إلحقونى يوجد زيت فى قربة المية معقول

[hazem111]

انا لسا جايب لانسر 99 وعملت حتسة بيها ولما فكيت الياداتير لاحظت خرطو بينزل زيت دا بتاع اية واعرف ازاي مقاس الزيت العربية اتوماتيك

[احمد على 1999]

المشاركة الأصلية كتبت بواسطة MOHAMED22 تحياتى لكم جميعا وكل عام وأنتم بخير اليوم ذهبت للميكانيكى وطلعت المشكلة وش سلندر كما قال الأخوة الأعضاء وأخذت معا يا وش السلندر ورحت مليتة ومسحتة فى المخرطة وأخذ منى 200 جنيه ورحت للميكانيكى وأديتة وش السلندر وكان هذا قبل المغرب وسوف أذهب أليه بعد صلاة التراويح علشان نشوف باقى الشغل وباقى المصاريف الأخرى وربنا يسهل والحمد لله على كل شىء

الحمد لله و على فكرة سعر كويس المهم بعد كده تحط ميه مقطرة مضاف اليها عبوة اى منتج امريكى اسمها coolant booster
لان وش السيلندر كده بقى حساس للميه العادية

المشاركة الأصلية كتبت بواسطة tham1010 يا جماعة هو وش السلندر بيبوظ من أيه.. الأخ أبو شروق بيقول كلمة " قرصت على العربية" يعنى أيه المصطلح دة فى عالم القيادة؟؟؟؟

ده معناه انك على اى نقلة تزود السرعة زيادة و ال rpm يعلى جامد و صوت الماتور يعلى جامد
بس طالما العربية سليمة ممكن تقرص عاليها المهم ال rpm ميوصلش للمنطقة الحمراء و عامة حتى لو العربية سليمة المفروض ميتعملش بيها كده كتير

المشاركة الأصلية كتبت بواسطة hazem111 انا لسا جايب لانسر 99 وعملت حتسة بيها ولما فكيت الياداتير لاحظت خرطو بينزل زيت دا بتاع اية واعرف ازاي مقاس الزيت العربية اتوماتيك

طالما العربية اوتوماتيك فزيت الفتيس بيتم تبريده فى جزء من الرادياتير فغالبا الخرطوم ده حيبقى يا خط الذهاب من الفتيس الى الرادياتير يا إما خط العودة و طالما انت فكيت الرادياتير فاكيد زيت الفتيس نقص اما مستوى الزيت فبتفرق من عربية لتانية يعنى افهم من كلامك انك ملقيتش عصاية مقياس و لو فعلا مفيش بيبقى فى طبة بتتفك و تتاكد ان مستوى الزيت واصلها و برضه يستحسن تتاكد من ميكانيكى خبرة لانسر عن الطريقة المثلى لظبط المستوى ده طبعا بعد ما تركب الرادياتير
f86b1903-b5fd-40b6-b1c0-d14776472b48
1.03.01

[hazem111]

شكرا علي المعلومة وهو فعلن كان زيت الاوتوماتيك وانا زوتة

[MOHAMED22]

السلام عليكم ورحمه الله وبركاته
كل عام وأنتم بخير بمناسبة عيد الفطر المبارك وأوجه تحياتى إلى كل أعضاء المنتدى الكريم وأحب أشكركل الأعضاء الذين تم التواصل معهم وكل من شارك برأية وأعطى النصيحة الصادقة فى حل مشكلتى مع السيارة وبصراح ما شاء الله على أعضاء منتدى مصر موتورز ناس فاهمةوتعطى النصيحة عن فهم وأنا أزداد معرفة وفهم من
كل الأعضاء.
المهم أنا أستلمت السيارة اليوم من عند الميكانيكى والحمد لله وكانت التكلفة 400 جنيه يعنى التكلفة الأجمالية 200 جنيه ملىء وش السلندر ومسحة فى المخرطة بالأضافة إلى 400 جنية باقى المستلزمات وحساب الميكانيكى يبقى الأجمالى 600 جنية وقالى الميكانيكى عدى عليا بعد أسبوع علشان أشوف مستوى المياة وكذلك مستوى الزيت وأغسل دورة المية مرة ثانية وأقوم بالتحرييق على مسامير وش السلندر ( أعادة تربيط وش السلندر )

[احمد على 1999]

الحمد لله يا استاذ محمد و ربنا يباركلك فيها و كل سنة و حضرتك طيب
f86b1903-b5fd-40b6-b1c0-d14776472b48
1.03.01