محاولة اصلاح الفتيس

[ahmed_eng2001]

المشاركة الأصلية كتبت بواسطة كومندا هوه اللى قدام الفتيس ده دهان ولا ايه بالظبط وانته دهنته بايه وبكام

ده اسبراى كروم ... اشتريته من شارع الجمهورية من فترة و كان بـ 15 جنيه
الاسبراى مش زى الدوكو .... بس بيدى نظافة و شكل كويس مبدئى

[كومندا]

المشاركة الأصلية كتبت بواسطة ahmed_eng2001 ده اسبراى كروم ... اشتريته من شارع الجمهورية من فترة و كان بـ 15 جنيه الاسبراى مش زى الدوكو .... بس بيدى نظافة و شكل كويس مبدئى

الله ينور عليك ياباشا تسلم ايدك

[ahmed_eng2001]

بعض الحاجات الجانبية اتعملت مع الفتيس

صلايب الكردان

لما فكيت الكردان الامامى ... وجدت ان فيه واحدة من الصلايب فيها خشونة ... ففورتها ... و دى الصور



لاحظوا الكباية الشمال .... البلى الى كان فيها كان متكسر .... علشان الشحم نشف جواها
تم تغير صليبة الكردان بواحدة جديدة بمشحمة

كارتيرة الزيت
كارتيرة الزيت كان فيها خبطة ...فضيت الزيت ....و فكيت مسامير الكارتيرة
استعدلت الخبطة .... عملت جوانات جديدة ... رشيت الكارتيرة اسبراى اسود و ركبت تانى





فكيت الديسك و الاسطوانة بالمرة علشان اشيك عليهم
وجدت ان سرة الاسطوانة بتلق .... اشتريت اسطوانة جديدة و ركبتها
و دى الصور

شبطت اعلى مسمار فى الديسك


دخلت الاسطوانة من تحت الديسك ... و شبطت المسمار الى فى اسفل الديسك


استعنت بعمود الدريك فى ظبط الاسطوانة فى السنتر بالظبط ... و بعد كدة ربطت بقية مسامير الديسك



سوستة الفول
الخراط كسر احدى سوست الفول و هو بيكبس التروس على الاكس ...
رحنا لواحد بتاع فتايس و الحمد لله جبنا من عنده سوستة فول تانية و ركبناها


كباية الصليبة
كباية صليبة الكردان وقعت على الارض و انا بفك الكردان .... و اتملت تراب
فكيتها .... غسلتها بالبنزين ... و رجعت ركبتها تانى بالشحم

[ahmed_eng2001]

التكلفة :-

بلية الديريك 300 جنيه
اويل سيل زور الفتيس 120 جنيه
اويل سيل الواصلة 60 جنيه
8 تيل بودان .. مقاسات مختلفة 10 جنيه
مسامير ... مقاسات مختلفة 10 جنيه
مصنعية الخراط فى الفك ... 100 جنيه
مصنعية الخراط فى التركيب 80 جنيه
اسطوانة جديدة 500 جنيه

[screamseko]

ماشاء الله
تسلم ايدك يكبيير