مش هلاقى حلها غير من خبراء الاكسنت

[Ayman_Nazeih]

المشاركة الأصلية كتبت بواسطة samirayad لاحول ولاقوة إلا بالله متابع ولو فيه جديد أكيد مشارك وخلينا نتعامل مع الموضوع بمنتهى الهدوء والتركيز لعل الله يوفقنا لمعرفة السبب

المشاركة الأصلية كتبت بواسطة samirayad خيرا بإذن الله

الحمد لله تم حل المشكلة اخيراً بفضل الله أولاً وبمساعدتكم ونصائحكم ثانياً.
طبعاً بعد اللف والدوران لمدة شهرين على اكتر من مركز خدمة وميكانيكيه محترفين وغير محترفين وعلى قدهم (يعنى جربت كل المستويات) بس الكل اجمعوا على ان العيب ده من حساس الأيدل، وبعد ماجربت معظم حساسات الايدل اللى عند معظم بتوع الاستيراد وللأسف يبقى العيب كما هو لحد ما خلاص كنت على وشك بيع العربية لانها كلفتنى كتيير جداً وكمان كنت بدات اقفل منها،
المهم بعد قراءة موضوع فى منتدى آخر عن مركز متخصص فى الكربارتير والانجكشن وكان المدح فيه كتيير وعقدت العزم على زيارته ، وفعلاً قمت بزيارته يوم امس الجمعة وهناك كان فرج الله وتم حل المشكلة فى وقت قياسى واللذيذ ان العيب طلع من حساس تانى خالص اللى كل الخبراء والاصدقاء والمعارف اجتمعوا عليه.
المهم المشكله كانت فى حساس الـ إير ماس بالاضافة ان فيشة حساس الـ إير ثيرمو كانت متبدله مع فيشة خزان الفرامل.

شكــــــــراً لكل من شارك معى فى موضوعى ومشكلتى
وشكـــــــر خاص جداً للمهندس سمير عياد الذى لم ولن يبخل على احد يطلب العون والمساعدة لدرجة انك تحس انها مشكلته هو شخصياً.
بارك الله فيك وجعله الله فى ميزان حسناتك.

[abdo982]

الف الف مبروك على حل المشكلة .... بس يا ريت عنوان الورشة اللى وجدت فيها الحل او رقم تليفون الميكانيكى علشان لو حصلت عند حد ميلفش ... يجيب من الأخر.:w6w200504112257276 b

[Ayman_Nazeih]

المشاركة الأصلية كتبت بواسطة abdo982 الف الف مبروك على حل المشكلة .... بس يا ريت عنوان الورشة اللى وجدت فيها الحل او رقم تليفون الميكانيكى علشان لو حصلت عند حد ميلفش ... يجيب من الأخر.:w6w200504112257276 b

شكراً يا استاذ عبده على ردك واهتمامك
اسم مركز الخدمة هو مركز الصفا وعنوانة 52 شارع مختار اباظة من جسر السويس
يعنى وانت ماشى فى جسر السويس عند سوق القنال بعده بشوية هتلاقى عمارات الفاروقية ومطعم الشبراوى على يمينك هتعمل اول يو ترن هتقابلك تدخل الشارع اللى قبل بنزينة كالتكس وتمشى فيه لغاية اخره هتلاقى هناك مركز الصفا.