يا خبراء القيادة بالاسكندرية ساعدوني

[kimocyc]

المشاركة الأصلية كتبت بواسطة douha_nour حد يشرحلي يا جماعة ارجوكم

يشرح ايه بالضبط ؟؟؟

[douha_nour]

طريقة القيادة والملفات اخد بالي من ايه امشي يمن ولا شمال وكدا

[Maged_Samy]

1- الالتزام بالحارة اليمنى من الطريق .
2- عدم الانحراف يميناً او يساراً الا بعد النظر جيداً فى المريات والنظر على حرف كتفك لان المرايا فى جزء بيكون نقطة عمياء .
3- تشغيل الاشارة اللازمة قبل الانحراف يميناً او يساراً .
4- اضاءة نور الانتظار فى حاله انك تلاقى حد وراك مستعجل وعايز يجرى .
5- عدم استخدام الضوء المبهر والاكتفاء بأضائه نور تحديد ابعاد السيارة .
6- عدم السير بسرعات كبيرة .
7- فى دورانات الطرق السريعة الزم الجانب فى اتجاه الملف لتجنب القوة الطاردة المركزية يعنى الملف يمين تاخده من الحارة اليمين ( طبعاً الكلام ده لما تبقى تمشى بسرعة ) .
8- عدم الخوف من السيارات حولك حتى لو كانت نقل او اتوبيس والثقة فى النفس وعدم التشبث بطارة الدركسيون بشكل يلفت نظر الاخرين ويوحى بعدم مهارتك .
9- عدم الضغط على الفرامل بشكل مفاجىء او بقوة .
وربنا معاك

[douha_nour]

متشكر ليك قوي بس اذاي في الدورانات الزم اتجاة الدوران
يعني لو دوران شمال وانا ماشي علي الكورنيش يمين ذي ما قولت معني ذلك اني اقطع الطريق كلة من يمن لشمال قبل الدوران

[Maged_Samy]

المشاركة الأصلية كتبت بواسطة douha_nour متشكر ليك قوي بس اذاي في الدورانات الزم اتجاة الدوران يعني لو دوران شمال وانا ماشي علي الكورنيش يمين ذي ما قولت معني ذلك اني اقطع الطريق كلة من يمن لشمال قبل الدوران

لا طبعاً انا اقصد فى الطرق السريعة المفتوحة بين المدن وعلى السرعات العاليه لكن على السرعات البطيئه طبعاً مش بتفرق - والملفات بتبقى مصممة بميل حتى يقلل من القوة الطاردة المركزية التى تؤدى الى انحراف السيارة ومن ثم انقلابها - ومتهيألى انت مش هتمشى بسرعة دلوقتى علشان كده انسى الموضوع ده دلوقتى .