المطلوب في اول 1000 كيلو

[ahmedusamaaa]

الحمد لله استلمت نيسان صني الجديدة 2013 و دي اول عربية زيرة فانا كنت عاوز استفسر ايه اللي بيتعمل في اول الف كيلو قبل صيانة الالف سرعة كام تكيف شغال ولا لا عاوز اعرف كل اللي بيتعمل اول الف كيلو

شكرا

[sherifabden]

في اول الف كيلو حاول متقرصش على العربية ومزودش السرعة وياريت متشغلش التكييف
والف مبروك
ومعلش انا ليا كام سؤال
1/ العربية عالية عن الارض ولا واطية ؟؟
2/ هوا صح في صوت تزييق في العفشة الخلفية ولا ايه ؟؟
3/ ايه رايك عموما فيها ؟؟

[Vanditta]

http://masrmotors.com/vb/showthread.php?t=65773&page=3

الف مبروك ياباشا على العربية وربنا يديك خيرها ويكفيك شرها و
حاول ماتقرصش عليها وخلاص خلال فترة ال 1000 كيلو دى

[ahmedusamaaa]

المشاركة الأصلية كتبت بواسطة ahmedusamaaa الحمد لله استلمت نيسان صني الجديدة 2013 و دي اول عربية زيرة فانا كنت عاوز استفسر ايه اللي بيتعمل في اول الف كيلو قبل صيانة الالف سرعة كام تكيف شغال ولا لا عاوز اعرف كل اللي بيتعمل اول الف كيلو شكرا

والله العربية عالية مش زي الالنترا اللي لازم تاخد كل مطباتك مقصات او لو معاك حمل تنزله و الكلام الفاضي ده لكن هي عالية علو الكرولا 2006/2007 كده في المستوي

عفشتها ناعمة جدا و لحد دلوقتي مسمعتش فيها صوت

راسس ككل احسن من الموديل اللي فات بكتييييير واسعة جدا لانهم سحبوا من الكبوت كتتييير و شنطتها كبيرة ددا ما شاء الله بس الشنطة الوحيدة اللي تقفيلها زفت زفت يعني لكن برضه مقدرش اقيم التقييم الكامل دلوقتي لانه لسه ما اتجربتش في السرعة العالية

بس طب انا عندي سؤال لو تفضلت مانا لازم اجيب الغليار الرابع علشان حتي لو في مشكاة تبان و كمان الممفروض التكييف يشتغل علشان لو في مشكلة

[AbOnOrA]

فى اول الف كم تجيب اجندة صغيره وتحطها فى العربيه علشان تسجل فيها كل حاجة عن العربيه

وبعدين تبص على الكاوتش - والجنوط والترصيص بتاعهم - طبعاً الكلام ده المفروض بيتبص عليه فى اول صيانة بعد كده بس علشان تمشى بالعربيه بأمان الفترة ديه لازم تبص عليهم واذا كانو محتاجين ترصيص او اى ظبط تعمله

وبعدين تراجع على التقفيل وعمل كل الاكسسوارات والاضافات وان كل حاجة شغالة تمام واللى مش شغال كويس او ليك اى تعليق عليه اكتبه فى الاجندة علشان تفتكر تكتبه فى نموزج الصيانة الاولى

وبعدين بصه اخيرة على كل ما هو تحت الكبوت اتاكد ان كل حاجة تمام ظاهرياً مستوى الزيت تمام مستوى المية سائل المساحات البطارية

اذا كله تمام استخدم العربيه عادى جداً مع الحرص فى السواقه لحد ما تحفظ ابعادها وسرعة استجابة الفرامل والدريكسيون وخلافه بمعنى اوضح لحد ما تاخد على العربيه تماماً

اخيراً بالنسبة لاستخدام التكييف فده كلام مش صحيح خالص انك متستخدمهوش فى البدايه
ومش صح ان العربيه فى الاول بتحتاج تليين
ده مش متور متعمر ولا هى عربيه 128
العربيات كلها بتيجى متلينه وممكن تشغل التكييف عادى جداً من اول يوم

كمان صيانة الالف كم الاولى مش لازم تعملها بعد ما تعدى الالف ممكن تعملها فى اى وقت قبلها تطمن على العربيه وتظبطها لو فيه اى تعليق عليها اما لو مفيش وكله تمام ممكن تصبر لحد ما تكمل ال 1000 وتروح

ومبروك العربيه ربنا يهبك خيرها ويكفيك شرها