عامة هي سعرها كويس وهي عربيه ما شاء الله ممتازه وكل اللي عارفها كويس وركبها بيشكر فيها وفيها قطع غيار إستيراد (مستعمل ) كتير لان في موديلات منها تاكسي وبالنسبه للكماليات إن شاء الله سهل تركب وبما إن سعرها هو االلي متوفر دلوقتي توكلي على الله والتكييف بيبقى كل مكوناته جديده والكومبريسور بس هو اللي مستعمل لكن بيبقى بضمان وصيانة اللي بيركبوهلك وأنا أعرف واحد كويس في مدينة نصر وهو مشهور ومتميز وبالنسبه للسنتر والأنذار دي أمرها سهل بتشتري النظام كامل نوع وولف وبيركبهولك بتوع الكماليات وهم كتير في شارع دمشق وفي معرض أسمه الأمبراطور أو السجان وإن شاء الله نقدر نساعدك في كل اللي تحتاجيه لاني انا كمان معايا سيتروين أكسارا وأعرف قطع غيارها فين وصيانتها كمان فإن شاء الله مفيش مشكله

[tareksakr]

أولا السلام عليكم ثانيا من خلال خبرتي المتواضعة بالعربيات مافيش عربية ستروين بالسعر ده وتكون حالتها كويسة وخصوصا الستروين ال ZX سعرها بحالة نضيفة هيكون من 24000 ل 28000 جنيه ستروين ال AX بحالة جيدة سعرها بيبتدي من 20000 ل 22000 جنيه من الكلام ده نقدر نقول ان حضرتك ما تحطيش ثقتك في حد ولازم تكشفي علي العربية كويس جدا وتجيبي ميكانيكي شاطر و سمكري يكشفوا علي العربية كويس جدا ويقولوا هي محتاجة يتصرف عليها ايه وخصوصا ان قطع غيارها مش رخيصة

[صحبة خير]

ؤبنا يبارك فيكم يا رب بس هى مع واحد قريبى ومزنوق علشان كده وافق انى انزل معاه فى السعر ثانيا انا بجد عايزا اعرف فين عنوان او رقم تلفون الراجل الى يجبلى التكييف ويركبهولى وابقى مشكورا جدا ليكم هى فيها مكان للتكييف يعنى الحمد لله على التركيب بس عايزا ارقام تلفونات او عناوين الى يجبلى التكييف والسنتر لوك والزجاج الكهربائى للعلم انا ساكنه فى مدينة الشروق طريق مصر اسماعليه الصحراوى وهو للعلم مكنش عايز يبعها ده جاب ليها 4 كوتشات جداد سبور وتسجيل جديد وكمان رخص سنه وشكرا ليكم

[mzmr]

أولا السلام عليكم لا يوجد فرق بين ax وzx الفرق بسيط جدا وهي تبدا من 1100 cc ولا ينفع يركب لها تكيف و1300 و1360 و 1400 cc الباقي يركب له تكيف لانة مجهز لذلك واول مرة اسمع عن 1200cc مع العلم انا اشتريت وحدةax 1360 من شهر وشكرا

[صحبة خير]

مش عارفا هو مكتوب كده فى الرخصه وربنا يباركلك فيها طيب انا اسفه انى اسألك انت اشترتها فى حدود كام وكونت عايزا اقول لكم انها فيها شوية حجات زى الدبرياج عايز يتظبط والباب عايز يتضبط شويه وانا مش عارفا اعمل الحجات دى فين افيدونى افادكم الله انا عايزا اركب سنتر لوك وزجاج كهربائى واضبط الحجات الصغيره الى فيها اعمل كل ده فين وكمان عايزا اركب لها مرايات جديده لان المرايات بتاعتها مش شايفه منها حاجه خالص مبتعلاش بتتقتح وتتقفل بس