اللانوس .........ماذا تعرف عنها ؟؟

[YahiaAshraf]

التاريخ والأصل الفنى

اللانوس هى عربية جنرال موتورز قلبا وقالبا، فشركة دايو من يوم ما ابتدت فى تصنيع السيارات، وحتى قبل ان تشتريها جنرال موتورز وهى تعتمد تماما على تصميمات جنرال موتورز (أوبل تحديدا)، والسيارة اللانوس ما هى الا السيارة اوبل استرا موديل 1995 من ناحية الموتور وقاعدة العجلات(الشاسية يعنى) والات الجر ونظام التعليق (العفشة)،وكل شئ، فقط تختلف فى الشكل الخارجى والصالون الذى اعيد رسمه ليناسب موضات اواخر التسعينات.
المحرك

يوجد تحت كبوت السيارة اللانوس واحد من اشهر المحركات واكثرها انتشارا فى العالم، محرك E-tech المصمم بواسطة جنرال موتور ادى واجبة ولا يزال فى دفع العديد من طرازات جنرال موتورز للأمام فى قارات العالم السته، فهذا المحرك عمل مع السيارة اوبل استرا وفيكترا موديلات 95 والتى تعمل فى اوروبا باسم اوبل وفى انجلترا باسم فوكسهول وفى امريكا الجنوبية تحت اسم شيفورليه وفى استراليا تحت اسم هولدن، كما عمل مع الدايو لانوس فى كل دول العالم وحاليا مع الشيفرولية افيو(التى هى انسخة الجديدة من اللانوس) و الشيفروليه كورسا البرازيلية التى تباع فى مصر باسم اوبل كورسا سيدان، هذا المحرك يستحق تقدير ممتاز وهو افضل ما فى السيارة اللانوس، المحرك احادى الكامة ذو 8 صبابات يعطى قدرة قصوى فى حدود 85 حصان عند 5500 RPM، نظام تغذية الوقود عن طريق الحقن الإلكترونى.
الأداء

ملامح اللانوس فى الاداء تبدو كالتالى، المحرك يكون كسول الى حد ما فى RPM المنخفضة ولكنه بمجرد تجاوز حد ال2500 RPM يعلن عن عنفوانه ويكشر عن انيابه ويطير بالسيارة الى مد البصر تاركا السيارات المنافسة تعانى الغبار الذى اثارتة اللانوس، ولذلك فهى من السيارات البطيئة فى الإنطلاق ولكنها تعوض هذا البطء فى السرعات العالية، ثبات السيارة على الطريق معقول وان كان يسوء الى حد ما فوق ال120، ولكن يوجد حل بسيط لهذة المشكلة البسيطة هو تركيب جنوط سبور من نوع جيد، قدرة السيارة على المناورة افضل من معقولة، فرامل السيارة تبدو الى حد ما فقيرة تصميما ولذلك فهى تجاهد لإيقاف السيارة
الصوت

محرك اللانوس رغم انه ليس اهدأ محرك فى العالم لكنه له زنه مميزة لكنها ناعمة و مريحة للأذن وليست مرتفعة.
الراحة
الباور ستيرنج والتكييف ممتاز، وضع القيادة مريح الرؤية الخلفية والمرايات قاصرة جدا فى اللانوس بسبب ارتفاع الشنطة وصغر الزجاج الخلفى
الإتساع

صالون اللانوس واسع والسيارة بطول (420 سم) .
المتانة

شاسيه اللانوس يعتمد عليه تماما فهو احد الإبداعات القيمة لجنرال موتورز التى تهتم تماما بمتانة الشاسيه، اما الصاج الخارجى للانوس فلا استطيع ان اعطيه اكثر من خمسة على عشرة، ارق كثيرا مما تتطلبه ظروف بلدنا التى يعتبر اهلها سيارات الغير الموجودة فى الشارع هى الإمتداد الطبيعى للكنبة الموجودة فى البيت، وكبوت سيارات الغير هو المكان الملائم للاكل والمذاكرة وتبادل عبارت الغرام. الخامات المستخدمة فى صالون اللانوس تقييمها من ناحية المتانة 6 من 10
العمر المتوقع

التجارب تقول ان محركات جنرال موتوز معمرة ويمكن مقارنة عدد السيارات اللانوس المفوتة المدخنة الموجودة بالشارع (تقريبا مافيش) لكن الملاحظ ان اجزاء التعليق والجر فى اللانوس تتقدم بطلبات إعتزال بعد مدد خدمة اقل من مثيلاتها

منقووووووول

[hamdy said]

مشكوووووووووووووووووووووو ووووووووووووووووووووووووو ر

[YahiaAshraf]

: Wkiss5:

[sayed2077]

الف شكر لك استاذ يحى على الموضوع الاكثر من رائع للسيارة الاكثر من رائعه

اللانوس

وفعلا انا مش عارف بحب السيارة ديه ليه كدا حتى اكثر من البى ام و المرسيدس اه والله

ههههههههههههه

ممكن لاعتماديتها العالية جداااا وقلة اعطالها
و
اسعار قطع غيارها اللى ارخص حتى من 128 ومفيش عربيه تنافسها فى رخص قطع الغيار وتوفرها بكثرة كدا حتى الفيرنا مثلا اللانوس ارخص منها فى قطع الغيار

كما ان سهولة الصيانه فيها تعتبر ميزة واى حد بيعرف يشتغل فيها بدون مشاكل نهائيا ومفيش فيها مشاكل اللى تخليها معيوبة لا كلها مشاكل عادية جدا وتصليحها وتكلفة اصلاحها غير مكلفه

فعلا نقدر نقول انها اخذت لقب سيارة الشعب عن جدارة مستحيل تبص فى اى شارع الا وتلاقيها فى اى مكان فى مصر

فعلا من راى ان مفيش سيارة تقدر تنتزع مكانتها فى الوقت الحالى
من وجهة نظرى

I LOVE LANOS

[YahiaAshraf]

المشاركة الأصلية كتبت بواسطة sayed2077 الف شكر لك استاذ يحى على الموضوع الاكثر من رائع للسيارة الاكثر من رائعه اللانوس وفعلا انا مش عارف بحب السيارة ديه ليه كدا حتى اكثر من البى ام و المرسيدس اه والله ههههههههههههه ممكن لاعتماديتها العالية جداااا وقلة اعطالها و اسعار قطع غيارها اللى ارخص حتى من 128 ومفيش عربيه تنافسها فى رخص قطع الغيار وتوفرها بكثرة كدا حتى الفيرنا مثلا اللانوس ارخص منها فى قطع الغيار كما ان سهولة الصيانه فيها تعتبر ميزة واى حد بيعرف يشتغل فيها بدون مشاكل نهائيا ومفيش فيها مشاكل اللى تخليها معيوبة لا كلها مشاكل عادية جدا وتصليحها وتكلفة اصلاحها غير مكلفه فعلا نقدر نقول انها اخذت لقب سيارة الشعب عن جدارة مستحيل تبص فى اى شارع الا وتلاقيها فى اى مكان فى مصر فعلا من راى ان مفيش سيارة تقدر تنتزع مكانتها فى الوقت الحالى من وجهة نظرى I LOVE LANOS

الف شكر ليك يا باشا على مرورك الكريم

هى عربيه جميله
بس

من يوم ما شيفورليه مسكت اللانوس
بقت اوحش عربيه فى مصر

يعنى لما كانت تبع الدايو كانت ممتازه الصراحه