سؤال فنى بحت

[HaMaDa-ToUBaR]

انا عاوز اغير الكاوتش الى عندى واجيب كاوتش جديد

المقاس الى عندى 215/50/17

نزلت وروحت واسأل ملقتش غير المقاس 225/45/17 من النوع الى انا عاوزة (كونتننتال)

المهم دلوقتى انا عاوز اعرف المقاس الجديد دة هيركب عندى ولا لاء (الراجل بتاع الكاوتش بيقول يركب عادى )

والسؤال التانى بما ان المقاسات مختلفة انا عاوز اعرفة اية التأثير الى هيكون عندى ؟؟ العربية هتوطى ولا تعلى العفشة هتنشف ولا حاجة عداد الكيلو هيخلف بسبب المقاس ؟؟

محتاج اجابة عن الاسألة دى ضرورى علشان عندى فردتين بايظين وعاوز اغير طقم الكاوتش ومش عارف اعمل اية

اة واخيرا الراجل بيقول ان سعر الفردة 1800 .. السعر دة طبيعى .. اصل انا اول مرة فردة كوتش تبوظ معايا فى حياتى وياااارب تكون اخر مرة

هو الكاوتش نوعة كونتننتال المانى الصنع
المقاس 225/45/17 ران فلات

[I.ABUBAKR]

المشاركة الأصلية كتبت بواسطة HaMaDa-ToUBaR انا عاوز اغير الكاوتش الى عندى واجيب كاوتش جديد المقاس الى عندى 215/50/17 نزلت وروحت واسأل ملقتش غير المقاس 225/45/17 من النوع الى انا عاوزة (كونتننتال) المهم دلوقتى انا عاوز اعرف المقاس الجديد دة هيركب عندى ولا لاء (الراجل بتاع الكاوتش بيقول يركب عادى ) هيركب عادي والسؤال التانى بما ان المقاسات مختلفة انا عاوز اعرفة اية التأثير الى هيكون عندى ؟؟ العربية هتوطى ولا تعلى العفشة هتنشف ولا حاجة عداد الكيلو هيخلف بسبب المقاس ؟؟ العربيه هتوطي 6.25 مم العفشه هتنشف حاجه بسيطه لان البروفيل بتاع الكاوتش قل من 50 الي 45 والدركسيون برده هيتقل حاجه بسيطه علشان العرض زاد وبرده ثبات العربيه هيفرق للافضل عداد الكيلو هيقرا اقل بـ 2 % تقريبا يعني لو ماشي علي 102 العداد هيقرا 100 محتاج اجابة عن الاسألة دى ضرورى علشان عندى فردتين بايظين وعاوز اغير طقم الكاوتش ومش عارف اعمل اية اة واخيرا الراجل بيقول ان سعر الفردة 1800 .. السعر دة طبيعى .. اصل انا اول مرة فردة كوتش تبوظ معايا فى حياتى وياااارب تكون اخر مرة الحقيقه معرفش اسعار الكوتس الـ 17 بس السعر دهواضح انه مبالغ فيه هو الكاوتش نوعة كونتننتال المانى الصنع المقاس 225/45/17 ران فلات

[svneleven]

هو المقاس هيركب و مش هيحك و لا حاجة لكن العربية للأسف هتوطي 6.25 مم. و طبعا أساسي هتحك في المطبات كتير عن الأول. و العفشة هتكون أنشف سنه صغيرة. الصراحة ما انصحكش الناس بتعلي العربية مش بتوطيها. السعر يا سيده مش عارف بالظبط لمن أنا سألت من حوالي شهر علي بريدجستون 205/55/16 ران فلات والسرعة W كانت ب 1200 جنيه. طبعا فيه فرق في المقاس و الماركة لكن أظن 1800 جنيه كتير. السعر عشان تتأكد انه تمام اسأل في كذا مكان و أنصحك تجيب المقاس بتاعك بالظبط و لو قفلت معاك يبقي أنسب مقاس 225/50 و ده هيعلي العربيه 5 مم هيطري العفشة شوية و الثبات تقريبا مش هيتأثر.

[HaMaDa-ToUBaR]

الف شكر يا رجاااالة ع الرد ومشاركتكم معايا

طبعا انا كدة عندى مشكلة ان الكاوتش هيوطى العربية وانا مش عاوز اوطيها هى كدة كدة واطية خلقة ومش ناقصة

طيب بالنسبة للران فلات دة عملى فعلا ... يعنى يستاهل انة يدفع فية فلوس ؟؟
وبالنسبة ان النوعية كونتننتال نوعية جميلة وعجبانى اوى الصراحة وعلشان كدة عاوز النوع دة .. فهل انتم تعرفو نوع تانى بنفس الكفأة ؟؟
ودلوقتى انا مقاسى مش لاقية اعمل اية ؟؟