الريجاتا بتطبل معايا عند سرعة 80 تحديدا

[hamaza81]

الحمد لله الذي بنعمته تتم الصالحات
امبارح انا رحت للميكانيكي وفضل مصر على رأيه ان الطلمبة ضعيفة، جربنا نفخنا كل خراطيم البنزين تاني وركبت الطلمبة القديمة اللي كانت موجودة، دورت العربية وشاف خرطوم البنزين اللي طالع من الطلمبة لقى ان ضخ البنزين كويس، طلعت جربتها حصل نفس المشكلة، العربية بطلت عند سرعة 80.
رجعت للميكانيكي قالي يا اما هاصلحهالك يا اما هاقفل الورشة وأبطل ميكانيكا
بص على الخرطوم اللي طالع من الطلمبة لقينا ضخ البنزين قل عن الأول، الراجل قالي يبقى كدة العربية ضخ البنزين فيها قليل على السرعات العالية والطلبمات الاثنين الجديدة والقديمة ضعاف ( لسة مغير فلتر البنزين عشان ماحدش يقولي الفلتر مش نضيف ).
المهم فكينا العمة، في اثنين خراطيم واحد بيدخل بنزين للكاربيراتير، والثاني بياخد البنزين الراجع يوديه للتانك، قام الراجل عمل اختراع كدة جاب حاجة وسد بيها المخرج اللي بيودي البنزين اللي راجع للتانك وراح سد الخرطوم اللي راجع للتانك، بقى الكاربراتير فيه خرطوم واحد بس اللي بيدخل بنزين، وقالي نعوض ضعف ضخ البنزين في السرعات العالية بإن إحنا نسد الراجع للتانك، وقالي المشكلة الوحيدة انها ممكن تشرق ولو شرقت هاتشرق وهي في السلانسية، دور العربية وسابها دايرة شوية تمام مافيش مشكلة، قالي اطلع جرب العربية ، طلعت جربتها الحمد لله بقت زي الفل ومشيت بيها على 120 لفترة بس خفت ازود عن كدة عشان انا مش بحب السرعة، المهم فضلت ماشي بيها حوالي ساعتين العربية زي الفل بتسحب ومش بتبطل خالص ولا في شرقة ولا أي حاجة.
كدة المشكلة اتحلت الحمد لله

أنا بس عايز أعرف هل اللي عمله الميكانيكي ( سد خرطوم البنزين الراجع للتانك ) دا في ضرر على العربية، أنا عندي قناعة تامة ان اللي صنع العربية ماعملش الحاجة دي كدة وخلاص اكيد ليها لازمة. فهل مثلا اللي عمله الميكانيكي دا هايخلي العربية تسحب بنزين أكتر واللا ايه المشاكل اللي ممكن تحصل من كدة؟؟؟؟؟؟

وانا بشكر جميع الزملاء اللي شاركوني بمقترحاتهم وأفكارهم ودعواتهم

[احمد على 1999]

الحمد لله انا فى قمة السعادة انا كنت مسافر مصر امبارح و طول السكة رايح جاى مبفكرش غير فى الموضوع بتاعك و لما رجعت باليل قتلت الموضوع بحثا على google و معظم الحلول كانت دورة البنزين بس كنت بستبعدها بناء على الى حصل

المشاركة الأصلية كتبت بواسطة hamaza81 رجعت للميكانيكي قالي يا اما هاصلحهالك يا اما هاقفل الورشة وأبطل ميكانيكا اهه ده الميكانيكى و لا بلاش أنا بس عايز أعرف هل اللي عمله الميكانيكي ( سد خرطوم البنزين الراجع للتانك ) دا في ضرر على العربية، أنا عندي قناعة تامة ان اللي صنع العربية ماعملش الحاجة دي كدة وخلاص اكيد ليها لازمة. فهل مثلا اللي عمله الميكانيكي دا هايخلي العربية تسحب بنزين أكتر واللا ايه المشاكل اللي ممكن تحصل من كدة؟؟؟؟؟؟ بتهيالى الضرر الوحيد حيبقى استهلاك زيادة و ممكن تشرق على السلانسيه بس فكرة الميكانيكى صح ان ضعف ضخ الطرمبة حيعوض سد الراجع على العموم انا كانت الريجاتا بتعمل معايا 180 كم فى الصفيحة جوه البلد و على الطوالى 220 ال 240 كم على احسن تقدير يعنى لو انت حسيت بعد كده ان الاستهلاك عالى اديك عرفت السر وانا بشكر جميع الزملاء اللي شاركوني بمقترحاتهم وأفكارهم ودعواتهم هذا بفضل الله

انا بحب اشكرك على نقل الحل و استكمال الموضوع لعموم الاستفادة
و طول فترة محاولاتك مع الميكانيكى للاصلاح كل مرة كانت بتفشل محاوله ده فى حد ذاته كان بيقرب خطوة للحل

و ربنا يباركلك فى العربية لانها عربية محترمة جدا جدا

[احمد على 1999]

المشاركة الأصلية كتبت بواسطة hazem_khidr بتفصل ازاي ؟؟ يعني بتقطع خالص و بتقف و لا بتلاق يالعربيه بتقطع؟؟ اول حاجه شوف البيكات لو كنت مصغرها يبقي رجع البيكات القديمه و طلمبه البنزين كمان لو سليمه اوك و شوف المشط بتاع السبراتير بس دا اخر حاجه

المشاركة الأصلية كتبت بواسطة hamaza81 جزاك الله خيرا هي العربية بتفصل عند سرعة 80 وبتبقى محتاجة تتدور تاني بالكونتاك فعلا غير طلمبة البنزين وبرضة نفس المشكلة العربية بتبطل عند سراعة 80 فاضل فعلا البيكات زي ما انت بتقول والميكانيكي قالي نغسل التانك برضة عشان العربية كانت ماشية ببنزين 80 ودلوقتي انا حطيلتها 90

المشاركة الأصلية كتبت بواسطة hossamhussein0 العيب ده 99% ناتج من قلة تدفق البنزين للموتور الذي يحتاجه عند السرعة العالية و طالما أنه تم تغيير الطلمبة و تنظيف الكربراتير ،، ممكن يكون العيب هايف جدا (فلتر البنزين) به سد نتيجة وجود شوائب كثيرة بتمنع مرور البنزين بالمستوي الكافي خاصة و انه كان يتم استخدام الـ 80 قبل كده و ممكن يكون العربية متركب فيها اكثر من فلتر و فيه واحد فيهم منسي بقاله فترة طويلة (حصلت معايا و كان فيه فلتر راكب عند العجلة الشمال الخلفية و كان مسدود و منسي بقاله سنين) .

حاجة من الاتنين يا قطع الغيار مغشوشة يا الترس او تعشيقة الطرمبة فى الماتور فيها مشكلة

[hamaza81]

المشاركة الأصلية كتبت بواسطة احمد على 1999 الحمد لله انا فى قمة السعادة انا كنت مسافر مصر امبارح و طول السكة رايح جاى مبفكرش غير فى الموضوع بتاعك و لما رجعت باليل قتلت الموضوع بحثا على google و معظم الحلول كانت دورة البنزين بس كنت بستبعدها بناء على الى حصل يا أخي ربنا يباركلك ويحفظك، وشكرا ليك على اهتمامك انا بحب اشكرك على نقل الحل و استكمال الموضوع لعموم الاستفادة و طول فترة محاولاتك مع الميكانيكى للاصلاح كل مرة كانت بتفشل محاوله ده فى حد ذاته كان بيقرب خطوة للحل و ربنا يباركلك فى العربية لانها عربية محترمة جدا جدا

أكيد طبعا زي ما الناس افادت وردت يبقى لازم اوصل الحل اللي انا عملته عشان الإستفادة تكتمل

[atgps]

المشاركة الأصلية كتبت بواسطة احمد على 1999 حاجة من الاتنين يا قطع الغيار مغشوشة يا الترس او تعشيقة الطرمبة فى الماتور فيها مشكلة

فعلا ممكن يكون رأيك صح!! ممكن يكون البنز اللى بيشغل الطلمبة متآكل وأصبح أقصر وبالتالى لايمكنه من دفع الطلمبه لأخر المشوار وبالتالى ضغط ضعيف.


أنا بس عايز أعرف هل اللي عمله الميكانيكي ( سد خرطوم البنزين الراجع للتانك ) دا في ضرر على العربية، أنا عندي قناعة تامة ان اللي صنع العربية ماعملش الحاجة دي كدة وخلاص اكيد ليها لازمة. فهل مثلا اللي عمله الميكانيكي دا هايخلي العربية تسحب بنزين أكتر واللا ايه المشاكل اللي ممكن تحصل من كدة؟؟؟؟؟؟

أولا مبروك لوصولك الى السبب.
خرطوم الراجع لايوجد فى السيارات القديمة ووظيفته تخفيف الضغط على طلمبة البنزين، وبالتالى سد خرطوم البنزين الراجع سيؤدى الى قصر عمر طلمبة البنزين وبالطبع لن يتسبب فى شرقان العربية لوجود بلف أعلى عوامة الكاربيراتير ولكن ممكن يؤدى الى زيادة فى استهلاك البنزين.