أنا شاكك إن هذة السيارة مسروقة (هام هام هام........) ماذا أفعل ؟

[JAZZAR]

إلى كل أعضاء المنتدى أنا منذ فترة حوالى من 4 إلى 5 شهور وأنا ذاهب للعمل الأحظ وجود سيارة لانسر مركونه ويعلوها التراب ولم تكن موجودة من قبل وأشك أنها مسروقة ومركونه فى هذا الشارع ....
وكان هناك سيارة أخرى دايو نوبيرا منذ حوالى أكثر من سنة ونصف فى نفس المكان سيارة ظلت مركونه فترة كبيرة وكل فترة كنت بلاحظ أنها يتم كسر شىء فيها مرة زجاج الباب ومرة البرابريز وهكذا ....

لذا أرجو من كل عضو أن يرى هذة المشاركة وقد أرفقت صور للسيارة الانسر التى أشك أنها مسروقة البحث معى عن صاحبها إن كانت مسروقة ...... والله الموفق ..... وجزاكم الله خيراً...m_jazzar1982@hotmail.comللتواصل معى ده الميل الخاص بى
...

[Hisham.Elgazzar]

يتم إبلاغ أقرب قسم حضرتك تابع له وبيتم رفع العربية ووضعها عند القسم حتى يأتى صاحبها يستلمها ويدفع الغرامة لو إشغال طريق
او يستلمها لو مسروقة

[كومندا]

لالالالالالا الشرطه مبدورش على اصحاب عربيات
لو تعرف تسال فى المررو عن صاحب النمر دى او عنوانه يكون احسن
لكن القسم هيخدها تترمى قدام القسم شويه وبعد كده هتترمى فى الشونه اللى بيخزنوا فيها العربيات عندهم
وبعد كده فلان باشا عايز اكصدام فك منها علان باشا عايز كبوت وماله
وبعد كام سنه تتباع خرده فى مزاد

[abo sandy]

لا حول ولا قوة الا بالله
بجد والله منظر صعب ان حد يشوف عربيته مسروقة بالشكل ده
والله اعلم بقا جايبها كاش ولا قسط ويا عالم لسه عليه اقساط منها ولا خلاص

انا راى من راى الاستاذ كومندا
الافضل انك تسال عن اسمه بالنمر بتاعة العربية وتعرف عنوانه او رقم تليفون له وتبلغه
وجزاك الله خير وكما تدين تدان فى الخير ان شاء الله

وصدقنى لو حطيت نفسك مكان صاحب العربية هتعمل كل الى تقدر عليه عشان ترجعها له

[JAZZAR]

السلام عليكم ورحمة الله وبركاته
إختفاء السيارة
وأنا ذاهب للعمل اليوم 5/10/2013 لاحظت إختفاء السيارة من مكانها ولا أعلم هل صاحبها أخذها أم أنها إتسرقت!! أم من الذى أخذها ؟؟؟؟؟