بماذا تمتاز البطاريات الجافه عن البطاريات العاديه

[الصقر_الجارح]

بسم الله الرحمن الرحيم

أحب أوجه اعجابي الشديد بموضوع حضرتك القيم جدا..فعلا حضرتك من الناس المحترمة بجد.

ربنا يجزاك خير ويقويك على افادة الناس..

للأسف انا شاري العربية بتاعتي ببطارية سائلة وان شاء الله هغيرها بواحدة جافة اول ما يحصل للقديمة حاجة او تبوظ (في حد يدعي على بطاريتو؟!! مش كده بردو ههههههههه)

بس للأمانة يا بشمهندس انا من ساعة ما اشتريت العربية بقالها 7 شهور عمر البطارية ما نامت أو شحنتها قبل كده, وساعات كنت بسيب العربية بالأسبوع ما أدورهاش واجي أدورها بتدور من أول مرة.

تعتقد السبب في كده كفاءة الدينامو ولا البطارية؟

بس عيبها اني بلاقي القواطيش عاملة ملح ولازم كل فترة ادلق ماي سخنة على القواطيش والبطارية نفسها عشان اغسلها من شوية الحامض اللي بيطفح ساعات.

طيب سؤال:

تنصحني في المستقبل إن شاء الله أجيب بطارية جافة نوعها ايه؟ وكام أمبير 50 أم 70؟

وأيهما الأفضل للدايو لانوس 1500 سي سي؟

وشكراً.

[M.TONSY]

تسلم ايدك يا ا/سمير وربنا يجعله فى ميزان حسناتك
بما انك خبير فى موضوع البطاريات كنت عايز رايك انا البطارية عندى كلورايد سايلة بتاعة العربية بقالها14 شهر الحمد لله كويسة وبتابع ميتها بنفسى بس بلاقى رشح خفيف من بعض العيون هل ده عيب دينامو بيخرج شحن زيادة ولا ده عادى من النقر والمطبات .. تحياتى لك

[samirayad]

تعتقد السبب في كده كفاءة الدينامو ولا البطارية؟

الدينامو طبعا عندك شحنه زى الفل .....وصباح الفل

تنصحني في المستقبل إن شاء الله أجيب بطارية جافة نوعها ايه؟ وكام أمبير 50 أم 70؟

AC-DELCO السعودى المنتشره بالسوق المصرى

والأمبير زى ماتحب ....فده شغال وده شغال

لكن طالما الدينامو بيشيل ...أفضل 70 أمبير

[samirayad]

بس بلاقى رشح خفيف من بعض العيون هل ده عيب دينامو بيخرج شحن زيادة ولا ده عادى من النقر والمطبات ..

ده بيسمى

دموع العيون فى البطاريات السائله

والدموع مفيده فى بعض الأحيان

وخصوصا لو كانت معايرة البطاريه ناقصه سوى

أو شحن الدينامو .....حامى حبتين

موضوع ممتاز يا استاذ سمير وانا فعلا كنت في حيرة لا تتخيلها وانا بشتري البطارية واخر ما زهقت لقيت بطارية اسمها بنديكس ايطالي 2*1 جافة وسايله في نفس الوقت