أفيدوني أفادكم الله

[محامي من مصر]

بحمد الله وفقني الله وأشتريت أكسارا مانيوال2001 وطبعاً بعد كثير من المعارضين وأيضاً كثير من المؤيدين كنت محتار إلى أن توكلت على الله وقمت بشراؤها والحمد لله السياره أساسيتها سليمه وهي عربيه نظيفه وصاحبها كان معتني بها ولكن بكل تأكيد كاي سياره مستعمله من يبيع لا يصرف على السياره وبالأستعمال تتكشف بعض الأشياء امامك فانا السياره معي من شهر تقريباً ولكن أشعر بعد فتره من السير بها أن الفتيس بقى تقيل في النقلات وكمان العربيه مبتسحبش على الأول والتاني مع أني عامل كبس موتور مرتين وعرفت أن الموتور بحاله جيده وعرضتها على ميكانيكي معرفه فقالي عايزه طقم دبرياج وأن الديسك لما بيسخن بيعمل تقل في النقلات وقالي أن لازم أغيره بسرعه لحسن عصاية الفتيس تتكسر لأن بضطر أتعامل بقوه حتى أستطيع النقل فهل هذا الكلام صحيح أنا عارف طبعاً ان لازم الكشف والمعاينه من قبل متخصص ولكن قولت برضه هنا فيه خبراء ومستخدمين للسياره من زمان وممكن يفيدوني برأيهم وكل الشكر لكم مقدماً.

[hazem_khidr]

الف مبروك العربيه و ربنا يديك خيرها و يحميك من شرها يا رب
بالنسبه للفتيس لو بيبقي سلس معاك اول ما بتدور العربيه و تقيل لما العربيه بتمشي بيها فتره
يبقي فعلا الديسك انتهي
و في الحاله دي بتغير طقم دبرياج كامل (ديسك و اسطوانه و بليه)
و لازم كمان تغير جميع السيور و الفلاتر طالما لسه شاري العربيه

[محامي من مصر]

المشاركة الأصلية كتبت بواسطة hazem_khidr الف مبروك العربيه و ربنا يديك خيرها و يحميك من شرها يا رب بالنسبه للفتيس لو بيبقي سلس معاك اول ما بتدور العربيه و تقيل لما العربيه بتمشي بيها فتره يبقي فعلا الديسك انتهي و في الحاله دي بتغير طقم دبرياج كامل (ديسك و اسطوانه و بليه) و لازم كمان تغير جميع السيور و الفلاتر طالما لسه شاري العربيه

الله يبارك فيك ومتشكر جداً.
وهو فعلاً الفتيس بيقى سلس في البدايه وبعدين يبتدي يتقل مع المشي وده كان مشككني في الديسك لأن كان سيارتي اللي قبل دي عملت نفس الموضوع فحبيت أتأكد وبالنسبه للسيور صاحبها قالي انه مغيرها كلها قريب وأخرها سير الكاتينه من شهر وده كان بعد ما خلصنا وقبض الفلوس وهو راجل محترم وصادق لكن طبعاً للأمان لأن ثمن سير الكاتينه والدينامو ميجيش حاجه جنب مشاكله لو حصل حاجه لا قدر الله ومرة أخرى شكراً لك